संसद विघटनविरुद्ध सर्वोच्च अदालतय् तःगु रिटय् सुनुवाइ सुरु जुगु दु।

प्रधानन्यायाधीश चोलेन्द्रशमशेर जबराया बेन्चय् वःगु १९ रिटय् सुनुवाइ सुरु जुगु दु । न्हापागु नम्बरय् वीरभद्र जोशीसहितं दायर यागु रिट निवेदन खः ।

जोशीं बहस सुरु यागु दु। अन्तरिम आदेशया माग याना १९ गु रिटया सुनुवाइ प्रधानन्यायाधीश जबरां थःगु एकल बेन्चं यायगु धका तोके यागु खः। संवैधानिक इजलासया सुनुवाइ माग यागु ११ रिट धासा जेठ १४ गते शुक्रवाःया लागि पेशी तोके यागु खः।

सरकारया सिफारिसय् राष्ट्रपति विद्यादेवी भण्डारीं धारा ७६(५) बमोजिम प्रधानमन्त्री नियुक्ति यागु आधार मदु धासे संसद विघटन यना मध्यावधि निर्वाचन घोषणा यागु उकिया विरुद्ध ३० गु रिट दर्ता यागु खः।

स्वनिगः दुने वंगु २४ घण्टाया दुने थौ १४९३ म्हेसित कोरोना सक्रमित पुष्टि जूगु दु।

येँ जक ११३९ म्हेसित कोरोना पुष्टि जुगु दु । अथेहे यलय २४१ म्ह व ख्वपय् ११३म्हे म्हेसित कोरोना पुष्टि जुगु दु।

अथेहे वंगु २४ घण्टाया दुने देयन्यनं  ६ हजार ६७७ म्हेसित कोरोना संक्रमित पुष्टि जूगु खः ।

वंगु २४ घण्टाया दुने देयन्यनं  ६ हजार ६७७ म्हेसित कोरोना संक्रमित पुष्टि जूगु दु ।

स्वास्थ्य तथा जनसंख्या मन्त्रालयं थौं बुधवाः ग्वसाः ग्वंगु कोभिड १९ प्रेस ब्रिफिङय् लिपागु २४ घण्टाय् १९ हजार ३० नमुना पीसीआर परीक्षणय् ६ हजार ६७७ म्हेसित कोरोना पुष्टि जुगु जानकारी बिगु दु।

३ सय २२ म्हेसिगु नमुना एन्टिजेन विधिपाखे यागु परीक्षणय् ३७ म्हेसित पोजिटिभ खनेदुगु खः। अथेहे २४ घण्टाया दुने ६ हजार ७१६ म्ह कोरोनामुक्त जुगु दु। अथे थप १४५ म्ह सीगु दु।

नेपालय् सक्रिय संक्रिमतपि आः १ लाख १७ हजार ७७ म्ह थ्यंगु दु।