हलिउड अभिनेत्री एम्बर हर्डं लिपागु इलय् कठिन अवस्थाया सामना यानाच्वनेमाःगु दु।

न्हापाम्ह भाःत जोनी डेपनाप मुद्दा बुइवं प्रशंसकपि पाखे आलोचनाया सिकार जुइमाःगु दु। थुगु इलय् अभिनेत्री हर्डयात ध्यवाया तसक मालाच्वंगु दु।

अभिनेता डेपनाप मुद्दा बुइवं अदालतं वयात १५ मिलियन डलर क्षतिपूर्ति पुलेत आदेश बिउगु दु। अय्न, अदालतया आदेशप्रति निराश जुया हर्ड न पुनरावलोकन यायेत अपील दायर याइगु जुगु दु। तर क्षतिपूर्ति पुलेगु निति आदेशपाखे अदालतं उल्टे याइगु सम्भावना तसकं म्हो जक दु।

संकट दथुइ छगु एडल्ट वेबसाइटं अभिनेत्री हर्डयात पोर्न फिल्म म्हितिइगु प्रस्ताव याउगु द। तुरुन्त पारिश्रमिक बिइगु वचं बिउगु दु। एडल्ट कम्पनी जेन मोडल्सं हर्डयात एक्स–रेटेड फिल्मय् मुख्य भूमिकाय् प्रस्ताव याउगु खः।

थ्व नाप, एम्बर हर्डं जोनी डेपनाप इहिपा यायेगु न्ह्यः सेक्स पार्टीया ग्वसाः ग्वंगु सिइ दुगु दु। आः हलिउड मिडियाय् भाइरल जुगु पार्टीया तस्वीरय् धनाढ्य एलन मस्क न खने दुगु दु। थुगु किपा सार्वजनिकयाम्ह छम्ह मिसा हर्ड व मस्कं कानुनी उपचारय् वनेगु चेतावनी तक बिउगु दु।

नेपाःया संकिपा व संगीतख्यलय् नांजाम्ह क्यामेरापर्सन विदुर पाण्डे हृदयघात जुया मन्त। पारिवारिक स्रोतया कथं मदुम्ह पाण्डें ५५ दँ दुम्ह हृदयघात जूया मदुगु धका धाउगु दु।

मदुम्ह पाण्डेंया शवयात श्रद्धाञ्जलीया लागि पशुपति आर्यघाटय् ९ बजेनिसे ११ बजे तइ धका चलचित्र प्राविधिक संघया अध्यक्ष पुष्कर लामां जानकारी बिउगु दु।वयकः ३५ दँनिसे संकिपा ख्यलय् ज्या यानावया च्वम्ह खः।

वयकः नेपाः न्हापागु डिजिटल फिल्म ’कागबेनी’ या छायांकन यानादीम्ह खः। यक्को हे म्युजिक भिडियो, विज्ञापन, फिल्मय् ज्या यानादीगु खः।

’स्वर’, ’भुइँमान्छे’, ’मेरो बेस्ट फ्रेन्ड’, ’पण्डित बाजेको लौरी’, ’जंग बहादुरको कोट’ लगायत फिल्मया छायांकन यानादीगु खः। भूषण दाहालं निर्देशन याउगु ’बस सुन्दरी’, कबवेबया म्युजिक भिडियोलय् ज्या यानादी धुकगु खः।

मदुम्ह पाण्डेया छम्ह काय् व जहान दी।

संघीय मामिला तथा सामान्य प्रशासन मन्त्री राजेन्द्रप्रसाद श्रेष्ठं आदिवासी जनजातिया पहिचानया आन्दोलन सफल याय्त संकिपा ख्यलं प्रभावकारी भूमिका म्हितेफइगु धयादीगु दु।

२८औं विश्व आदिवासी दिवसया झ्वलय् नेपाल आदिवासी जनजाति चलचित्र महासंघ व राष्ट्रिय आदिवासी जनजाति महिला मञ्च (निफ) या मंकाः ग्वसालय् जूगु ‘आदिवासी संकिपा क्यनेज्या व सांस्कृतिक ज्याझ्वः’ या उलेज्या यासें मन्त्री श्रेष्ठं थथे धयादीगु खः। उगु इलय् मन्त्री श्रेष्ठं आदिवासी जनजातिया पहिचान, अस्तित्व व आन्दोलनयात सशक्त दय्केत संकिपा दय्केगु नितिं आदिवासी संकिपाकःमितय्त इनाप यानादिल।

ज्याझ्वलय् नेवाः फिल्म सोसाइटीया नायः बिराजकाजी राजोपाध्याय, नेपाल आदिवासी जनजाति महासंघ, संघीय परिषदया नायः गेल्जे लामा शेर्पा, आदिवासी जनजाति महिला महासंघया मूछ्यान्जे शान्ति देवान, राष्ट्रिय आदिवासी जनजाति महिला मञ्चया नायः सुनी लामा, नेपाल आदिवासी जनजाति पत्रकार महासंघ (फोनिज) या संघीय उपाध्यक्ष अमरध्वज लामा, चलचित्र कलाकार संघया नायः रविन्द्र खड्का व ग्वसाः खलः आदिवासी जनजाति चलचित्र महासंघया नायः अमृत सुनुवारलिसें नं आदिवासी मातृभाषी संकिपाकःमितय्सं संकिपामार्फत पहिचानया आन्दोलनयात न्ह्याकाच्वंगु व राज्यं मातृभाषी संकिपाकःमितय्गु सः न्यनेमाःगु खँय् बः ब्यूगु खः।

