लकडाउनया हुनिं जुइमफयाच्वंगु राजोपाध्याय म्ये कासा अन्ततः स्वदँ लिपा जूगु दु । शनिबाः यलय् राजोपाध्याय गायन कासा क्वचाल ।

कासाय् सक्षम शर्मा राजोपाध्याय न्हाप लात । अथे हे, सुभिया राजोपाध्याय ल्यू व सौरभ राजोपाध्याय लियांल्यू लात ।

त्याकामि स्वम्हेसितं निर्णायक मण्डलया दुजः कलानिधि इन्दिरा संगीत महाविद्यालयया प्रिन्सिपल, वरिष्ठ म्येहालामि धनबहादुर गोपालीं ट्रफि लःल्हानादिल ।

तका सिरपाः धाःसा पुष महिनाय् जुइगु समाजया दँमुँज्याय् लःल्हायेगु समाजया नायः संजय शर्मा राजोपाध्यायं जानकारी बियादिल । न्हाप, ल्यू व लियांल्यू लाःपिन्त छसिकथं झिद्वः तका, न्हय्द्वः तका व प्यद्वः तका सिरपाः बीगु समाजं धाःगु दु ।

निर्णायक मण्डलया दुजः वरिष्ठ म्येहालामि गोपालीं त्याकामिपिनिगु नां घोषणा यासें थः मस्तयत कला क्षेत्रय् न्ह्याःवनेत हःपाः बीत अभिभावकतयत इनाप यानादिल ।

‘कला क्षेत्रयात स्वयेगु मिखा आः पाः, थुगु क्षेत्र सम्मानया ल्याखं जक मखु, आर्थिक ल्याखं पाः । थः मस्तयत थ्व क्षेत्रय् न्ह्यज्याकादिसँ’ गोपालीं धयादिल ।

निर्णायक मण्डलय् गोपालीलिसें संगीत संयोजक, क्लासिकल गितारिस्ट भुपेन्द्र बज्राचार्य व नेपालया न्हापांम्ह हवाइन गितारिस्ट ईश्वर जोशी दुगु खः ।

ज्याझ्वलय् म्येहालामि सुरजबीर बज्राचार्य, संगीत संयोजक लिसें म्येहालामि भुपेन्द्र बज्राचार्यं म्ये हालादीगु खः । लिसें मुनिन्द्र ज्वालानन्द राजोपाध्याय व विनित ज्वालानन्द राजोपाध्यायं सारंगी व बाँसुरी वादन न्ह्यब्वयादीगु खः ।

ज्याझ्वः कजि लिसें समाजया संस्थापक नायः बदन ज्वालानन्द राजोपाध्यायं कासाया लागिं २०७६ फागुन १७ गते हे क्वचाःगु खःसां कोरोना महामारी, डेंगुया प्रकोपलिसें थीथी हुनिं फाइनल कासा लिबाःवंगु जानकारी बियादिल ।

नेपाल सम्बत् न्हूदँया लसताय् ‘छंगु म्हगः गुलि बांलाः’ म्येया भिडिओ प्रिमियर जूगु दु। वरिष्ठ गायक जुजुकाजी रञ्जितया ‘छंगु म्हगः गुलि बांलाः’ म्येया भिजुअल यूट्यूबय् प्रिमियर जुगु खः।

उगु म्ये नीन्यादँ न्ह्यः एफ. एम. रेडियोय् यक्व थ्वयेधुंकगु खः । लोकलसय् प्याखं हुलेत छिंगु ताल जूगुलिं उबलय् दबुली थ्व म्येय् प्याखं हुलेगु याः । आः वयाः कथानक भिजुअलनापं यूट्यूबय् स्वये दुगु जुल ।

अर्गानिक कथंया क्लासिकल प्रेमबाखं दुगु थ्व म्येया भिजुअल स्वनिगःया रमणीय ग्रामीण परिदृश्य दुगु खोकनाय् छायाङ्कन जूगु खः । नकतिनि ल्यासे ल्याय्म्ह जुइगु बखतय् निर्दोष कथंया यःत्यः जुइगु मतिनाया बाखं थुकी दु । भिजुअल सलल बाः वं ।

मुख्य भूमिकाय् दुपिं राष्ट्रिका शाक्य व सुदीप भजूया अभिनय सहज स्वाभाविक जू । मेपिं कलाकारपिनि अभिनय नं उलि हे बांलाः । मगन इन्टरटेन्मेन्टं दयेकूगु थुगु भिडियोया निर्देशक रजिन महर्जन खः ।

नेकपा (एमाले) या अध्यक्ष केपी शर्मा ओलीं सरकारं बालागु ज्या याये मफुगुलि हे देशय् अराजकता अप्पोया वंगु खः धका धयादीगु दु।

