नेपालभाषाया टेलिभिजनया ज्याझ्वः “ख्वताबजि“ पुचलं ज्याझ्वःया न्हापाम्ह निर्देशक राजु स्यःस्य व न्हापाम्ह च्वमि हृदय प्रसाद मिश्रयात वयक पिनिगु योगदानया कदर यासे हना देछागु दु।

इमेज च्यानलय् क्यना वया च्वंगु “ख्वताबजि“ ज्याझ्वःया क्यनाज्या द्वःछि ब्वः पूवंगु लसता हने कथं हंगु ज्याझ्वलय् वयकपिं निम्हेसित थथे हंगु खः।मूपाहाँ येँ महानगरपालिकाया उपमेयर सुनिता डंगोलं उलेज्या यानादीगु उगु ज्याझ्वलय् येँ महानगरपालिकाया उपमेयर डंगोलं हना पौ देछाना दीगु खःसा ज्याझ्वलय् ख्यालिजुजु मदनकृष्ण श्रेष्ठ व इमेज च्यानलया महाप्रबन्धक रघुबर भक्त मानन्धर व “ख्वताबजि“ या लेखक निर्देशक सुरेन्द्र तुलाधरं खादा व स्वामा क्वखाय्का दीगु खः।

ज्याझ्वलय् समाजसेवी गोपाल कृष्ण महर्जन, फिल्मबन्जा गोपाल काजी कायस्थ लगायतया विशेष उपस्थिति दूगु खःसा आपालं कलाह्यःमि पिनिगु उपस्थिति दूगु खः।

अमर चित्रकारं च्वयादीगु व च्वमि चित्रकारनाप सरीता महर्जनया सः, भूपेन्द्र बज्राचार्यया संगीतय् लोकंह्वाःगु म्ये “छंगु ल्यूल्यू” म्ये कासा चन्द्रकृष्ण प्रजापतिं त्याकादीगु दु । थुगु कासाय् दकले बांलाम्ह म्येहालामिकथं न्हाप जुयाः वय्कलं छपु म्ये रेकर्डिङ व म्युजिक भिडियो सिरपा त्याकादीगु दु । “छंगु ल्यूल्यू” टिकटक कासा श्रृतिका श्रेष्ठ त्याकादीगु दुसा वय्कलं हे दकले अप्वः भ्यूजया सिरपा नं त्याकादीगु खः । वय्कलं न्हाप सिरपा नगद १५ द्वः तकाः व दकले अप्वः भ्यूज सिरपा नगद ५ द्व तका त्याकादीगु खः ।

यल महानगरपालिका १६ वडाया नायः निर्मलरत्न शाक्यं सिरपा त्याकादीपिन्त दसिपौ लःल्हानादीगु खःसा खादा व स्वांमाः सभानायः सरीता महर्जन व विशेष पाहां विजयरत्न असंबरे क्वखायेकादीगु खः ।

म्ये कासाय् म्ये छपु रेकर्डिङया सिरपालिसें ल्यू राजेशराज बज्राचार्य लाःगु खःसा म्ये छपु रेकर्डिङया सिरपालिसें लियांल्यू सिरपा सविनरत्न शाक्यं त्याकादीगु खः । टिकटक कासापाखे श्रीजा अवालें ल्यू सिरपा १० द्वः तका त्याकादीगु खःसा निकी बज्राचार्य देसारं ५ द्वः तकाः नगदलिसें लियांल्यू सिरपा त्याकादीगु खः ।

झिंन्यासः तका नगदनापं हःपा सिरपा त्याकादीपिं बबिता रञ्जित, रेश्मा महर्जन, कृष्मा चित्रकार, सुयन चित्रकार, विजय डंगोल, ममता श्रेष्ठ व समीर शंखदेव प्रजापति खः ।

ज्याझ्वलय् थुगु कासाया निर्णायकपिं निल शाक्य, भूपेन्द्र बज्राचार्य, सुरजवीर बज्राचार्य अमोघवीर बज्राचार्ययात नं हंगु खः ।

