Display Style:
Column Style
वइगु शनिवाः स्वयम्भूराज शाक्यया सांगीतिक सनिल
सुरज, लहनान्युज | बछलागाः चह्रे ११३९ (जून २ २०१९)
वरिष्ठ संगीतकःमि स्वयम्भूराज शाक्यया एकल सांगीतिक न्ह्यब्वया “जुजु वेयर्स ओ प्रिय लिफः स्वयाः” सांगीतिक सनिल वइगु शनिवा जुइगु जूगु दु । मंगल इन्टरटेनमेन्टया ग्वसालय् थुगु ज्याझ्वः वरिष्ठ संगीतकःमि शाक्य जन्म जूगु हःखा त्वाः कोतय् जुइ ।
सनिलया ५ ताः इलय् न्ह्याइगु थुगु ज्याझ्वः निघौया सांगीतिक यात्रा खःसा थुकी म्येहालामि शाक्ययात संगीता शाक्य, नीशा देसार, सुमन कपाली, अनु शाक्य, प्रियंका शाक्य व चन्द्रमान शाक्यं साथ बियादी । ज्याझ्वलय् लोकंह्वाःम्ह भूपेन्द्र बज्राचार्यया संयोजनय् ८ म्ह वाद्यवादक संगीतकारपिन्सं बाजं थानादी ।
थुगु ज्याझ्वः म्ये रेकर्डिङ सुविधा सहज मजूबलय् छकू कोठाय् वाद्यवादकपिंनाप म्येहालामि अले मेगु कोठाय् प्राविधिक च्वनाः रेकर्ड जूगु म्ये “ओ प्रिय लिफः स्वया”या नामं थुगु ज्याझ्वः न्ह्याइ । म्येहालामि स्वयम्भूराज शाक्यनापं सपनाश्रीया सः दुथ्याःगु, विरेन शाक्य व शान्त शाक्य च्वयादीगु अले विरेन शाक्यं लसय् हनादीगु खः ।
थुगु ज्याझ्वलय् मविवि शाह, दिनेश अधिकारी, वंशीधर बज्राचार्य, प्रकाश साय्मि, शाक्य सुरेन, चन्द्रमान शाक्य, तीर्थ माली, शान्त शाक्य, हेमन्त विवशया रचना थ्वइसा संगीतकःमि शाक्यनापं नातिकाजी, तीर्थ माली, मनराजा नकर्मी, नरेन्द्र प्यासी, चन्द्रमान शाक्य, विरेन शाक्य, चन्द्रराज शर्मां लसय् हनादीगु म्ये थ्वइ ।
थुगु ग्वसालय् मू प्रायोजक जुजु वेयर्स, सह–प्रायोजक सम्झना लेब्ररेटोरी क्लिनिक प्रा.लि., हौगः, यल व होटल सारा श्री प्रा.लि, लुम्बिनी खः । २४ क्यरेट, मानभवन, जावलाखेल, यलया ग्वाहालिइ न्ह्याइगु थुगु ज्याझ्वः सुरजवीर बज्राचार्यं न्ह्याकादी ।
रेडियो नेपालया विशिष्ट श्रेणीया म्येहालामि शाक्य थीथी सिरापा अले सम्मानं सम्मानित जुयादीगु दु नापं तिब्बत, श्रीलंका, बंगलादेश, साउदी अरेबिया, जापान, हङकङ, बैंङ्ककय् नेपाःया सांगीतिक पहिचान न्ह्यब्वयादीधुंकूगु दु ।
५ गू सोलो म्येचाःनापं २५० पु सिबें अप्वः म्ये सृजना÷हालादीधुंकूम्ह वरिष्ठ संगीतकःमि शाक्यया ३ गू एकल सांगीतिक प्रस्तुतिया ज्याझ्वः नं जुइधुंकूगु दु । उगु स्वंगुलिं ज्याझ्वः टिकट शो खःसा थुगु ज्याझ्वः सकसिया नितिं प्रवेश निःशुल्क खः ।
स्वक्वःगु आदिवासी फिल्म फेस्टिभल २४ गते निसे
