सरकारं राजनीतिक ह्यूपाः हयेगुलि आन्दोलनय् बलिदानयाःपिन्त लय् ३ हजार रुपैयाँ भत्ता बिइगु घोषणा याउगु दु।

संसदय् बजेट अध्यादेशया प्रतिस्थापन विधेयक प्रस्तुत यासे अर्थमन्त्री जनार्दन शर्मा प्रभावकरं शहीद परिवारपिन्त ३ हजार भत्ता उपलब्ध याकेगु घोषणा याउगु दु।

थुगु कथं जनयुद्ध, जनआन्दोलन लगायतय् ज्यान गुमे याःपि परिवारं मासिक भत्ता वइगु जुगु दु। न्हापानिसे नेकपा माओवादी केन्द्रं थज्याउगु व्यवस्थाया माग याना वयाच्वंगु खः।

प्रधानमन्त्रीया सरकारी निवास बालुवाटारय् राष्ट्रिय सुरक्षा परिषदया बैठक सुरु जूगु दु।

उगु बैठकय् गृहमन्त्री बालकृष्ण खाँण, मुख्यसचिव शंकरदास बैरागी, प्रधानसेनापति प्रभुराम शर्मा व रक्षा सचिव बेगेन्द्रराज शर्मा पौड्यालपिनिगु सहभागी दुगु खः।

प्रतिनिधिसभा व राष्ट्रियसभाया बैठक थौं च्वनेत्यंगु दु। बैठक न्हिनसिया १ बजेया लागि तय जूगु दु। संघीय संसदया निसु हे सदनया बैठकय् थीथी अध्यादेश पेश याइगु सम्भावित कार्यसूचीइ दु।

प्रतिनिधिसभाया बैठकय् शपथ सम्बन्धी अध्यादेश २०७८, रेल्वे अध्यादेश २०७८, सामाजिक सुरक्षा (पहिलो संशोधन) अध्यादेश २०७८, नेपाल प्रहरी व प्रदेश प्रहरी (कार्यसञ्चालन, सुपरीवेक्षण व समन्वय) (पहिलो संशोधन) अध्यादेश २०७८, तेजाब नाप मेमेगु घातक रासायनिक पदार्थ (नियमन) अध्यादेश २०७८ स्वीकृतिया लागि प्रस्तुत यायेगु ज्याझ्वः दु।

अथेहे राष्ट्रिसभाया बैठकय् विधायन व्यवस्थापन समितिया सभापतिं लोकसेवा आयोग विधेयक २०७५ सम्बन्धी समितिया प्रतिवेदन व अध्यागमन विधेयक २०७६ सम्बन्धी निगु बिस्कं प्रतिवेदन प्रस्तुत याइगु सम्भावित कार्यसूचीइ दु। अथेहे गृहमन्त्री बालकृष्ण खाँणं राजनीतिक दलसम्बन्धी (दोस्रो संशोधन) अध्यादेश २०७८ पेश याइगु कार्यसूची दु धका संसद् सचिवालयं धाउगु दु।

राजनीतिक दल सम्बन्धी अध्यादेश प्रतिनिधिसभाय् पेश याइगु नेकपा एमालेया सांसदपिन्स नाराबाजी याउगु विरोध धाउगु।

इनाप प्रधानमन्त्री शेरबहादुर देउवां सत्ता गठबन्धनया नेतापिन्त मन्त्रीपिनिगु नां छ्वया हयेत धाउगु दु।

शुक्रबाः सुथय् बालुवाटारय् च्वंगु सत्ता गठबन्धनया शीर्ष नेतापिनिगु बैठकय् प्रधानमन्त्री देउवां मन्त्रीपिन्त नां बिइत इनाप याउगु दु।

उगु बैठकय् माओवादी केन्द्रया अध्यक्ष पुष्पकमल दाहाल प्रचण्ड, एकीकृत समाजवादीया अध्यक्ष माधवकुमार नेपाल, जनता समानवादी पार्टीया अध्यक्ष उपेन्द्र यादव व राष्ट्रिय जनमोर्चाया दुर्गा पौडेलपिनिगु उपस्थिति दुगु खः। कांग्रेस सभापति देउवां वंगु असार २९ गते प्रधानमन्त्री पदया शपथ ग्रहण याउगु खः।

तर आःतक न मन्त्रिपरिषदयात पूर्णता बिइ फुगु मदुनि। आःतक सरकारय् प्यम्ह मन्त्री व छम्ह राज्यमन्त्रीपि दु।

पशुपति महाद्यःया थाय् थौंनिसे भक्तजनया लागि खुल्ला जुगु दु।

न्हुगु भेरियन्टनाप कोरोनापाखे बचे जुइत वंगु प्यलानिसे भक्तजनया लागि बन्द जुगु खःसा थौं सुथय् ६ बजेनिसे खुल्ला जुगु खः।

पशुपति महाद्यः नाप गुह्येश्वरी लगायत द्यःया थाय् भक्तजनया लागि खुला जूगु धका पशुपति क्षेत्र विकास कोषं धाउगु दु।

न्हुगु भेरियन्ट नाप कोरोना सङ्क्रमण यक्को जुइवं वंगु वैशाख १० गतेनिसे पशुपति द्यःया थाय् भक्तजनया लागि बन्द जूगु खः।

पशुपति द्यःया थाय् वयने भक्तजनपिन्स अनिवार्य रूपं मास्क तयमाःगु व छकलं २५ म्ह जक दुहावने फइगु याउगु दु।