लोकह्वाम्ह बेलायती स्ट्यान्डअप कमेडियन, अभिनेता व पोडकास्टर रसेल ब्रान्डविरुद्ध बलात्कार व यौन उत्पीडनय् मुद्दा दर्ता याःगु दु।

बीबीसीया नुर नान्जीया रिपोर्ट कथं लन्डनया महानगरीय प्रहरीं पिकाःगु विज्ञप्तिइ रसेलयात ब्यूगु द्धपःया बारे जानकारी ब्यूगु खः। प्रहरीं रसेल ब्रान्डयात च्वंगु पौ च्वया वयागु विरुद्ध जबरजस्ती करणी, कुटपिट, मुख बलात्कार, यौन दुव्र्यवहार व मेमेगु निगु मुद्दा दर्ता जूगु जानकारी ब्यूगु दु।

ब्रान्डयात मे २ य् वेस्टमिन्स्टर मजिस्ट्रेटया अदालतय् उपस्थित जुइत धाःगु दु। रसेल ब्रान्डविरुद्धया द्धपः प्यगू बिस्क बिस्क मिसापिनिगु सम्बन्धित खः।

सेप्टेम्बर २०२३ य्, द सन्डे टाइम्स, द टाइम्स व च्यानल ४ या वृत्तचित्र शृंखला ‘डिस्प्याचेस’ य् रसेल ब्रान्डविरुद्ध तसक गम्भीर द्धपः दुगु धका धाःगु दु।तर ४९ दँया रसेल ब्रान्डं थःत ब्यूगु द्धपः अस्वीकार यानाच्वंगु दु।

वंगु माघ ९ गते बसन्त ऋतुया इलय् रिलिज जूगु इलंनिसें चिनियाँ एनिमेटेड फिल्म ‘ने झा २’ छगू लिपा मेगु बक्स अफिस रेकर्ड तया वयाच्वंगु दु। थ्व संकिपा चिनियाँ बजारय् जक १ अर्ब डलर कमे याःगु न्हापांगु चिनियाँ संकिपा जुगु दु।

फेब्रुअरी १२ तक थुकिया आम्दानी ९ अर्ब ३ करोड युआन (१ अर्ब २७ करोड डलर) स्वयां अप्वः जूगु खः। साउथ चाइना मर्निङ पोष्टया कथं वंगु सोमवाः तकया दुने २ अर्ब डलर बराबरया टिकट मिइ धुंकूगु दु।टिकट बिक्री प्लेटफर्म मेयोनं मार्चया सुरुइ विश्वव्यापी रुपं संकिपाया आम्दानी २ अर्ब १५ करोड डलरया लिक्क थ्यंगु जानकारी ब्यूगु दु।

चिनियाँ घरेलु एनिमेटेड संकिपां चिनियाँ बजारय् थुलि आम्दानी याःगु थ्व न्हापांगुखुसि खः, गुकिं हलिउड लिसेंया पश्चिमी संकिपाया प्रभावयात त्वाःथल।‘ने झा २’ संकिपाया आम्दानीं चिनियाँ बक्स अफिसय् लहर ब्वलंकूगु दु। तर, गुलिखे चिनियाँ संकिपा निर्माता व स्टुडियोया कार्यकारी अधिकृततय्सं धाःसा “नो झा २”या अभूतपूर्व आम्दानीं चिनियाँ संकिपा बजारया आकार व सम्भावनाय् तत्काल हिउपाः वइ ला धइगु खँय् टिप्पणी यायेगु हथाय् चाय्गु जुइ ला धका धाःगु दु।

थुगुसी चिनियाँ संकिपाया १२० दँ व विश्व संकिपाया १३० दँ क्यंगु दु। “ने झा २“या सशक्त प्रदर्शनं विश्वव्यापी संकिपा उद्योग दुने आत्मविश्वास अप्वयेकूगु दु, कलाया रुपय् संकिपाया स्थायी जीवनशक्तियात पुनः पुष्टि याःगु दु, अले चिनियाँ संकिपा निर्माणया मूल्यवान अन्तर्दृष्टि नं ब्यूगु दु।

सन् २००८ य् “कुंग फू पाण्डा” संकिपां बक्स अफिसय् थःगु थाय् दयेकूबलय् चीनयात स्तब्ध यानाबिल। अमेरिकीतय्सं चिनियाँ संस्कृतिइ याःगु आक्रमणं राष्ट्रवादीत आक्रोशित जुल, अले सरकारं प्रतिबन्ध तयेमाःगु आह्वान नं जुल। थ्व संकिपा २०१९ या हिट संकिपा ‘ने झा’या सिक्वेल खः । ‘ने झा’ व ‘जियाङ जिया’ (२०२०) लिपा एनलाइट पिक्चर्सया फेंगशेन युनिभर्स अन्तर्गत थ्व स्वंगूगु श्रृंखला खः।

