प्रधानमन्त्री सुशिला कार्कीया सरकारय् स्वनिगःया प्रतिनिधित्व जुइगु कथं सुं हे नेवाः मन्त्री नियुक्ति मयाःगु खँय् नेवाः समुदायं चिउताः प्वंकाहःगु दु।

थ्व झ्वलय् वर्तमान सरकारय् च्वनेत उपयुक्त कथं सम्पदा अभियन्ता गणपतिलाल श्रेष्ठया नां चर्चाय् वःगु दु । ताः ई न्ह्यवंनिसें सम्पदा संरक्षणया अभियानय् सक्रिय जुया च्वनादीम्ह श्रेष्ठयात संस्कृति मन्त्रालयया जिम्मा बीमाःगुलि सम्पदा अभियन्ता तय्सं हे सः थ्वयेका हःगु दु ।संस्कृति सम्पदा संरक्षणय् अनुभवी व्यक्तिया कथं गणपतिलाल श्रेष्ठया सम्भावना नं अप्वया वनाच्वंगु दु।

उकथं हे मेम्ह सम्पदा अभियन्ता यादवलाल कायस्थं नं संस्कृति मन्त्रीया रुपय् गणपतिलाल श्रेष्ठयात नियुक्ति यायेगु पाय्छि जुइगु बिचाः तयादीगु दु । सामाजिक सञ्जालय् थःगु धापू पोष्ट यासें वय्कलं थ्व खँ धयादीगु खः।

छु न्ह्यः ‘अनलाइन खबर’ पाखें नकतिनि सार्वजनिक याःगु ‘पीदँ क्वय्यापिं पीम्ह सशक्त व्यक्तित्व’ पिनि धलखय् नं समावेश जूम्ह श्रेष्ठ वंगु जेन जी आन्दालनयात नं सक्रिय रुपं ग्वाहालि यानादीम्ह खः।

डा. संगीता कौशल मिश्रायात स्वास्थ्य नाप जनसंख्या मन्त्रालय बिइगु जिम्मेवारी होल्डय् तःगु दु।

डा. मिश्रा थ्व स्वया न्ह्यः सरकारी सेवाय् विश्राम कया ‘जेन–जी आन्दोलन’ य् सक्रिय जुया हाकन सेवाय् लिहावःगु खः। आइतवाः जक थःगु पदपाखे राजीनामा ब्यूगु खः।थुगु विषय छु न आधिकारिक जानकारी सार्वजनिक याःगु मदुनि।

तर, स्वास्थ्य मन्त्रालय खुल्ला स्वया अप्पो अनुपस्थित, म्यामोग्राम मेसिन न्यायेगु इलय् अनियमितता, अख्तियारय् थीथ्ी फाइल थ्यना च्वंगु व ११ गु तहय् पदस्थापनया झ्वलय् भ्वँ डा. मिश्रां किर्तेया विवाद थे जाःगु विषय पिहावःगुलि नियुक्ति होल्डय् तयातःगु खः।

प्रधानमन्त्री सुशीला कार्की न थौ मन्त्रिपरिषद् विस्तार याइगु जुगु दु। म्हिगः न्याम्हेसिगु नां राष्ट्रपतियात सिफारिस याये धुकुगु दु।

स्वास्थ्य मन्त्रालयया सचिव संगीता मिश्रा, आविश्कार वैज्ञानिक महावीर पुन, टेलिभिजनकःमि जगदीश खरेल, पूर्वन्यायाधीश अनिल सिन्हा व तत्कालीन राज्य पुनःसंरचना समितिया संयोजक मदन परियारया मन्त्री यायेगु निति नां सिफारिस याये धुकुगु दु।

थौ न्हिनय् २ बजे शपथ ग्रहण यायेगु ज्याझ्वः तयातःगु दु।

प्रधानमन्त्री सुशीला कार्की न सञ्चार नाप सूचना प्रविधिमन्त्रीइ जगदीश खरेलया नां सिफारिस याःगु दु। कार्कीं आइतवाः राष्ट्रपतियात खरेलया नां सिफारिस याःगु खः।पत्रकार खरेल इमेज टिभीया समाचार प्रमुख खः।

निगु दशक स्वया अप्पो ईनिसे पत्रकारिता ख्यलय् ज्या याना च्वम्ह खः। खरेलं त्रिभुवन विश्वविद्यालयपाखे पत्रकारिता नापं आमसञ्चारय् स्नातकोत्तर याःगु खःसा अन्तर्राष्ट्रिय सम्बन्ध निसे कूटनीति विषय विद्यावारिधी याये धुकुगु दु।

दोलखाया खरेल ताःईनिसे टिभी ज्याझ्वः ‘हट सिट’ नांया खल्हाबल्हा ज्याझ्ः न्ह्याकाच्वंगु खः। राजनीतिक व सामाजिक विषय केन्द्रित टक शोपाखे थःगु म्हसिक दयके धुकुम्ह खः।

राष्ट्रपति रामचन्द्र पौडेलया न्ह्यने लोक सेवा आयोगया नायः माधवप्रसाद रेग्मीं आयोगया आर्थिक दँ २०८१÷८२ या वार्षिक प्रतिवेदन न्ह्यब्वयादीगु दु।

राष्ट्रपति ज्याकुथिइ थौं ग्वसाः ग्वःगु ज्याझ्वलय् नेपाःया संविधान कथं नायः रेग्मीं आयोगया वार्षिक प्रतिवेदन न्ह्यब्वयादीगु खः।ञंलागा आमै ११४५, असोज ५ आईतवाः