काष्ठमण्डप नाप छगु कापः गोमामय् मिँच्याःगु दु। थौ सुथय् ३ बजेनिसे मिँ च्यायेगु सुरु जुगु धका स्थानीयपाखे धाःगु दु।

स्वखा छेँ व देगलय् तक मिँ च्यागु धका स्थानीयपाखे जानकारी ब्यूगु दु। दमकलया ग्वहालि मिँ स्यायेगु ज्या जुयाच्वंगु दु।

उगु मिँ स्यायेगु निति येँ महानगर व यल महानगरया दमकलं ज्या यानाच्वंगु दु।नेपाली सेना, सशस्त्र प्रहरी, नेपाल प्रहरी, येँ महानगर प्रहरीपिन्स ज्या यानाच्वंगु दु।

येँया न्हूम्ह लाय्कू कुमारी ल्ययेगु परम्परागत पद्धति कथं आर्यतारा शाक्ययात ल्यःगु दु । इतुम्बहाः, भाष्करदेव संस्कारित केशचन्द्रकृत पारावर्त महाविहारया शाक्य कुलपुत्री खः।

वय्कः उगु विहारया अनन्त शाक्य व प्रतिष्ठा शाक्यया म्ह्याय् मय्जु खः। वय्कःया उमेर थौंकन्हय् निदँत्या स्वयां भचा अप्वः थ्यनाच्वंगु दु ।आः थ्वहे वइगु अष्टमि मंगलवाः कुन्हु न्हिनसिया १२ः०५ निसें १२ः१६ बजे तकया साइत दुने वय्कःयात कुमारी छेँय् छगू विशेष अनुष्ठान यासें न्हूम्ह कुमारीया आसनय् बिराजमान याकीगु ग्वसाः दु । नवमि कुन्हु हनुमानध्वाखाया तलेजुइ यंकाः विशेष पुजा जुइ।

दशमि कुन्हु वसपोलं मोहनिया सिन्हः तिकाबिज्याइ।थुगुसी न्हूम्ह कुमारी ल्ययेगु ज्याया भाला शाक्य महाविहार संघपाखें याःगु खः। संघया महासचिव संघरत्न शाक्यं जानकारी बियादीगु कथं कुमारी जुइगु लागिं आपालं निवेदन वःगु खःसां संघं दयेकातःगु मापदण्ड दुने लाःपिं स्वम्हेसित जक अन्तिम छनौटय् दुथ्याकूगु खः।

थ्व स्वम्ह मध्ये आर्यतारायात न्हूम्ह कुमारी ल्ययेगु ज्या जूगु खः। थुकी गुथि संस्थान, पञ्चाङ निर्णायक समितिं नं भूमिका म्हितूगु खःसा आः छनौट जूम्ह शाक्यपुत्रीयात राष्ट्रप्रमुखया थाय् नं यंकाः नापलाकीगु ग्वसाः दु।

रामेछापया भटौली केन्द्रबिन्दु जुया थौ न्हिनय् भुखाय् ब्बःगु दु।

राष्ट्रिय भूकम्प मापन नाप अनुसन्धान केन्द्रया कथं थौ न्हिनय् २ बजे जुया १४ मिनेटय् रामेछापया जःखः केन्द्रबिन्दु जुया ४ म्याग्निच्यूडया भुखाय् ब्बःगु दु

प्रधानमन्त्री सुशीला कार्की न निर्वाचन जक संविधान संशोधन याये फइ धका धाःगु दु। बिहीवाः राष्ट्रया नामय् सम्बोधन यानादीसे प्रधानमन्त्री कार्कीं आन्दोलनं अभिव्यक्त याःगु दक्को ज्या अन्तरिम सरकारं याये फइ मखु धका स्पष्ट यानादीगु खः।

संविधान संशोधन याना शासकीय स्वरुप लगायतउा विषय बहस जुया च्वंगु इलय् प्रधानमन्त्री कार्की न थुगु सरकारं संविधान संशोधन याये फइ मखु धका धयादीगु खः।

’आन्दोलनया झ्वलय् गुलि खँ न्ह्यात उगु खँ सरकार स्वया पिनेयागु जुगुलि निर्वाचनय् ब्बति कया संवैधानिक तरिकां संशोधन यायेत इनाप याना च्वना,’ वयकलं धयादी, ’अन्तरिम सरकारं आन्दोलनय् अभिव्यक्त याःगु दक्को ज्या याये फइ मखु। अथे जूसा जिमिसं फक्को कुतः याये।’

प्रधानमन्त्री काकी न जेनजी युवातयेगु मू माग भ्रष्टाचार व सुशासन जूगुलि सरकार उकि जिम्मेवार जुया न्ह्या वनिइ धका धयादीगु खः।

नेपाःया संविधान व कानुन कथं १८ दँ दय् धुकुपि नागरिकतय्स जक मतदान याये दइगु व्यवस्था दु।

तर निर्वाचन आयोगं बिहीवाः जारी याःगु सूचं कथं १६ दँ थ्यपिन्स मतदाता धलखय् नाम दुथ्याकेत सूचं पिकागु दु। निर्वाचन आयोगया प्रवक्ता नारायण भट्टराईया कथं १६ दँ थ्यपिन्स मतदाता धलखय् नां दुथ्याके फइगु, तर १८ दँ पूरा जूपिन्स जक मतदान यायेगु अधिकार दइ धका धाःगु दु।