नृपेन्द्रलाल श्रेष्ठ | बछलागा एकादशी ११३९ (मे ३० २०१९)
नेपाल आदिवासी जनजाति चलचित्र महासंघया ग्वसालय् थ्व हे वइगु जेष्ठ २४ गते निसे २६ गते तक स्वक्वःगु आदिवासी जनजाति फिल्म फेस्टिभल २०७६ जुइगु छगु पत्रकार सम्मेलन याना महासंघया नाय अमित सुनुवारं जानकारी बियादिगु खः ।
संघया नायः सुनुवारं थुगु फेस्टिभलय् नेपालभाषाया फिचर फिल्म ‘कृषा गौतमी’ क्यनीगु खँ कनादिगु खः ।
उगु स्वक्वःगु आदिवासी जनजाति फिल्म फेस्टिभलय् पब्लिक च्वइस अवार्डया नापनापं जुरीया निर्णयपाखें बेस्ट फिल्म, बेस्ट डाइरेक्टर, बेष्ट क्यामेरा पर्सन व बेस्ट एक्टर, बेस्ट एक्ट्रेसयात सिरपाः बीगु जूगु दुसा थुकिया नितिं निर्णायक मण्डलं फिल्म स्वयेगु न्ह्याकेधुंकूगु खँ नं पत्रकार सम्मेलनय् जानकारी बिउगु दु ।
पत्रकार सम्मेलन महासंघया पुलांम्ह नायः प्रतिमाया पुन मगर, संस्थापक उपाध्यक्ष विजयरत्न तुलाधर असंबरे, नांजाःम्ह कलाकार लुनिभा तुलाधर, मगर चलचित्रकःमि संघया नायः युवराज मास्की मगर लगायत विशेष पाहाँ कथं झायादीगु खः ।
बलिउडया अभिनेता अजयया अबु वीरु देवगन मन्त ।
ने.सं. ११३९ बछलागा अष्टमि (२७ मे, २०१९), सोमबाः
बलिउडया लोकंह्वाःम्ह अभिनेता अजय देवगनया अबु वीरु देवगन मन्त । वय्कः थौं सोमवाः सूर्या अस्पतालय् वासः यायेगु झ्वलय् मदुगु भारतीय मिडियां न्ह्यथंगु दु ।
मदुम्ह वीरु देवगन ताःई न्ह्यःनिसें बलिउड उद्योगय् ज्या यानाच्वनादीम्ह खः । दर्जनौं संकिपाय् द्वन्द्व निर्देशन यानदीधुंकूम्ह वीरु ताःई न्ह्यःनिसें उसाँय् मदयाच्वंगु खः । बलिउडय् ४५दँ न्ह्यःनिसें बलिउडय् सक्रिय जुयादीम्ह वीरुं ‘हिन्दुस्तान कि कसम’ संकिपा नं निर्देशन यानादीगु खः ।
भारतय अमृतसरय् च्वंगु पञ्जावय् जन्म जूम्ह वीरुया निम्ह काय्पिं दु । काय्पिं अयज देवगन व अनिल देवगन संकिपा ख्यलय् हे सक्रिय जुयाच्वनादीगु दु ।
‘इन्टरनेशनल एक्सिलेन्स अवार्ड–२०१९’पाखें सम्मानित
लहनान्युज | बछलागा नवमी ११३९ (मे २७ २०१९)
मलेशियाया क्वालालम्पुरय् च्वंगु होटल ग्राण्ड कन्टिनेन्टल इन्टरनेशनलय् जूगु ‘इन्टरनेशनल एक्सिलेन्स अवार्ड–२०१९’य् फेशन कोरियोग्राफरलिसें सञ्चारकःमि रोजिन शाक्य ‘आउटस्टाण्डिङ्ग इन्टरनेशनल कोरियोग्राफर एक्सिलेन्सी’ अवार्डपाखें पुरस्कृत जुयादीगु दु ।
