बलिउड अभिनेता रणवीर सिंह रोहित सिट्टीया कप–युनिभर्स ‘सिंघम अगेन’ य् खने दइगु जूगु दु। निर्माण कम्पनीं पोस्टर सार्वजनिक यासे उगु संकिपाय् रणवीरं सिम्बा पात्रया भूमिका निर्वाह याइगु जूगु दु।

‘सिम्बा’ या लुकय् ‘सिंघम ३’ या पोस्टर स्वये धुका फ्यानत उत्साहित जूगु दु। उगु पोस्टरं दर्शक तय्त मनोरञ्जन बिइगु खने दु ।

पोस्टर सेयर यासे रणवीरं च्वंगु दु, ‘दकलय् नटखट, दकलय् अज्जु चाइपुगु, आला रे आला, सिम्बा आला ।’ पोस्टर स्वया फ्यानं कमेन्ट याःगु दु, ‘झिगु सिम्बा गुलि बालां ।’ मेम्ह फ्यानं च्वंगु दु, ‘बाबा, मिँ जुगु दु, मिँ जूगु दु। मेमेपिन्स धाःगु दु, ‘फस्ट डे, फस्ट शो ।’

अजय देवगण नं पोस्टर सेयर यासे च्वंगु दु, ‘जिमिगु पुचलय् दकलय् अप्पो नखखट अफिसर ।’ रोहित शेट्टीया थुगु संकिपा अजयनापं दीपिका पादुकोण न खनेदइ ।

रोहित शेट्टीया थुगु संकिपा ‘सिंघम अगेन’ सन् २०२४ या अगस्ट १५ य् रिलिज जुइ । बलिउडया थुगु शक्तिशाली फिल्म साउथ स्टार अल्लु अर्जुनया ‘पुष्पा २’ नापं पिहावइगु जूगु दु।

भारतया राष्ट्रपति भवनय् जूगु भव्य समारोहय् भारतीय राष्ट्रपति द्रौपदी मुर्म न ६९ गु राष्ट्रिय फिल्म अवार्ड लःल्हाःगु दु ।

उगु ज्याझ्वलय् अल्लु अर्जुन, आलिया भट्ट, कृति सेनन लगायत कलाकार तय्थ सिरपा लःल्हाःगु खः । अभिनेत्री कृतिं ‘मिमी’ पाखे दकलय् बांलाम्ह अभिनेत्रीया अवार्ड त्याकूगु खः।

अभिनेत्री आलियां ‘गंगुबाई काठियावाडी’ पाखे दकलय् बांलाम्ह अभिनेत्रीया अवार्ड त्याकूगु खः। अथेहे ‘पुष्पा : द राइज’ पाखे अल्लु अर्जुनं दकलय् बांलाम्ह अभिनेताया अवार्ड त्याकूगु खः।

आर माधवन निर्देशित ‘रकेट्री : द नाम्बी इफेक्ट’ न दकलय् बांलागु संकिपाया अवार्ड त्याकूगु खः । विवेक अग्निहोत्रीया ‘द कश्मीर फाइल्स’ न नरगिस दत्त अवार्ड त्याकूगु खः ।

वाहिदा रेहमानयात दादा साहेब फाल्खे दीर्घ साधना सम्मान याःगु खः।

थलापति विजय स्टारर भारतीय संकिपा ‘लियो’ न विश्व बक्स अफिसय् कीर्तिमानी ओपनिङ याःगु दु। भारतीय सञ्चारमाध्यमया कथं एक्सन–थ्रिलरं जवान, आदिपुरुष व जेलरया न्हापागु दिं दकलय् यक्को कमय् याःगु दु।

बलिउडया कमाइबारे अध्ययन याइगु एजेन्सी स्याकलिंकया कथं ‘लियो’ न हलियकं १४० करोड भारु ओपनिङ याःगु खः। पिंकभिल्लाया कथं थुगु डेब्यु ओपनिङ १४५ करोड भारु जुइफु।

प्रभास स्टारर ‘आदिपुरुष’ न थथे हे कमय् याःगु खः लिपा म्हो जुया वःगु खः । शाहरुख खान अभिनित संकिपा ‘जवान’ न विश्व बक्स अफिसय् १२९.१ करोड भारु कमय् याःगु खः।

येँ महानगरपालिका वडा १८ या अध्यक्ष न्हुच्छेकाजी महर्जनं अभिनय यानादीगु निपू म्युजिक भिडियो सार्वजनिक जूगु दु।

म्हिगः बागबजारस्थित सिटी म्याक्स हलय् छगू ज्याझ्वः दथुइ येँ महानगरया उपप्रमुख सुुनिता डंगोलं उगु नेपाल भाषाया ‘छंगु नुगलय्’ व यो मनमा त्यो मन’ नेपालीभाषाया म्येया भिडियो सार्वजनिक याःगु खः।

वडा अध्यक्ष महर्जनं हे च्वयादीगु उगु म्ये अभिनय रति महर्जन न यानादीगु खः। उगु ज्याझ्वलय् विशेषपाहाँ कथं येँ महानगरपालिकाया निवर्तमान प्रमुख विद्यासुन्दर शाक्यं न्ववानादीगु खः।

नेपाल भाषाया म्येय् सरस्वती मानन्धर व राजेन्द्र शाक्यं सः बियादीगु खःसा पवन जोशीं निर्देशन यानादीगु खः। अथेहे नेपाली भाषाया म्येय् राजेन्द्र शाक्यं सः बियादीगुलि म्ये च्वमि महर्जन नापं रति व सुरज नापित, आराध्यलक्ष्मी खड्गीं अभिनय यानादीगु खः।

निपू हे म्येय् दिप तुलाधरं संगीत तयादीगु खः। सोहन मानन्धर व अमर चित्रकारं छायांकन यानादीगु खः।

बलिउड अभिनेता सनी देओल थःगु वइगु संकिपायात कया लगातार चर्चाय् वयाच्वंगु दु ।

आमिर खाननाप ‘लाहोर १९४७’ व ‘पुष्पा’ या निर्मातानाप शीर्षकविहीन संकिपा नाप मेगु संकिपातय् अपडेट जूगु दु। ताःईलिपा चर्चाय् वःगु संकिपा ‘बोर्डर २’ खः ।

मिडिया रिपोर्ट व संकिपा नाप सम्बन्धित स्रोतया कथं सनी देओलं उगु संकिपाताय् पारिश्रमिक कथं ५० करोड भारु काःगु खः । उलि जक मखु, सनीं उगु संकिपाताय् निर्मातानाप नाफा न इना काइगु जूगु दु।

निर्देशक जेपी दत्त व भुषण कुमारं थुगु संकिपाताय् मंकाः कथं निर्माण याःगु खः। ‘बोर्डर २’ यात जेपी दत्तं निर्देशन याइगु चर्चाय् दु। संकियातय् सनीनापं आयुष्मान खुराना, एमी विर्क व अहान शेट्टीपि न दु ।

छायांकन सन् २०२४ या लिपागु इलय् सुरु जुइ । थुगु पटक न बाखं धासां भारत–पाकिस्तान युद्धया आधारितय् जुइत्यःगु खः।