Display Style:
Column Style
कालापानी–लिपुलेक क्षेत्र तकं कःघाना राष्ट्रिय जनगणना न्ह्याइगु
ञंलाथ्व तृतीया ११४१, भाद्र २४ बिहीवाः
राष्ट्रिय जनगणना वइगु कार्तिक २५ निसें मंसिर ९ गते तक्क जुइत्यंगु दु । कोरोना महामारीया हुनिं लिछ्यागु राष्ट्रिय जनगणना हाकनं न्ह्यायेत्यंगु केन्द्रीय तथ्याङक विभागं न्ह्यथंगु दु ।
सरकारं राष्ट्रिय जनगणना २०७८ कालापनी लिपुलेक क्षेत्रया नं जनगणना यायेगु धाःगु दु । थुगु क्षेत्र नेपाःया राजनीतिक नक्शाय् कःघाःगु तर भोगचलनया स्वामित्व वःगु मदुनि । उगु क्षेत्रय् थः याकःलं जनगणना यायेत असम्भव जूगुलिं ३गू हे तहया सरकारलिसे समन्वय याना भौतिक रुपय् मजूसा वैकल्पिक विधिं जनगणना यायेगु केन्द्रीय तथ्याकं विभागं न्ह्यथंगु दु ।
विभागं तयार याःगु न्हूगु ज्याधलः भदौ २१ गतेया मन्त्रिपरिषद् मुँज्यां स्वीकृत याःगु खः । विभागं थ्वखुसिइ ३९ द्वः गणक व ८द्वः सुपरीवेक्षकं थ्यंमथ्यं ७० गू लख छेँजः लिसें ३गू क्वःति जनसंख्याया गणना ज्या १५न्हू दुने क्वचायेकेत्यंगु दु ।
गणकया नितिं १२गू तगिं उत्तिर्ण व सुपरिवेक्षकया नितिं स्नातक तह उत्तिर्ण जुइमाः । कोरोना संक्रमणया जोखिम दूगुलिं स्वास्थ्य मन्त्रालय व मेगु निकायलिसे समन्वय जुयाच्वंगु विभागं न्ह्यथंगु दु । जनगणनाय् खटे जुइपिं गणकतयेत कोरोना भ्याक्सिन उपलब्ध याकेगु व स्वास्थ्य सुरक्षा मापदण्ड पालना यायेगु विभागं न्ह्यथंगु दु ।
छेँ ल्याः, भुखाचालिपा सरकारी अनुदानय् छेँ दयेकुगु मदयेकुगु व भवन दयेकुगुया आज्जु तकं संकलन याइगु जूगु दु । छेँजया दुजःया बैँक खाता दू मदूगु, प्रावधि शिक्षा लिसें तालिम काःगु मकाःगु व वैदेशिक रोजगारय् वंपिनि विस्तृत धलः नं संकलन याइगु जूगु दु ।
३गू हे तहया सरकारयात योजना तर्जुमा यायेत आवश्यक तथ्याकं जनस्तरय् वना कःघायेगु कुतः जुइगु केन्द्रीय तथ्याकं विभागं न्ह्यथंगु दु । जनगणना क्वचायेकेत ४ गू अर्ब ध्यबा लागत तुइगु अनुमान याःगु दु ।
एमसीसीबारे नेपालं न्यंगु न्ह्यसःया लिसः अमेरिकां बिल
ञंलाथ्व तृतीया ११४१, भाद्र २४ बिहीवाः
नेपाल सरकारं एमसीसी सम्झौता बारे न्यंगु न्ह्यसःया लिसः वःगु दु ।
थौं नेपाल भ्रमण याइ धयातःम्ह एमसीसीया न्वकू सुमारं म्हिगः सनिलय् २९गू पाना ताःहाकःगु लिसः छ्वयाहःगु दु । लिसलय् वय्कलं एमसीसी नेपाःया संविधान स्वयां च्वये मजुइगु स्पष्ट उल्लेख यानादीगु दु ।
फुक्क कथंया एमसीसी साझेदार देय्तलिसे क्वचाःगु एमसीसी कम्प्याक्ट अन्तर्राष्ट्रिय कानुनया सिद्धान्तं निर्देशित अन्तर्राष्ट्रिय सम्झौता जूगु वय्कलं धयादीगु दु ।
अथेहे वौद्धिक सम्पत्तिइ न नेपाःया हक स्थापित जुइगुनिसें लेखा परीक्षण तकं नेपालं हे यायेदइगु धयाःतगु दु ।
जबकी सम्झौताय् धाःसा लेखा परीक्षण नेपालं याये मदइगु अले सम्झौता कार्यान्वयनया झ्वलय् ब्वलनीगु वौद्धिक सम्पत्तिइ एमसीसीया हक दइगु उल्लेख जुयाच्वंगु दु । म्हिगः छ्वयाहःगु लिसलय् धाःसा इपिं खँत संशोधन जूगु खनेदु ।
थौं हिन्दु नेपाली मिसातय् हरितालिका तीज, अपसं च्वनाः भगवान शिवया आराधना यानाच्वन
ञंलाथ्व तृतीया ११४१, भाद्र २४ बिहीवाः
थौं हिन्दु नेपाली मिसातय् हरितालिका तीज । देय्न्यंकं थ्व पर्वयात तःजिक्क हनाच्वंगु दु ।