ज्याझ्वःया निगूगु ब्वय् सरीता महर्जनया सः, आनन्दरत्न बज्राचार्यया च्वसा व अनिल तुलाधरया संगीतय् ‘हायेकेमते’ म्ये प्रेमियर नं जूगु खः । मनोज महर्जन, हसना महर्जन, रुपा मानन्धर व सुब्रिना चित्रकारया अभिनय दुगु थुगु म्यूजिक भिडियोय् रुपमा मानन्धरं समा यानादीगु खः । छायाँकन व सम्पादन अमर चित्रकारं यानादीगु थुगु म्यूजिक भिडियोया कोरियोग्राफर सुमन बज्राचार्यं खःसा निर्देशन राजेन्द्र महर्जनं यानादीगु खः ।

टाइम आउट रेष्टुरेन्टय् जूगु थुगु ज्याझ्वः सुरजवीर बज्राचार्यं न्ह्याकादीगु खः ।

हायेकेमते म्ये न्यनादिसँ ।

https://youtu.be/wFrd9fEJH1Q?si=ysmYXhnhaZKIIB4W

 

संयुक्तराज्य अमेरिकाया थीथी सहरय् नेपाःया कला व तजिलजि प्रवद्र्धन यायेगु तातुनां साङ्गीतिक व हास्य व्यङ्ग्य ज्याझ्वः जुइत्यंगु दु।‘अब नाच्छ अमेरिका २’, ‘अब हाँस्छ अमेरिका २’ व ‘अब सुन्छ अमेरिका’ शीर्षकय् स्वंगू ब्यागलं ज्याझ्वः न्ह्याइगु ग्वसाः खलः ‘फ्लाइ नेपाः’ या नायः विनोद अधिकारीं धयादिगु दु। वय्कलं धयादिल, “जिमिसं न्ह्यइपूगु ज्याझ्वःत दयेकाःगु दु।

थुकी न्हिलेगु, प्याखँ हुलेगु व न्यनेगु यानाः स्वंगू हे विधायात कःघानागु दु। जिमिसं थुकियात अझ यक्वः सभ्य व भव्य कथं न्ह्याकेगु तयारी यानाच्वनाःगु दु। अमेरिकाया थीथी सहरय् वइगु फेब्रुअरी व अप्रिलय् ज्याझ्वः यायेत्यनाःगु दु।” नायः अधिकारीं ‘अब नाच्छ अमेरिका २’ खय् म्ये हालामि बद्री पंगेनी व प्रताप दास, कला लम्साल व एलिना चौहान, ‘अब सुन्छ अमेरिका’ खय् कवि प्रदीप रोदन व साइग्रेस पोखरेल व ‘अब हाँस्छ अमेरिका २’ खय् मिस पवि, पवन खतिवडा, सुनीता श्रेष्ठलिसेंया न्ह्यब्वइगु जुगु दु।म्येहालामि प्रताप दासं थःनापनापं फुक्कं कलाकारं ज्याझ्वःया तयारी यानाच्वंगु दु धयादिल ।

वय्कलं धयादिल, “जिमिसं अमेरिकाया परिवेश नापं ज्वःलाःगु ज्याझ्वः दयेकाः तयारी यानाच्वनाःगु दु। थुगुसिइ जिपिं नापनापं स्वकुमि तय्त नं प्याखँ ल्हुकेगु जुइ। थ्व सांङ्गीतिक यात्रा तसकं न्ह्यइपुसे च्वंगु व लुमंकेबहःगु जुइ धयागु भलसा दु।” ग्वसाः खलःया कथं अमेरिकाया न्युयोर्क, वासिङ्टन डिसी, ओहायो, कोलोराडो, बोस्टन, पेन्सेल्भेनिया, सिकागो, क्यालिफोर्नियालिसेंया सहरय् ज्याझ्वः जुइ।

