लोकंह्वाम्ह भारतीय कमेडियन राजु श्रीवास्ताव मन्त। ४२ दिं तक कोमाय् च्वना च्वम्ह श्रीवास्तव ५८ दँय् थौं बुधबाः सुथय् अखिल भारतीय आयुर्विज्ञान संस्थानय् मदुगु धका भारतीय सञ्चारमाध्यमं धाःगु दु।

हृदयघात जुया आईसीयूलय् तया उपचार याना वयाच्वंगु खः। श्रीवास्तव उत्तर प्रदेशया कानपुरय् सन् १९६३ डिसेम्बर २५ जन्मय् जूगु खः। श्रीवास्तव कमेडी शो द ग्रेट इन्डियन लाफ्टर च्यालेन्जपाखे लोकंह्वांगु खः।

मैने प्यार किया, बाजीगर, बम्बे टु गोवा (रिमेक), आम्दानी अठन्नी खर्चा रुपैया थे जाःगु संकिपाय् अभिनय याःगु खः।

ऐश्वर्या श्रेष्ठं मिस ग्राण्ड नेपाल २०२२ या उपाधि त्याकुगु दु । वयकलं आः वइगु अक्टोबर २५ य् इन्डोनेसियाया वाली जुइगु मिस ग्रान्ड इन्टरनेशनलया झीक्वःगु संस्करणय् नेपालया प्रतिनिधित्व याइगु पक्का जूगु दु।

उगु कासाय् वर्षा भडारी व रक्षा उप्रेती क्रमशः फस्ट रनरअप व सेकेन्द रनरअप जूगु खः। उगु ज्याझ्वलय् अभिनेता÷मोडल अनुप विक्रम शाही, ¥यापर आशिष राना (लाउरे), मिस नेपाल अर्थ २०१८ प्रिया सिग्देल, छिरिङ वाङ्दी, सुरेश तामाङ व निशु झा ल्यज्या पुचलय च्वनादिउगु खः ।

उगु ज्याझुवलय् कोरियोग्राफी सुजित बस्यालं यानादीगु खः। मिस ग्राण्ड नेपालय युद्ध व हिंसा रोकय यायेगु लागिं धका न्हथना तःगु दु । अन्तर्राष्ट्रिय कासाय् शान्ति निर्माण अलय् युद्ध व हिंसाया अन्त्यया लागि वकालत याइगु खँ ग्वसाः खलःपाखें धाःगु दु।

अथेहे, मिस पपुलरया सब्टाइटल तन्नु शाक्यं, मिस पर्सनालिटी बरषा भण्डारीं, मिस बेस्ट इन स्विमसुट वर्षा भण्डारीं, मिस कन्फिडेन्स सामना कार्की, मिस फोटोजेनिक स्वस्तिका मगर व मिस कन्जेनियालिटी सुदेष्णा महर्जनं त्याकुगु खः । 

कलाकार उद्धवराज भट्टराई मन्त। उपचारया लागि येँ हयेगु झ्वलय् चितवनय् हे मदुगु खः।

भट्टराई न न्यागु दशकनिसे नेपाली चलचित्र क्षेत्रय् सक्रिय जुयाच्वम्ह खः। कलाकार नाप ड्रेस डिजाइन, कला निर्देशन, व कुसल प्राविधिक जुयादीम्ह खः।

मदुम्ह भट्टराईयात थौं हे पशुपति आर्यघाटय् अन्तिम संस्कार याइगु जुगु दु ।

बलिउड अभिनेत्री विपासा बासु व करणसिंह ग्रोबरं थःपिन्स न्हापाम्ह सन्तानयात लसकुस यायेत्यनागु धका घोषणा याःगु दु।

इन्स्टाग्रामय् बेबीबम्पया तस्वीर सेयर यासे उमिसं निम्ह आः स्वम्ह जुइत्यःगु दु धका लसता प्वकूगु दु। सन् २०१६ या अप्रिलय् निम्हेसिगु इहिपा जूगु खः।

इन्स्टाग्रामय् विपासा च्वंगु दु, ‘न्हुगु ई, न्हुगु चरण व न्हुगु जः न जिमिगु जीवनया न्ह्याकनय् न्हुगु किचः थपे जूगु दु। थुकिइ जिमित न्हापा स्वया पूर्ण दयकिइ। व्यक्तिगत रुपं नापलाना जिपि निम्ह जुल। जिपि न्हापा गथे खः, आः स्वम्ह जुगु दु। जिमिगु मतिना प्रकट जुइगु सृष्टि, जिमिगु मचा जिपिनाप हे याकन सहभागी जुइ व जिमित आनन्द थपे जुइ।’

विपासा व करण फिल्म ‘एलोन’ य् नापलागू खः।

चलचित्र विकास बोर्डया अध्यक्षय् भुवन केसीयात नियुक्त यायेवं सरकारया निर्णय खारेजीया माग यासे दायर याःगू रिटय् थौं सोमबाः सर्वोच्च अदालतय् सुनुवाइ जुइत्यःगु दु।

प्रधानमन्त्री नाप मन्त्रिपरिषदया कार्यालय, सञ्चार नाप सूचना प्रविधि मन्त्रालय व चलचित्र विकास बोर्डयात विपक्षी दयका वंगु शुक्रबाः फिल्म निर्देशक नरेशकुमार पौड्याल न्याम्हेसिया रिट दायर याःगू खः।

सर्वोच्चया वेबसाइट कथं थुगु उत्प्रेषणया मुद्दा न्यायाधीश प्रकाशमान सिंह राउतया इजलासय् लाःगु दु। थुगु मुद्दा सोमबाः प्रारम्भिक सुनुवाइ जुइ धका धाःगू दु।

फिल्म निर्देशक पौड्याल नाप अरुणकुमार प्रधान, सुचित्रा श्रेष्ठ, मनिष पण्डित व निर्मलराज ढकालपिन्स रिट दायर याःगू खः।