अमेरिकाय् ९७ क्वःगु ओस्कार अवार्ड ज्याझ्वः जूगु दु। विश्व सिनेमाया सर्वोच्च अवार्ड कथं कयातःगु थुगुसीया ओस्कार संस्करण भव्य जुगु दु।

हलिउड शहर लस एन्जलसय् च्यानाच्वंगु मिँया न्ह्यलुवा जुया च्वंपिं दमकलया कर्मचारीतय्त सम्मान याःगु उगु ज्याझ्वलय् जेम्स बन्डया निर्मातायात नं सम्मान याःगु खः।

थ्व ओस्कार नेटफ्लिक्सया निंतिं दुःखद जूगु खः, छाय् धाःसा अप्वो ल्याखय् १३ गू विधाय् मनोनित जूसां नं ‘एमिलिया पेरेजं’ थःगु प्रतिष्ठा कायम याये मफुत।ओस्कारया रेड कार्पेट नं फेसनया पर्यायवाची खः।

ज्याझ्वःया निंतिं सेलिब्रिटीतय्सं गुकथं वसः पुनी, व न्ह्याबलें विश्वव्यापी संचार माध्यमया ध्यान आकर्षित यानाच्वंगु दु। ओस्कारया रेड कार्पेटय् टिमोथी चालामेटनिसें सेलेना गोमेजतकया स्टारत चम्के जुगु खः।

सर्वनाम रंगमञ्चय् थीथी देय्या निगू दर्जनसिबें अप्वः प्याखं क्यनेज्या जुयाच्वंगु दु।

इन्टरनेशनल पिपुल्स थिएटर फेस्टिभल सोसाइटी व सर्वनाम थिएटरया सहकार्यय् फागुन १७ गतेनिसे सुरु जुगु इन्टरनेशनल पिपुल्स थिएटर फेस्टिभल न्यान्हु तक न्ह्याइ। “शान्तिया निंतिं रंगमञ्च, संस्कृतिया आदानप्रदान व दिगो भविष्यया सुरक्षा” धइगु मू नारा दुगु थुगु महोत्सवय् जापान, भारत, चीन, थाइल्याण्ड, बंगलादेश, हङकङ, कोरिया, फ्रान्स, बेलायत, ताइवान, फिल सिंगापुर, फिल सिंगापुर लिसेंया १३ गू देय्या थीथी शहरया २०० स्वयां अप्वः रंगमञ्च कलाकार व प्याखंम्वःपिनिगु ब्वति दु।

महोत्सवया न्हापांगु दिं हङकङया मोक चि युया निर्देशनय् ‘बुनाई स्वतन्त्रता’, भारतया नाट्य चेतनां न्ह्यब्वःगु प्याखं ‘देवी’, दक्षिण कोरियाया नमोदक आन्दोलनया प्याखं ‘मिटिङ’ न्ह्यब्वःगु खः। निन्हुया दिं ४ गू प्याखं न्ह्यब्वःगु खः। नेपाःया प्रतिनिधित्व यासें सर्वनाम थिएटरं अशेष मल्लया निर्देशनय् दयेकूगु प्याखं ‘अर्को कुरुक्षेत्र’, राज शाहया प्याखं ‘मनोक्रान्ति’, फिलिपिनो प्याखं ‘अरिमोमंग’, थाइ प्याखं ‘डिसेप्सन अफ द डेमन’ न्ह्यब्वःगु खः।

स्वन्हुया दिं बंगलादेशया प्याखं ‘तुम्बा एण्ड द नेबर’, सिंगापुरया ‘सिक्स माइक्रो लेक्चर अन जेनोसाइड’, चीनया ग्रास स्टेज थिएटरया ‘बियोन्ड होप एण्ड डिस्पेयर’ प्याखं न्ह्यब्वःगु खः । प्यन्हुखुन्हु हङकङया नाटक “तु दु“, जापानी नाटककार इन्डी लीया “इट वनट बी लङ नाउ“, नात्सुको किरितानीया “द ट्रान्स–बोर्डर“ मञ्चन जूगु खः। लिपांगु दिं ‘फेयरवेल लेट अस गो टु साउथ’ व फ्रान्सेली निर्देशक म्याक्सिम सिसेया ‘ए लिटिल बर्ड इन द केज’ प्याखं न्ह्यब्वइगु जूगु दु।

