Display Style:
Column Style
नेवाः सचेतना सेवा समाजया घोषणा
लहनान्युज | चिल्लाथ्व चौथी ११३९ (मार्च १० २०१९)
सामाजिक, सांस्कृतिक, भाषिक, राजनैतिक रुपं सचेत यायेगु तातुना नीस्वंगु नेवाः सचेतना सेवा समाज घोषणा सभा सञ्चवाः जुगु दु ।
उगु संस्थाय् अमीर रत्न ताम्रकारया नायः जुयादीगु दु । ज्याझ्वलय् मूपाहाँ कथं नेवाः न्ह्यलुवा डा. महेश मान श्रेष्ठ पाहाँ कथं सूर्य बहादुर नकःमि झायादीगु खः ।
ज्याझ्वलय् नुगः खँ तयेगु झ्वलय् सामाजिक, आर्थिक, राजनैतिक हरेक कथं हे नेवाःत उत्पीदनय् लायेधुंकूगु अवस्थाय् थुगु संस्थां नां अनुसारं नेवाःतय्त सचेतयासे त्वाः त्वालय् वनाः संगठित यानावनेमाःगु खँ मूपाहाँ डा. श्रेष्ठं कनादिल ।
बुखँ–नेवाः सूचना केन्द्र किपा–राजेन्द्र रञ्जित
पवन जोशीया निर्देशनय् न्हुगु म्युजिक भिडियो
नृपेन्द्रलाल श्रेष्ठ | सिल्लागा अष्टमी ११३९ (फ्रेअवरी २६ २०१९)
नांजम्ह अभिनेता नाप निर्देशक पवन जोशीया निर्देशनय् न्हुगु म्युजिक भिडियो रिलिज जुगु दु ।
धुँदेय किपू नं न्ह्यब्बःगुु उगु म्युजिक भिडियोलय् निर्देशक जोशीया निर्देशनय् छँगन बोलया म्येय् विकास शाक्य व शोभा महर्जनं अभिनय याःगु खः रहेको छ ।
राजेन्द्र शाक्य व सरिता शाहीं हालादीगु उगु म्येयात राजेश शाक्यं छायाँकन यानादगिु खः ।
निर्देशक जोशीं किपूया थीथी थासय् छायाँकन जुगु उगु म्येयात ल्वयेक कथावस्तु सहज व सरल तरीकां बांलाक्क समायोजन जुगु धका लहानान्युजयात कनादीगु खः ।
नीक्वःगु निफ भव्यतापूर्वक क्वचाल
लहनान्युज | सिल्लागा अष्टमी ११३९ (फ्रेअवरी २६ २०१९)
नेपाल अन्तर्राष्ट्रिय चलचित्र महोत्सवया नीक्वःगु संस्करण वःगु बिहीवाः निसे न्यान्हुयंक न्हयागुे महोत्सव सोमवाः क्वचाःगु दु ।
विश्वया ३१ राष्ट्रया ६० गु संकिपा दथुइ धेंधें बल्ला जुगु खः ।
नीक्वःगु निफया लिपागु महोत्सवय् अन्तर्राष्ट्रिय प्रतिस्पर्धाय् सिंगापुरया सकिपा ए ल्याण्ड ईम्याजिन्डं दकलय् बांलागु संकिपा नाप द्धःछि डलर नाप गौतम बुद्ध अवार्ड लःल्हागु दु ।
थुगु अन्तराष्ट्रिय प्रतिस्पर्धाया शर्ट संकिपालय् बांलागु भारतया मीन आलाप संकिपायात न्यास डलर नाप माउण्ट एभरेस्ट अवार्ड अवार्ड लःल्हागु खः ।
नेपाली संकिपा मध्ये डाईंग क्याण्डल दकलय् बांलागु संकिपा सिरपा नाप न्यय् द्धः नगद व शर्ट फिल्म मध्ये छगु उत्कृष्टया रुपय् सुपरमंकयात नीन्याद्धः नगद नाप सिरपा त्याकेत ताःलागु खः ।
संकिपा पाखें उत्कृष्ट निर्देशक डाईंग क्याण्डलया नरेशकुमार के.सी. व उत्कृष्ट पटकथाकारया रुपय् पञ्चायत शिवम् अधिकारीयात उत्कृष्ट सिरपा लःल्हागस खः ।