फेशन कोरियाग्राफर शाक्ययात ताःई न्ह्यःनिसें सक्रिय व वय्कलं यानादीगु उपलब्धिया कदर यासें उगु अवार्ड लःल्हाःगु खः । उगु अवार्ड ज्याझ्वलय् थीथी लागाय् ताःई न्ह्यःनिसें सक्रियता व महत्वपूर्ण उपलब्धि प्राप्त यानादीम्ह रोजिनलिसें वरिष्ठ फोटोपत्रकारय् राजेन्द्र चित्रकार, उत्कृष्ट व्यवसायिक अन्तर्राष्ट्रिय बडिविल्डरय् महेश्वर महर्जनलिसें १६म्ह नेपाःमित थीथी १६गू विधाय् पुरस्कृत जूगु खः ।
अवार्ड त्याकादीपिं फुक्कसित ज्याझ्वःया मूपाहाँलिसें मलेशियाया नितिं नेपाःया राजदूत उदयरा पाण्डें सिरपाः लःल्हानादीगु खः ।
सिजन मिडियाया ग्वसाः व ल्यान्टर्न एड्भरटाइजिङ्गया सहकार्यस उगु ज्याझ्वः जूगु खःसा ज्याझ्वलय् एनआरएनए मलेशियाया नायः खगेन्द्र न्यौपाने विशेष पाहांकथं झायादीगु खः ।
‘लिबाय् धुंकाः’ जेष्ठ ३० गतेनिसे क्यनेज्या
नृपेन्द्रलाल श्रेष्ठ | बछलागा चौथी ११३९ (मे २२ २०१९)
अडियो भिडियो स्टेशन प्रा.लि. या ब्यानरय् पिहा वयेत्यःगु नेपालभाषाया न्हुगु संकिपा ‘लिबाय् धुंकाः’ थ्व हे वइगु ज्येष्ठ ३० गते रिलिज जुइ त्यःगु दु ।
थुगु संकिपा ‘लिबाय् धुंकाः’ थ्व हे वइगु ने.सं. ११३९ तछलाथ्व एकादसि (जेष्ठ ३० गते) बिहिवाः ग्वार्कोया गुण सिनेमाय् क्यनेज्या जुइगु धकाः कलाकार आराध्यालक्ष्मी खड्गी लहनान्युजयात कनादिगु खः ।
थुगु संकिपा राजेशमान सिंह नं निर्देशन यानादीगु खःसा थुगु सकिपालय् कलाकारपिं आशाकाजी थकु, आरएल महर्जन, नारायणदेवी प्रधान, आराध्यालक्ष्मी खड्गी, मन्जु श्रेष्ठ, भीसमेन रिजाल, कुमार कार्की, उत्तम खत्री, सुरज श्रेष्ठ (बकंफुस्लु), राजाराम भामपिन्स म्हितादिगु दु ।
थुगु सकिपालय् ‘लिबाय् धुंकाः’ दुने निर्देशक राजेशमान सिंहं संकिपाया निर्देशन लिसेलिसें संकिपाया बाखं, स्क्रीनप्ले, संवाद व म्ये नं थःम्हेस्यां हे च्वयादीगु दुसा कीर्ति श्यामसुन्दर जोशी व पियुष कायस्थलिसे जानाः राजेशमानं संकिपाया सम्पादन तकं यानादीगु दु ।
थुगु सकिपा सामाजिक खःसा लबस्टोरीे नापनाप कमेडी एक्सन, सस्पेन्स न स्वये दइसा सकिपालय् निपु म्ये दुथ्याका तःगु दु ।
संकिपा ‘लिबाय् धुंकाः’ दुने निपु म्ये दुथ्याकातःगु दु । नांजाःम्ह संगीतकःमि विरेन शाक्य व सुमन कपालीया संगीत दुथ्याःगु म्येय् स्वयं सुमन कपाली थःम्हेस्यां व लिसें नांजाःम्ह म्येहालामि सानुबाबु महर्जन व रत्नशोभा महर्जनं हालादीगु दु ।
अथेहे, संकिपाया कोरियोग्राफी संकिपाया नकिं आराध्यलक्ष्मी खड्गीं संकिपा ख्यलय् दकले न्हापांगुखुसि यानादीगु खः ।