जियाओजी (यु याङ)या च्वमि व निर्देशनय् दयेकूगु थ्व संकिपा चिनियाँ पौराणिक कथा व १६ औं शताब्दीया उपन्यास इन्भेस्टिचर अफ द गड्स (फेङशेन यान्यी)या प्रभावय् लाःगु दु।

बलिउड अभिनेता शाहरुख खानयात १० करोड बराबरया कर खुगु मुद्दाय् राहत ब्यूगु दु। आयकर पुनरावेदन अदालतं खानया पक्षय् फैसला याःगु दु।

भारतया संचार माध्यमं आर्थिक दँ २०७१÷२०७२ य् वित्त अधिकारीं न्ह्याकूगु अनुशासनात्मक प्रक्रिया न्यायाधिकरणं खारेज याःगु बुखँ पिथंगु दु। उगु आदेशय् कलाकारं थःगु संकिपा ‘रा वन’पाखें काःगु पारिश्रमिकय् भारतय् कर मपुल धकाः न्ह्यथनातःगु दु। थ्व मुद्दा सन् २०१२÷१३ या खः, गुबलय् शाहरुखं थःगु आईटीआरय् ८३ करोड ४२ लाख रिटर्न क्यंगु खः।

अभिनेतां विवरण सुचुकूगु व पूवंक जानकारी मब्यूगु द्वपनय् आयकर विभागं पुनः छानबिन याःगु खः।आयकर विभागं मुद्दा पुनः मूल्यांकन न्ह्याकेगु कानूनी रुपं सही मजूगु नं न्यायाधिकरणं धाःगु दु। गुकिया हुनिं अभिनेता खानं थुपिं दाबी त्याकल। थ्व मुद्दा शाहरुख खानं संकिपा ‘रा वन’या निंतिं काःगु पारिश्रमिकलिसे स्वापू दुगु खः। अभिनेता व रेड चिलिज इन्टरटेनमेन्ट दथुइ जूगु सम्झौता कथं संकिपाया ७० प्रतिशत शुटिंग बेलायतय् जुइगु जूगुलिं आम्दानीया ७० प्रतिशत विदेशय् खर्च यायेगु व ल्यं दुगु भारतय् खर्च यायेगु खः।

‘रा.वन’या निंतिं अभिनेतां १० करोड तलब काःगु खः। थ्व रकम बेलायतया छगू कम्पनी मार्फत प्राप्त जूगु खः। रेड चिलिजं १० करोड मध्ये छगू करोड टिडीएस कटौती यानाः बेलायती कम्पनीयात ध्यबा पुलेगु ज्या याःगु खः। बेलायती कम्पनीं एफईयूपाखें १४० करोड कटौती यानाः शाहरुखयात ७६ करोड ब्यूगु खः।

शाहरुखं अन २७० करोड कर पुल, गुकिं थ्व आम्दानी बेलायतं वःगु क्यन। भारत सरकारं कर खुगु कथं कया मूल्यांकन अधिकारीं अनुसन्धान न्ह्याकूगु खः। थ्व भुक्तानी प्रणालीं भारतयात कर घाटा जूगु अधिकारीं तर्क याःगु दु। आयकर विवरणय् अभिनेताया विदेशी कर क्रेडिटया दाबीयात आयकर अधिकारीं अस्वीकार याःगु खः।

छगू आदेशय् न्यायाधीश सन्दीप सिंह करहेल व गिरिश अग्रवालया इजलासं शाहरुखविरुद्धया मुद्दा गैरकानूनी जूगु फैसला याःगु दु।

बलिउड कलाकार अजय देवगन छम्ह कुशल कलाकार जक मखु। वय्कः छम्ह संकिपा निर्माता, निर्देशक, व हल संचालक नं खः।

आः मेगु ज्याया दायरा अझ विस्तार याःगु दु।वं आर्टिफिसियल इन्टेलिजेन्स (एआई)या ख्यलय् ज्या यानाच्वंगु मिडिया कम्पनी प्रिस्मिक्स चायेकूगु दु। कम्पनीया आज्जु एआईया माध्यमं ‘जेनेरेटिभ स्टोरीटेलिङ टेक्नोलोजी’य् केन्द्रित जुइगु खः।थ्व स्वयां न्ह्यः वय्कलं स्वीडेनया गुडबाय क्यान्सस स्टुडियोलिसे साझेदारी यानाः रणनीतिक प्रविधि गठबन्धनय् भिएफएक्स हाउस ‘एनवाई भिएफएक्स वाला’ नीस्वनादीगु खः।