नेटफ्लिक्सं भारतया लोकंह्वाःगु क्राइम थ्रिलर टिभी शो ‘सी.आई.डी.’या निगूगु सिजन स्ट्रिमिङ न्ह्याकूगु दु। विश्वप्रसिद्ध व लोकंह्वाःगु ओटीटी प्लेटफर्मय् थःत यःगु शो स्वयेत फ्यानत उत्साहित जुयाच्वंगु दु।

फ्यानतय्सं अभिजीतया ‘समथिङ इज रंग’ व दया पात्राया ‘ब्रेक द डोर’ डायलग शेयर यानाच्वंगु दु। सोनि टिभिया थुगु नांजाःगु सिरिज हलिन्यकं लोकंह्वाःगु खः। न्हापां १८ गू एपिसोड पिहां वःगु दु, गुकियात स्वकुमिपिन्सं थःगु फुर्सदय् स्वयेफइ। फेब्रुअरी २२ निसें नेटफ्लिक्सं नं हरेक शनिवाः व आइतबाः बहनी १० ताः इलय् न्हूगु एपिसोड सार्वजनिक याइगु जूगु दु।

स्वकुमिपिन्त नियमित ताजा बाखं बीगु आज्जुं थुगु विधि छ्यःगु खः धाइ। नेटफ्लिक्सय् वइगु जूसां नं सिआइडीं सोनी टिभी व सोनी लाइभ थेंज्याःगु प्लेटफर्म त्वःती मखु। सिइआरडिं १९९८ निसें प्रसारण यायेगु सुरु यात। अपराध अनुसन्धानया बाखं यःपिं स्वकुमिपिनि दथुइ थ्व शो लोकंह्वा ।

थ्व श्रृंखलाय् आइकनिक एसीपी प्रद्युमानया रुपय् शिवाजी सतम, वरिष्ठ निरीक्षक अभिजीतया रुपय् आदित्य श्रीवास्तव व वरिष्ठ निरीक्षक दयाया रुपय् दयानन्द शेट्टीं म्हितूगु दु।

विच्छेद पप स्टार जेनिफर लोपेज व हलिउड अभिनेता बेन अफ्लेकया औपचारिक सम्बन्धविच्छेद जूगु दु। निम्हेस्यां जनवरि ६ कुन्हु काउन्टी अदालतय् पारपाचुकेया निंतिं निवेदन ब्यूगु खः।

अदालतं फेब्रुअरी २१ कुन्हु निम्हं अलग जुइगु पक्षय् फैसला याःगु खः। न्हापांखुसी पीपल पत्रिकां छम्ह उच्चस्तरीय सेलिब्रिटीया बुखँ पित हःगु दु। लोपेज व अफ्लेकं २०२२ स लस भेगासय् इहिपा याःगु खः।

अनंलि व हे दँया अगस्ट २० तारिखय् जर्जियाय् पासापिं व छेँजःया उपस्थितिइ इमिसं इहिपा यात। जर्जियाय् इहिपा जूगु निदँ लिपा जक लोपेजं सम्बन्धविच्छेदया निंतिं आवेदन बिउगु खः। वं छाय् थ्व मुद्दापाखें अलग जुइत स्वल धइगु स्पष्ट मजू।

सन् २०२४ या मेट गालाय् लोपेज याकःचा खनेदयेधुंकाः निम्हसिया स्वापूया हल्ला तच्वया वःगु खः। लोपेज व अफ्लेकया दथुइ अलग जुइधुंकाः नं सौहार्दपूर्ण स्वापू कायम जूगु खनेदु। छेँजःया ज्याझ्वलय् नं इपिं नापं खनेदइ।