नेपाल संवत ११४४ न्हुदँया लसताय् थौं येँया बसन्तपुरय् एमाले येँ महानगरपालिका कमिटीं ग्वसाः ग्वंगु छगु ज्याझ्वलय् अध्यक्ष ओलीं सरकारं राजनीतियात अराजक दयकूगु व सुशासन कायम याये मफुगुलि देशय् अराजकता अप्पोया वंगु खः धका धयादीगु खः। सरकारं हे गुन्डातय्त थाय्् बिःगु तक वयकलं द्धपं बियादीगु खः। अध्यक्ष ओलीं मनूयाके जुइफु धका धयादीसे व लोकतन्त्र व गणतन्त्र गुवलय् खराब जुइफइ मखु धका धयादीगु खः।

देशय् राजतन्त्रया कल्पना याये फइमखु व आः न्हापागु युगपाखे लिहावने फइमखु धका धयादीसें वयकलं धयादीगु दु ओलीं जन्मय् जुइवं सू न जुजु जुइगु खँ जनतायात स्वीकार्य जुइ मखु धका धयादीगु खः। पुलागु इतिहासया सकारात्मक खँया सम्मानयाना न्ह्यावनेमाः धका वयकलं धयादीगु खः।

जनतायात जात, धर्मया नामय् विभाजित यायेगु कुतःयाना आः देशया विरुद्ध षड्यन्त्र जुयाच्वंगु धका वयकलं धयादीगु धका धयादीसे वयकलं देय् रक्षाया लागि एमाले जनतायात साथ कया न्ह्यने दनां ल्वायेगु निति तयार दु धका धयादीगु खः।

 बहुपति प्रथाया आधारित डकुमेन्ट्री ’सहायक श्रीमान’ (को–हजबेन्ड) नं क्यानडाय् नगद सिरपा ना बालागु चिंहाकगु संकिपाया अवार्ड त्याकूगु दु।

क्यानडाया टोरोन्टाय् जूगु ज्याझ्वलय् ३६ दँया पुलागु प्रतिष्ठित सोसाइटी अफ भिजुअल इन्थ्रोपोलोजी संकिपा एन्ड मिडिया फेस्टिभलय् को–हजबेन्डं स्वसः अमेरिकी डलर नापं बालागु चिहाकंगु अवार्ड त्याकूगु खः। अवार्ड ज्याझ्वलय् फिल्म फेस्टिभलया सहनिर्देशक युनिभर्सिटी अफ साउर्दन क्यालिफोर्नियाया एशोशियट प्रोफेसर जेनिफर कुल व युनिभर्सिटी अफ कोलारोड बोउल्डरया एशोशियट प्रोफेसर क्रिश्चियन ह्यामन्सं को–हजबेन्डया निर्देशक गणेश पाण्डे व निर्मात्री शारदा गैरेयात उगु पुरस्कार हस्तान्तरण याःगु खः।

अमेरिकन एन्थ्रोपोलिजिकल एशोशियन व क्यानेडियन एन्थ्रोपोलोजी सोसाइटीं ३६ दँनिसे दँय् दँसं अन्तर्राष्ट्रिय सम्मेलननापं फिल्म व मिडिया महोत्सव याना वयाच्वंगु खः। निर्देशक पाण्डेया को–हजबेन्डं थ्व स्वया न्ह्यः न विश्वया प्रतिष्ठित फिल्म फेस्टिभलय् अवार्ड त्याके धुकुगु खः।

बहुपति प्रथाया आधारित ३५ मिनेटया डकुमेन्ट्री फिल्म कर्णाली प्रदेशया हुम्लाय् छायांकन याःगु खः। छेँ दुपि गुलि न दाजुकिजा तय्गु छम्ह हे ब्याहा याइगु बाखंयात कया उगु संकिपायात निर्देशक पाण्डे न याःगु खः। साइन मिडिया प्रालिं निर्माण याःगु खः। 

बलिउड निर्देशक संजय गढवी मन्त । भारतीय सञ्चारमाध्यमया कथं वयकः हृदयघातया कारणं मन्त ।

लँय् न्यासी वनाच्वंगु इलय् छक्वलं छाती स्यायेवं अन हे बेहोस जूगु खः। वया लिपा वयकःयात तुरून्तै अस्पताल यकूगु खः। ५७ दँ दुम्ह वयकः बलिउडय् महत्वपूर्ण योगदान दु।

फिल्म ’धूम’ व ’धूम २’ संजयं निर्देशन याःगु खः। वयकःया न्हापागु संकिपा ’तेरे लिए’ खः।  व नापं वयकलं ’किडन्याप,’ ’मेरे यार कि शादी है’ लगायत संकिपा न निर्देशन याःगु खः।

वयकः मदुगुलि भारतीय संकिपा ख्यलय् निराशा जूगु दु।