थ्वस्वया न्ह्यः फ्लाइ नेपालं ‘अब नाच्छ अमेरिका’ व ‘अब हाँस्छ अमेरिका’ ज्याझ्वः क्वचायेके धुंकूगु दु।

चलचित्र विकास बोर्डया ग्वसालय् थनिनिसें थन १० न्हूया ‘ड्रोन कार्यशाला’ न्ह्याःगु दु।

कार्यशालायात न्ह्याकुसें बोर्डया नायः दिनेश डिसीं न्हूगु प्रविधि छ्यलेफत धाःसा गुणस्तरीय संकिपा दयेकेगु ज्याय् तिबः जुवनी धयादिल।

कार्यशालाय् २५ म्ह प्रशिक्षार्थीतय्त ल्यया प्रशिक्षण बिइत्यंगु गु धासें वय्कलं संकिपा दयेकेत ड्रोन छ्यलावया च्वसां नं उकियात बांलाक्क छ्यलेसःम्ह दक्ष मनुया अभाव दूगु धयादिल। संकिपाया छायाँकारत प्रद्युम्न मिश्र, मनकृष्ण महर्जन, निरज कँडेल, स्थिर छविकार राजभाइ सुवाल, कुवेर डङ्गोल, संकिपाकःमि शान्ता नेपालीलगायत २५ म्हेसिनं ब्वति कयाच्वंगु दु।

“छगु ल्यूल्यू” टिकटक कासाय् ११०६ म्हसिनं ब्वति कयादीगु दु । अमर चित्रकार व सरीता महर्जनया सलय् थ्वःगु, अमर चित्रकारं हे च्वयादीगु व भूपेन्द्र बज्राचार्यं संगीत व संगीत संयोजन यानादीगु थुगु म्येया टिकटक कासाय् ब्वति कयादीपिन्सं न्हाप सिरपा १५,०००, ल्यू सिरपा १०,००० लियांल्यू सिरपा ५,००० तका व दकले अप्वः भ्यूजया नितिं ५,००० तका सिरपा देछायेगु खँ ग्वसाः खलः ए.एम. क्रियशन नेपालं जानकारी ब्यूगु दु ।  

टिकटक कासानापनापं न्ह्याःगु “छंगु ल्यूल्यू” म्ये कासाय् २९ म्ह कासामिपिन्सं ब्वति कयादीगु दु । सविनरत्न शाक्य, कपिलदेव कर्माचार्य, कृष्ण चित्रकार, सविन्द्र महर्जन, सन्जिप जोशी श्रेष्ठ, ज्ञान महर्जन, मानकाजी शाक्य, कृष्णा श्रेष्ठ, चन्द्र प्रजापति, ललेन्द्र शाक्य, सुजना महर्जन, विरेन्द्र महर्जन, निरोज बज्राचार्य, प्रदिप बज्राचार्य, हरि किजु, चनेलाल मानन्धर, चेकाराम अवाले, विना अवाले, निरु मानन्धर, दिपिका बाडा, शान्ति श्रेष्ठ म्हपु, सिजन शाक्य, महेश महर्जन, करुणा बज्राचार्य, लक्ष्मी श्रेष्ठ, सुनीता मानन्धर, सुवर्णमैंया महर्जन, सम्पूर्ण बज्राचार्य, चण्डिका बाडे घःजु, राजेशराज बज्राचार्यं थुगु कासाय् ब्वति कयादीगु खः ।

म्ये कासाय् न्हाप लाःम्हेसित छपु म्ये रेकर्डिङ नापं म्यूजिक भिडियो, ल्यू व लियांल्यू लाःपिंकासामिपिन्त म्ये रेकर्डिङया सिरपा देछायेगु ग्वसाः खलकं कंगु दु ।

निर्णय प्रक्रियाय् दुगु थुगु कासाया लिच्वः घोषणा व समापन ज्याझ्वः याकनं हे जुइगु नं ग्वसाः खलकं कंगु दु ।