आइतवाः व सोमवाः लगातार थहा वंगु सेयर बजाः थौं मंगलवाः धासा करेक्शन खनेदत ।

सेयर कारोबार मापक नेप्से परिसूचक ६ दशमलव ५० अंक क्वहावना  २ हजार ८ सय १६ दशमलव ५६ अंकय् थ्यंगु दु।

‘क’ वर्गया कम्पनीपिनिगु कारोबार मापन याइगु सेन्सेटिभ इन्डेक्स न ४ दशमलव ५१ अंक घटे जुया ५ सय ३ दशमलव ९९ अंकय् थ्यगु दु।

सोमवाः १३ अर्ब स्वया अप्वो थहावना न्हुगु इतिहास तःगु कारोबार रकम मंगलवाः धासा कम खनेदुगु दु।

मंगलवाः १ लाख १२ हजार १४८ गु कारोबार जुगुलिं २१९ कम्पनीया २ करोड ३४ लाख ६५ हजार ६७५ कित्ता सेयर न्यायेगु मिइगु जुगु दु। उकि कथं कारोबार रकम ११ अर्ब १३ करोड ३३ लाख ९८ हजार १०८ रुपैयाँ थ्यंगु दु।

सभामुख अग्निप्रसाद सापकोटां सःतूगु पूर्वसभामुखपि नाप बैठक न्हुगु बानेश्वरय् सुरु जूगु दु।

सभामुख सापकोटां प्रतिनिधिसभा विघटन लिपागुया अवस्था व सभामुखया भूमिका विषय छलफलया लागि सःतुगु उगु बैठकय् पूर्वसभामुख नाप नेकपा (एमाले)या नेता सुवास नेम्वाङ बाहेकया पूर्वसभामुखपि सहभागी जुगु दु।

पूर्वसभामुखपि रामचन्द्र पौडेल, ओनसरी घर्ती व कृष्णबहादुर महरा सभामुखं सःतूगु बैठक् हे उपस्थित जूगु खःसा पूर्वसभामुखपि दमननाथ ढुंगाना व तारानाथ रानाभाट भर्चुअल रुपं बैठकय् सहभागिता जुयदीगु खः।

रानाभाट पोखराय् जुगु कारण भर्चुअल्ली बैठकपाखे सहभागी जुगु खःसा ढुंगाना कोरोनाया कारण स्वास्थ्य जोखिम दुगुलि छेँ न हे भर्चुअल्ली बैठकय् सहभागी जुगु खः। 

 किपू नगरपालिकां नीस्वंगु सांस्कृतिक संरक्षित क्षेत्र घोषणा तयारी कार्यदलपाखें जेठ ११ गते ११ बजे किपू नगरपालिकाया मेयर रमेश महर्जनयात प्रतिवेदन नापं प्रस्तावित ऐन लःल्हाःगु दु ।

सांस्कृतिक संरक्षित क्षेत्र कार्यदलया कजि श्रीकृष्ण महर्जनया नेतृत्वय् अथे कार्यदलया न्याम्ह हे दुजःपिन्सं मंकाः कथं प्रतिवेदन नापं ऐन लःल्हाःगु खः । स्थानीय सरकार संचालन ऐन कथं स्थानीय सरकारं सांस्कृतिक संरक्षित क्षेत्र घोषणा यायेफइगु जूगुलिं उकिया नितिं तयारी यायेत न्याम्हेसिया कार्यदल दयेका निलाया दुने प्रतिवेदन तयार यायेत भाला बिउगु खः ।

निलाया दुने हे अध्ययण याना तयार याःगु उगु प्रतिवेदन व ऐन लःल्हाना कायेगु झ्वलय् किपू नगरपालिकाया मेयर रमेश महर्जनं आः वइगु नगर सभाय् उगु ऐनयात प्रस्तावया रुपय् यंकेगु बचं बियादीगु खः । कार्यदलया कजि कजि श्रीकृष्ण महर्जनं धयादी कथं किपू नगरया प्यंगू लागायात मूल रुपं नेवाः संस्कृति सम्पदा संरक्षण यायेमाःगु थाय् कथं नाला प्रचिन किपू, पांगा, नगां नापं चोबाहः लागाय् ब्वथला थ्व प्यंगू हे लागां प्रतिनिधि जुइगु कथंया नगर स्तरया समिति दयेकेगु अले स्थानीय स्तर कथं प्यंगू लागाय् नं प्यंगू हे कथंया संरचना दयेका ज्या यायेगु नितिं संघीय संरचनाया मोडल कथं ऐनय् प्रस्ताव यानागु जानकारी बियादिल ।

वय्कलं नेपाःया संविधान, स्थानीय सरकार संचालन ऐन, अन्तर्राष्ट्रिय कानुन आइएलओ १६९, युएनड्रिप लगायतया आधार कया नेवाःतय्गु प्रथाजन्य संस्था गुथि नापं बाजं खलःया प्रतिनिधित्व जुइगु कथंया स्वायत्त कथंया निकाय दयेकेगु प्रस्ताव ऐनय् यानागु दु धयादिल । यदि थ्व ऐन पारित याना किपू नगरपालिकां लागू यात धाःसा किपुलिइ सांस्कृति पुनरजागर वइगु, किपूया मौलिक सस्कृति संरक्षण जुइगु, प्रथाजन्य संस्था गुथिया महत्व अप्वइगु नापं किपूया पहिचानयात ल्यंकेगु ज्या जुइ धकाः तकं धयादीगु दु ।

नगरपालिकां दयेकूगु उगु कार्यदलया दुजलय् रामभोला महर्जन, नरेश शाक्य, उज्जल महर्जन व सुवर्ण महर्जन ।

बङ्गालया खाडीइ उत्पन्न जुगु यास नांया चक्रवात यागु असरं आः छु दिं वाः, फय् वइगु, नाप हिमपात जुइगु सम्भावना दुगुलि सचेत जुइत मौसमविदपिन्स धागु दु।

जल तथा मौसम विज्ञान विभागं विशेष बुलेटिन पिकया थुगु यास चक्रवात शक्तिशाली वाःफय् वइगु धका धागु दु ।

थुगु यास चक्रवात प्रभावं थौं प्रदेश–१, प्रदेश–२, वाग्मती, गण्डकी व लुम्बिनी प्रदेशय् छु न थासय् नंन्याना वा वफु धका धागु दु।

वाग्मती प्रदेश व प्रदेश–१ या उच्च हिमाली÷पहाडी भूभागया छु न थासय् हल्का वा वया मध्यम हिमपात तक जुइगु सम्भावना दु धका बुलेटिनय् उल्लेख यागु दु।

अथेहे कन्ह्यः अप्व थे थासय् वा वया हिमपातया तक सम्भावना दु धका विभागं धागु दु।

लुँया भाः थौं तोलां निसः क्वहा वंगु दु।

तोलां निसः क्वहावया ९३ हजार पाँच सय तोके यानागु दु धका नेपाल सुनचाँदी व्यवसायी महासङ्घं धागु दु।

म्हिगः लुँ तोलां ९३ हजार सात सय रुपैयाँमा कारोबार जुगु दु ।

अथेहे वहःया भाः तोलाया १३ सय ५० रुपैयाँय् कारोबार जुगु दु धका महासङ्घं धागु दु ।