सुथंनिसें मद्दिक वयाच्वंगु वां यानाः त्रिभुवन अन्तरराष्ट्रिय विमानस्थलया आन्तरिक उडानत स्थगन याःगु दु।

मौसम बांमलाःगुलिं येँ, भरतपुर, जनकपुर, भद्रपुर, पोखरा व तुम्लिङटार विमानस्थलय् उडान स्थगित याःगु त्रिभुवन अन्तरराष्ट्रिय विमानस्थल ज्याकुथिया महाप्रबन्धक हङ्सराज पाण्डें जानकारी बिउगु खः। वय्कलं धयादिल, “मौसमी अवस्थाया पुनरावलोकन जुयाच्वंगु दु। अन्तरराष्ट्रिय उडानत जुयाच्वंगु दु।

मद्दिक वा वयाच्वंगु इलय् उडान यायेगु जोखिम जुइगु जूगुलिं आन्तरिकपाखे धाःसा आः उडान स्थगन याःगु खः।”मद्दिक वा वयाच्वंगुलिं थौं सुथंनिसें आन्तरिक उडानपाखेया उडानत प्रभावित जूगु खः। येँलिसें देय् न्यंकंया थी थी थासय् सुथंनिसें मद्दिक वा वयाच्वंगु जल नापं मौसम विज्ञान विभागं धाःगु खः।

विभागया कथं थौं व कन्हय् तसकं हे वा वइगु चेतावनी बिइ धुंकूगु दु धाःसा बहनीसिया इलय् अझ यक्व वा वइगु धाःगु खः।

स्वनिगःलिसें यक्व थासय् तसकं वा वयाच्वन जल नापं मौसम विज्ञान विभाग, मौसम पूर्वानुमान महाशाखाया कथं थौं सुथंनिसें स्वनिगःलिसें यक्व थासय् वा वयाच्वंगु दु।

सुथंनिसें झन तसकं वा वःगु खः। मद्दिक वा वयाच्वंगु दु। आः लिपांगु छघौ दुने येँय् ६, यलय् ९.८ व ख्वपय् ५ मिलिमिटर वा वःगु खः। आः स्वनिगःया लिक्क लाःगु जिल्लालिसें तराई केन्द्रित वा वयाच्वंगु जल नापं मौसम विज्ञान विभागं जानकारी ब्यूगु खः। लिपांगु छघौ दुने पर्साय् १० व रौतहटमा १०.६ मिलिमिटर वा वःगु खः।

महोत्तरी व धनुषातक वा वयाच्वंगु धाःगु दु। लिपांगु १२ गू घौ दुने दकसिबे अप्वः कैलालीया गर्भाय् ८३.२ मिलिमिटर वा वःगु विभागया सुचं अधिकारी दिनकर कायस्थं जानकारी बियादिल। वय्कःया कथं १२ गू घौ दुने पर्साय् ४० व बाराय् २८ मिलिमिटर वा वःगु खः। जल नापं मौसम विज्ञान विभागं थौं व कन्हय् तसकं वा वइगु चेतावनी बिइ धुंकूगु खः।

चान्हय् अझ यक्व वा वइगु धाःगु खः।आः विशेष यानाः बागमती प्रदेश व मधेस प्रदेशया यक्व थासय्, गण्डकी प्रदेश व लुम्बिनी प्रदेशया छुं छुं थासय् नापं कोशी प्रदेशया छथाय् निथासं नँ न्याना वा वइ धका धाःगु दु।

वा वयेकीगु प्रणाली पूर्व–उत्तर पूर्व दिशापाखे न्ह्यानावनाच्वंगु व उगु थासय् वा वया हे च्वनीगुलिं सतर्कता नालेत व लिपांगु मौसमी सुचंया जानकारी कया च्वनेत इनाप याःगु खः।

चलः वयाः सुथंनिसें अवरुद्ध जूगु नारायणगढ–मुग्लिन सतकब्व व पृथ्वीराजमार्ग अन्तर्गतया मुग्लिन–नागढुङ्गा सतकब्व छखेरं सञ्चालनय् वःगु दु।

धादिङ बेनिघाट रोराङ–१० जवाङखोलाय् वंगु चलः चीकेधुंकाः दिनाच्वंगु सवारीसाधन गन्तव्यपाखे छ्वःगु व चितवनया इच्छाकामना–५ तुइनखोला ताँय् वःगु चलः चीकेधुंकाः सतक सञ्चालन जूगु प्रमुख जिल्ला अधिकारी गणेश अर्यालं जानकारी बियादिल।

चलः चीकेगु व सवारीसाधन छ्वयेगु ज्या न्ह्यानाच्वंगु व न्हयागु नं इलय् तःधंक चलः वनीगु जोखिम दूगुलिं सावधानीपूर्वक यात्रा यायेत वय्कलं इनाप यानादिल। वा वयाच्वंगु व ल्वहं–चा कुतुंवइगु झ्वः न्ह्याना हे च्वंगुलिं उच्च जोखिम दया हे च्वंगु प्रहरीं धाःगु खः। 

विराटनगरपाखे येँ वःगु यति एयरलाइन्सया जहाज येँ अवतरण याये मफयेवं पोखराय् डाइभर्ट याःगु दु।ये मौसम खराब जुइवंभएपछि ६९ म्ह यात्रु ज्वना वःगु जहाज पोखराय् अवतरण याःगु खः।

विमानस्थलया सूचना अधिकारी जशोदा रेग्मीया कथं विराटनगरया जहाज पोखरा ल्याण्ड जुगु व छु ई लिपा येँ लिहावइगु तयारी दु धका धाःगु दु।

मनसुनी वायु थप सक्रिय जुया स्वनिगः नापं बागमती, मधेश, गण्डकी व लुम्बिनी प्रदेशया थीथी थासय् वाः वइ धका मौसम पूर्वानुमान महाशाखा धाःगु दु।

थौ व कन्ह्यः मनसुनी वायु बढी सक्रिय जुया देय् थीथी थासय् तसकं वाः वइगु सम्भावना दथुलि उच्च सतर्कता अपने यायेत इनाप याःगु दु।

महाशाखां मौसमी बुलेटिन पिकया वइगु २४ घण्टाय् कोशी, मधेश, बागमती व गण्डकी प्रदेशया पहाडी व तराईपाखे तसकं वा वइगु सम्भावना दु धका धाःगु दु। अरब सागर व बङ्गाला खाडीं उत्पन्न जुगु मनसुनी वायु थौनिसे अझ सक्रिय जुइफु धका मौसमविद तय्स पूर्वानुमान याःगु दु।