सरकारं निषेधाज्ञा चिइकूगुलिसे थौं मिसातय् तःजिक्क तीज हनाच्वंगु दु । म्हिगः दर नयाः च्वंपिं मिसातय्सं थौं न्हिच्छि अपसं च्वनाः भगवान महाद्यःयात पूजा यायेगु चलन दु ।
तीज पर्व जूगुलिं देय्न्यंकंया महाद्यःयाथाय् पूजापाठ याइपिं मिसातय् भीड खनेदु । हरेक दँ भाद्र शुक्ल तृतीयाकुन्हु हनीगु थ्व पर्वय् महाद्यःयात विशेष पूजा आराधना याइ । अपसं च्वनाः शिव पार्वतीया पूजा व उपासना यासा पारिवारिक सुख, शान्ति व कल्याण चूलाइगु धार्मिक विश्वास दु ।
सत्ययुगय् हिमालय पुत्री पार्वतीं पशुपतिनाथ, गौरीघाटय् च्वनाः तपस्या यायेवं महाद्यः मिजंया कथं वरदान चूलाःगु विश्वास यानातःगु दु । अनंनिसें अपसं च्वनेगु चलन न्ह्याःगु पौराणिक मान्यता दु । ईहिपा जुइधुंकूपिं मिसातय्सं अटल सौभाग्य अले सन्तान प्राप्तिनिसें ईहिपा मजूनीपिं ल्यासेतय् योग्य मिजं चूलाइगु धइगु कामना यानाः अपसं च्वनीगु खः ।
छुं हे मनःसें अपसं च्वनीगु, पूजा आराधना याइगु अले तीजया म्येय् प्याखँ हुलाः थौं न्हिच्छि न्ह्याइपुकीगु खः । स्वास्थ्य अवस्था कमजोर जूपिन्सं छुचुंमरी, कःनिया मरि अले सिसाफल नयाः अपसं च्वनेज्यूगु संस्कृतिविद्तय्सं धागु दु ।
चिकित्सकतय्सं धाःसा कोरोना महामारीया जोखिम आःन दुगुलिं भौतिक दूरी कायम यायेत अले उप्वः भीडभाड मयाःसें तीज पर्व हनेत इनाप याःगु दु ।
एमसीसी उपाध्यक्ष फातिमा सुमार येँ थ्यन
लहनान्युज | ञंलाथ्व तृतीया ११४१, भाद्र २४ बिहीवाः
एमसीसी उपाध्यक्ष फातिमा सुमार व सहायक उपाध्यक्ष जोनाथन ब्रुक्स येँ थ्यंगु दु।
उपाध्यक्ष सुमार नेतृत्वया टोली नेपाः प्यन्हुया भ्रमण यायेगु झ्वलय् येँ थ्यंगु दु। कतार एयरवेजपाखे थौं बिहीबाः सुथय् ९ः२५ बजे येँ थ्यंगु दु धका नेपाल नागरिक उड्डयन प्राधिकरणया प्रवक्ता जानकारी बिउगु दु।
उपाध्यक्ष सुमारया टोलीं सम्झौताया विषय प्रधानमन्त्री शेरबहादुर देउवा व राजनीतिक दलया शीर्ष नेतापि नाप वार्ता यायेगु ज्याझ्वः दु।
बिपिया १०८ क्वःगु बुदिं
लहनान्युज | ञंलाथ्व तृतीया ११४१, भाद्र २४ बिहीवाः
नेपाःया राजनीति व साहित्यय् महत्वपूर्ण योगदान दुम्ह न्हापाम्ह जननिर्वाचित प्रधानमन्त्री विश्वेश्वरप्रसाद कोइरालाया थौं १०८ क्वःगु बुदिं खः।
नेपालय् प्रजातन्त्र स्थापना नाप पुनःस्थापनाया लागि कठोर सङ्घर्ष यानादीम्ह कोइरालाया बुदिं १९७१ साल भदौ २४ गते जूगु खः। राणा शासनया विरोधय् वयकःया अबु कृष्णप्रसाद कोइरालां गरिब किसानं पूनातःगु लँ राणा प्रधानमन्त्री चन्द्रशम्शेरयात छ्वया कोइराला परिवार भारत निर्वासनय् वंगु खः।
निर्वासनय् हे विपीं भारतया स्वतन्त्रता सङ्ग्रामय् ब्बति काउगु खः। भारत निर्वासनया हे झ्वलय जहानियाँ राणा शासनया अन्त यायेत २००३ सालय् विपीया नेतृत्वय् नेपाली राष्ट्रिय कांग्रेस स्थापना जूगु खः। प्रजातन्त्र स्थापना हे मू आज्जु कया सुवर्ण शम्शेरया नेतृत्वय् २००६ सालय् स्थापना जूगु नेपाल प्रजातन्त्र कांग्रेसया दथुइ एकता लिपा २००७ सालय् क्रान्ति सफल जूगु खः।
२०१५ सालया आमनिर्वाचनय् कांग्रेसं दुईतिहाई वहुमत कया न्हापाम्ह जननिर्वाचित प्रधानमन्त्री जुयादीगु खः। कोइरालां नेपालय् राष्ट्रियता, प्रजातन्त्र व समाजवाद स्थापनाया लागि राजनीतिक नेतृत्व प्रदान यानादीगु खः।