देवगनया न्हूगु उद्यगया उद्देश्य शर्ट फिल्म व सिरिजनिसें एनिमेटेड ग्राफिक उपन्यास, म्यूजिक भिडियो, कर्पोरेट कन्टेन्ट, व सामाजिक संजाल अभियान तकया तसकं थिके जुगु वा प्राविधिक कथं चुनौतीपूर्ण जुइफुगु परियोजनाया निंतिं जेनेरेटिभ एआई प्रविधि छ्यलेगु खः। अजय उगु कम्पनीया प्रमुख न खः।

वय्कलं धयादी, “प्रिस्मिक्सलिसे जिमिसं बाखंया भविष्यय् पलाः तयाच्वनागु दु । देवगनं धयादी, “एआई छगू उपकरण जक मखु, संकिपा निर्माता व ब्राण्डयात न्हापा गबलें कल्पना मयाःगु कथं थःगु दृष्टिकोणयात जीवनय् हयेत ग्वाहालि यायेफइगु छगू क्रिएटिभ पार्टनर खः।”

सन् २०२६ या फिफा विश्वकपया फाइनलय् ‘सुपर बाउल’ शैलीया हाफटाइम शो न्ह्यब्वइगु जुगु दु। सुपर बाउल हाफटाइम शो अमेरिकाया छगू नांजाःगु सांगितिक ज्याझ्वः खः।

न्ह्यइपुगु खँ छु धाःसा थुगु ज्याझ्वलय् ब्वति काइपिं कलाकार ल्ययेगु जिम्मा बेलायती रक ब्याण्ड ‘कोल्डप्ले’यात ब्यूगु दु।मेक्सिकोया सह–आयोजनाय् जुइगु थुगु कासाया फाइनल सन् २०२६ जुलाई १९ तारिखय् न्यूजर्सीया मेटलाइफ रंगशालाय् जुइगु जूगु दु। च्याम्पियन्स लिगया फाइनल थेंज्याःगु प्रतिष्ठित अवसरय् कासा न्ह्यःया प्रदर्शन सामान्य जुयाच्वंगु दुसा विश्वकपया फाइनलय् धाःसा गबलें नं हाफ टाइम प्रदर्शन मजूनि।

नियमित एनएफएल सिजनय् हाफटाइम करिब १५ मिनेट जुइ, तर सुपर बाउलया इलय् हाफटाइम शोयात समायोजित यायेत ३० मिनेट तक थप याइ।फिफाया नायः इन्फान्टिनों कोल्डप्लेया मू गायक क्रिस मार्टिन व ब्याण्डया म्यानेजर फिल हार्भें वइगु दँया फाइनलय् १५ मिनेटया ब्रेकया इलय् कलाकार तय्गु पुचः नीस्वनेत ग्वाहालि याइगु धाःगु दु।

इन्फान्टिनों इन्स्टाग्रामय् च्वःगु दु, “न्हापांखुसी न्यूजर्सीया न्यूयोर्कय् जुइगु फिफा विश्वकपया फाइनलय् हाफ टाइम शो जुइगु जिं पुष्टि यायेफु।” वं च्वःगु दु, “थ्व फिफा विश्वकपया निंतिं ऐतिहासिक क्षण जुइ व विश्वया दकलय् तःधंगु कासाया निंतिं फिटिङ इभेन्ट जुइ।” थुगुसी न्यू ओर्लियन्सय् जूगु सुपर बाउल हाफटाइम शोया हेडलाइनय् ¥यापर केन्ड्रिक लामारं अमेरिका न्यकंया १३ करोड ३५ लाख दर्शकतय्सं स्वःगु खः। वयागु प्रदर्शनं माइकल ज्याक्सनं १९९३ स दयेकूगु ताःई न्ह्यःनिसेंया कीर्तिमानयात पार यात।

रिहाना, बेयोन्से व लेडी गागा थेंज्याःपिं कलाकारतय्सं नं लिपांगु दँय् कलाकारतय्सं क्यंगु दुसा सन् २०१६ य् कोल्डप्लें शीर्ष थासय् लाःगु दु। कोल्डप्ले सन् १९९६ य् लण्डनय् दयेकूगु छगू बेलायती रक ब्याण्ड खः। थ्व ब्याण्डय् मू गायक व पियानोवादक क्रिस मार्टिन, गिटारिष्ट जोनी बकल्याण्ड, बेसिष्ट गाइ बेरीम्यान व ड्रमर विल च्याम्पियन दु।