मिस नेवाः ११४५ संचाःकमि प्रलिशा शाक्य जुइत ताः लागु दु।

नीम्हेसिया ब्बःति काःगु उगु ज्याझ्वलय् मिस नेवाः ११४५ प्रलिशा शाक्य जुइत ताःलागु खः।

छकलं स्वंगू संकिपा प्रदर्शनय् थनिंनिसें छकलं स्वंगू संकिपा प्रदर्शन जूगु दु।

थ्व हे झ्वलय् थनिंनिसें ‘मम्मी’, ‘जुना’ व ‘सारङ्ग’या प्रदर्शन न्ह्याःगु दु। मचा मनोविज्ञान व मित्रताया बाखं न्ह्यब्वयातःगु संकिपा ‘सारङ्ग’ यात प्रशान्त तामाङं निर्देशन यानादीगु दु। विद्यालयस नृत्य स्यनामिकथं ज्या याना च्वनादीम्ह निर्देशक तामाङं मचातय्गु बाखंयात तःधंगु पर्दाय् दुथ्याकूगुलिं उकिं सकारात्मक प्रभाव त्वःतीगु धयादिल।

“संकिपाय् छगू छेँय् जुइगु थवंथः कचवंपाखें मस्तय्त लाइगु असर, मचाइलय् स्वाकीगु मित्रता व सामाजिक उत्तरदायित्वयात संकिपाय् कःघानागु दु”, निर्देशक तामाङं धयादिल। थ्व संकिपाय् उत्पल झा, ऋचा शर्मा, आदित्य कार्की, सम्राट थापा, सुरज तमु, समीरमणि दीक्षितलिसें कलाकारतय्सं अभिनय यानादीगु दु।थनिंनिसें हे प्रदर्शन जूगु संकिपा ‘मम्मी’ न्ह्याना च्वंगु स्वयां बिस्कंगु ‘हरर साइकोलोजिकल–थ्रिलर’ विधाय् तयार जूगु निर्देशक समर निरौलां धयादिल। “मद्दिक दयेका वयाच्वंगु संकिपा स्वयां बिस्कं कुतः यानागु दु।

जिं छुं संकिपा व टेली शृङ्खलाय् ज्या यानाबलय् हे बिचाः यानागु विषययात संकिपाय् कःघानागु खः। थ्व विषय नेपाली संकिपा स्वइपिं दर्शकतय्गु निंतिं न्हूगु जुइ”, वय्कलं धयादिल। संकिपाय् प्रियङ्का कार्की, सुलक्षण भारती, दीया मास्के, समीप निरौला, आयुषी ढकाल, जेभिस श्रेष्ठ, गीत विष्ट, घनश्याम जोशीपिनिगु अभिनय यानादीगु खः।

प्रदर्शन जुयाच्वंगु स्वंगूगु संकिपा ‘जुनाः एक व्यथा’ या निर्माण मचाइहिपा व मिसा हिंसा निरुत्साहित यायेगु ताःतयाः दयेकूगु निर्देशक जीवन सेञ्चुरीं कनादिल। वय्कलं धयादिल, “संकिपाया विषय झीगु गां समाजय् खनेदूगु घटनाक्रम खः। जिमिसं क्यनागु बाखं स्वयाः भतिचा जूसां सुसूचित जुयादिल धाःसा झीपिं सफल जुइ। ई मत्यवं इहिपा जूम्ह चेलीं भोगे यायेमाःगु बाखं हे संकिपाया विषय खः।”

दीपकप्रसाद घिमिरें निर्माण यानादीगु संकिपाय् अस्मिता ढकाल, कृष्णप्रसाद धिताल, देशभक्त खनाल, रश्मी भट्ट, अनिता बस्नेत, कमल बोहोरालिसेंया कलाकारतय्सं अभिनय यानादीगु खः।

भारतया गायक सोनू निगम पुणेय् लाइभ कन्सर्टया झ्वलय् स्वास्थ्यय् समस्या वःगु दु। सोनूं सामाजिक सञ्जालय् छपाः किपा सार्वजनिक यासे अथे जानकारी ब्यूगु खः।

’थ्व जिगु जिन्दगीइ दकलय् थाकुगु दिं कथं जुगु दु। तर सन्तुष्टिं जाःगु दु। जि म्ये हालाच्वगु दु, सनाच्वंगु न दु। उकियात जँ स्यागु सुरू जुगु खः। वया लिपा जि थःत कःघाना।

छाय् धाःसा जि दर्शकया भलस त्वाः थले चाहे मजुया। उकि याना जि थःगु कन्सर्ट पूरा याना।जितः लय्ताःगु दु आः दक्को पाय्छि दु,’ निगमं धाःगु दु।

निगमया जँय् समस्या वःसा उगु कन्सर्ट पूरा याःगु खः।

बलिउड अभिनेता अक्षय कुमार अभिनय याःगु संकिपा ’स्काई फोर्स’ न भारतीय बक्स अफिसय् बालाक्क कमाइ याःगु दु।

भारतीय सञ्चारमाध्यम नवभारत टाइम्सया कथं उगु संकिपा न ११ दिं दुने १०१ करोड ३५ लाख भारू कमे याःगु दु। संकिपा न १२ करोड २५ लाख भारूया ओपनिङ याःगु खः।

थुगु संकिपा न हलियक १३२ करोड भारू कमे याये धुकुगु दु। स्काई फोर्स १९६५ य् पाकिस्तानया दथुइ जुगु युद्धय् भारतं न्हापागु हवाई हमला याःगुयात कया संकिपा दयकातःगु खः।

अभिषेक अनिल कपूर व सन्दिप केवलानी निर्देशित याःगु संकिपाय् अक्षय कुमार, सारा अली खान, निम्रित कौर, वीर पहाडियापिनिगु अभिनय दुगु खः।

बलिउडया चर्चित सिक्वेल मध्ये छगु संकिपा ’हेरा फेरी’ खः। ’हेरा फेरी’ या न्हापागु ब्बः सन् २००० य् प्रदर्शन जुगु खःसा सन् २००६ य् निगुगु ब्बः ’फिर हेरा फेरी’ प्रदर्शन जुगु खः।

निगुलि संस्करणय् अक्षय कुमार, परेश रावल व सुनील शेट्टीयात दर्शक तयेस तसकं यकूगु खः। अनिस बाज्मीं निर्देशन याःगु खः।अथेहे उगु संकिपाय् तब्बू अनुबन्धित जुगु दु। तब्बू ’हेरा फेरी’ या न्हापागु पिहावःगुलि दुगु खः।

सुनील शेट्टीयात मतिनामिया भूमिका निर्वाह याःगु खः। सन् २००६ य् रिलिज जूगु ’हेरा फेरी’ य् निगुगु ब्बय् तब्बू खने दुगु खः।