ज्याझ्वलय् कुमारी प्याखंलिसें तामाङ, थामी, थारू, सुनुवार समुदायपाखें हुुलाप्याखं न्ह्यब्वय्गुलिसें गुरूङ भाषाया संकिपा ‘मि न्होर्वे ट’ क्यंगु खः।

नेपाःया नांजाम्ह कलाकार नाप निर्देशक पवन जोशीया निर्देशनय् न्हुगु म्युजिक भिडियो पिहावइगु जगु दु।

किपूलिइ शुटिङ्ग जुगु उगु म्युजिक भिडियोलय् किपूया पूर्णमान महर्जनया च्वसाय् बुद्ध भजन म्ये प्याखं ‘दःसां दुःख मदुसां दुःख’ बोलया म्येँ दिपा महर्जन, रत्नशोभा महर्जन व मथुरा महर्जनं हालादिगु खःसा संगीत मथुरा महर्जनं तयादीगु खः।

सन्तोष महर्जनं बाजं ग्वसाः ग्वयादीगु खः। किपूया थीथी विहार व थासय् छायांकन जूगु उगु म्येय् भन्ते तिस्स स्थविरं मू भुमिकाय् अभिनय यानाः बिज्याःगु दुसा छगू दर्जनं मल्याक्क् कलाकारपिनिगु अभिनय दुथ्याःगुु दु धका निर्देशक जोशी लहनान्युजयात जानकारी बियादीगु दु।

‘दःसां दुःख मदुसां दुःख’ म्येया छायांकनया झ्वलय् ‘सानो पाईला’ नांया छगू संस्थां चीधंगु आर्थिक ग्वाहालि नं लःल्हाःगु खः।

संस्थाया अध्यक्ष ज्यापुनी ईन्दुं म्येच्वमि पूर्णमान महर्जनयात आर्थिक ग्वाहालि लःल्हानादीगु खः। थुगु म्युजिक भिडियोया क्यामेरा पर्सन नाप सम्पादन राजेश शाक्य यानादीगु खःसा पूर्णमान महर्जन व राममाया महर्जनं निर्माण यानादीगु खः।

ख्यालिजुजु श्रेष्ठपाखें “गालय् वन“ संकिपाया म्ये पितब्वज्या एस स्क्वायर इन्टरप्राइजेज मल्टि इभेण्ट इन्टरटेंटमेंटया नेपालभाषाया संकिपा “गालय् वन“या म्ये व प्रोमोया पितब्वज्या छगू ज्याझ्वःया दथुइ जूगु दु।

ख्वपया कमल विनायक सिनेमा हलय् जूगु उगु पितब्वज्या ज्याझ्वलय् ख्यालिजुजु मदनकृष्ण श्रेष्ठ मूपाहाँ कथं झायादीगु खः । ख्वपदेय् धइगु संस्कृतिया धनी खः धका धासे साँस्कृतिक रुपं देशय् दयेकुगु नेवाः संकिपा “गालय् वन“ या च्वमि हे विज्ञान पक्का जुउगुलिं थ्व संकिपा पक्का हे बाँलाइ जुइ धका मूपाहाँ ख्यालिजुजु श्रेष्ठं धयादिल।

सिताराम माकजुया सभाध्यक्षताय् जुगु उगु ज्याझ्वलय् नेपाःया लोकंह्वाम्ह कलाकार प्रकाश अधिकारी, नेवाः संकिपाया निर्देशकं व कलाकार आर्यम नकःमि, नेवाः संकिपाया ननस्टप निर्देशक बाशु शाही, चलचित्र कलाकार संघया उपाध्यक्ष सानु ताम्राकार, नेपालभाषाया न्हापांम्ह म्युजिक भिडियो निर्देशक व सिनेपत्रकार विजयरत्न असंबरे विशिष्ट पाहाँ कथं झायादीगु उगु ज्याझ्वलय् विशिष्ट पाहाँ सिनेपत्रकार असंबरें ख्वपदेय् धइगु रामशेखर नकःमि थेंजाम्ह ज्वःमदुम्ह कलाकःमिया कृतिया निंतिं नां जाः थाय् धका धयादीगु खः।

“गालय् वन“ या निर्देशक संयुक्त स्थापित खःसा थुकिया क्यामेराम्यान व एडिटर बाल कुमार मगर, द्वन्द निर्देशक व सह निर्देशक लक्ष्मीप्रसाद भैल ॐ बाबा, नृत्य निर्देशक रमिताबके श्रेष्ठ, फेशन डिजायनर शोभा महर्जनं मेनलिड रोल म्हिता च्वंगु दु । अथेहे नेगेटिभ रोलय् महेशप्रकाश हाडा, मन्जु श्रेष्ठ पिनिगु न म्हितादीगु खः।