उगु सिरपाया पुरस्कार ल्यज्या पुचलय् चलचित्रकर्मि नीर शाहया संयोजकत्वय् भारतया ख्यातिप्राप्त चलचित्रविद् प्रेमेन्द्र मजुमदार,चीनया बेजिङ्ग फिल्म एकेडेमीया प्रोफेसर ल्याङ्ग स्याओ व क्यान्स फिल्म फेस्टिभलया प्रोग्राम निर्देशक एन्ने डेलेचपिनिगु निर्णायक समिती गठन याःगु खः ।
सोमवाः जुगु समापन समारोहय् उप प्रधान मन्त्री नाप रक्षा मन्त्री ईश्वर पोखरेलं पुरस्कृत जुपिन्त पुरस्कार व चलचित्र महोत्सव आयोजक समितीया अध्यक्ष के.पी.पाठकं नगद पुरस्कार लःल्हानादीगु खः ।
बुद्धकालीन बाखया लिधसाय् ‘कर्म’ दयेकीगु
लहनान्युज | सिल्लाथ्व अष्टमी ११३९ (फ्रेअवरी १३ २०१९)
बुद्धकालीन संकिपा ‘पटाचारा’या च्वमि व निर्देशक रामकृष्ण खड्गीं हाकनं मेगु बुद्धकालीन बाखनय् मेगु संकिपा ‘कर्म’ दयेकीगु जूगुं दु ।
थौं छगु ज्याझ्वःया दथुइ कृषा गौतमीया ६८ क्वःगु लसताय् थथे घोषण याःगु खः ।
उगु ज्याझ्वलय् जनकवि दुर्गालाल श्रेष्ठ व ख्यालिजुजु मदनकृष्ण श्रेष्ठया मूपाहाँसुइ उगु संकिपाया भिंसाइत ज्याझ्वः जुगु खः ।
गुण सिनेमाया कजि दिजेन्द्र शाक्यं साइतया नैंक्याय् तछ्यानादीगु उगु ज्याझ्वलय् कलाकार कर्मा शाक्य व आशिष्मा नकःमिपिन्सं साइतया लूया नितिं अभिनय यानादीगु खः ।
थौं ‘कृषागौतमी’या ६८ क्वःगुया लसताय् कलाकार, प्राविधिक व ग्वाहालिमिपिन्त लुमन्ति चिं नं लःल्हायेगु ज्याझ्वः जुगु खः ।
गुण सिनेमाया कजि दिजेन्द्र शाक्यया सभाधक्ष्यताय् जुगु उगु ज्याझ्वलय् निग्रोध भन्तेया पंचशील प्रार्थनापाखें न्ह्याःगु खःसा विशेष पाँहा कथं बरिष्ठ सिने पत्रकार विजयरत्न असंबरे संकिपा ‘कर्म’या च्वमि व निर्देशक रामकृष्ण खड्गी, जनकवि दुर्गालाल श्रेष्ठ व ख्यालिजुजु मदनकृष्ण श्रेष्ठपिन्सं थःथःगु नुगःखँ तयादीगु खः ।
नेशनल पावर न्यूज म्युजिक अवार्ड २०१९
लहनान्युज | सिल्लाथ्व षष्ठी ११३९ (फ्रेअवरी ११ २०१९)
नेपाःया समावेशी सिरपाया रुपय् शुरु जुगु नेशनल पावर न्यूज म्युजिक अवार्डया निगुगु संस्करण “नेशनल पावर न्यूज म्युजिक अवार्ड २०१९” येँया राष्ट्रिय नाचघरय् तःजिक क्वचाल ।
उगु ज्याझ्वलय् मूपाँहा कथं उपराष्ट्रपति परमानन्द झा झायादीगु खः । ज्याझ्वलय् नेपालभाषा, तामाङ्ग भाय्, राइ, नाप थीथी भाय्या संगीतकःमिपिन्त सिरपा लःल्हागु खः ।
ज्याझ्वलय् वरिष्ठ संचारकःमि विजयरत्न तुलाधर असंबरे, पत्रकारिता सिरपा पत्रकार तुलसी गिरी भावुक , पारस पौडेल , काव्या आचार्य पिन्त लःल्हागु खः ।
उत्कृष्ट म्येया सिरपाः “छुं छुं म्हगस” म्येया निंतिं गायक सानुबाबु महर्जनं त्याकादिलसा उत्कृष्ट म्युजिक भिडियो निर्देशकया सिरपा “हिसी दुगु छंगु ख्वाः” व उत्कृष्ट मोडेलया सिरपा “नापला वये न्ह्यः मंगलय्”या निंतिं रुपेन्द्र श्रेष्ठं सिरपा त्याकादीगु खःसा नेवाः संगीतख्यलय् नं लोकंह्वाम्ह म्येहालामि मय्जु सोनी राजभण्डारीं पपुलर सिंगर अवार्ड त्याकादीगु खः ।
