प्रधानमन्त्री केपी शर्मा ओली पदमुक्त जुगु दु ।

विश्वासया मतया प्रस्तावय् संसदपाखे बहुमतं अस्वीकृत यायेवं प्रधानमन्त्री ओली स्वतः पदमुक्त जूगु दु।

प्रस्तावया पक्षय् ९३ मत वंगु खः । प्रधानमन्त्री पदय् कायम जुइत ओलीं १३६ मत मागु खः।

संसदया दकलय् तधगु दल एमालेयाके १२१ म्ह सांसदपि दु। तर एमालेया माधवकुमार नेपाल पक्षया सांसदपिनिगु बैठकय् अनुपस्थित जुगु खः।

नेपाली कांग्रेस, नेकपा माओवादी केन्द्र, जनता समाजवादी पार्टीया बाबुराम भट्टराई–उपेन्द्र यादव पक्ष, राष्ट्रिय जनमोर्चा विपक्षय् मत बिगु खः ।

जसपाया महन्थ ठाकुर–राजेन्द्र महतो पक्षया सांसदपि तटस्थ च्वंगु खः।

 राष्ट्रिय बिमा कम्पनी लिमिटेड सेयरया भाः सकारात्मक सर्किटय् वंगु दु ।

सोमवाः छन्हु हे १० प्रतिशत (१७५० रुपैयाँ) थुगु कम्पनीया सेयर भाः थहा वना १९ हजार २५० रुपैयाँ थ्यःगु दु।

थुगु कम्पनीया संस्थापक समूह तर्फपाखे सेयर भाः सोमवाः १० प्रतिशतं थहावंगु खः।

छन्हु हे १ हजार ५४१ रुपैयाँ थहावना संस्थापक समूहपाखे सेयर भाः प्रति कित्ता १६ हजार ९५१ रुपैयाँ थ्यंगु खः ।

राष्ट्रिय बिमा कम्पनी लिपा सेयरया भाः थहावंगु समता घरेलु लघुवित्त वित्तीय संस्था व रुरु हाइड्रोपावर खनेदुगु खः ।

थुगु निगु कम्पनीया सेयर भाः करिब १० प्रतिशत थहा वंगु खः।

इनाप प्रधानमन्त्री केपी शर्मा ओलीं संसद बालाक्क सञ्चालन यायेत थःत विश्वासया मत बिइत इनाप यागु दु।

सोमवाः प्रतिनिधिसभाय् विश्वासया माग यानादीसे वयकल संसद बालाक्क सञ्चालन यायेत थःत विश्वासया मत बिइत इनाप यानादीगु खः।

वयकल विश्वासया मत मबिउसा थःत न्हुगु सरकार गठनया लागि मार्गप्रशस्त यायेगु धका धयादीगु खः ।

रौतहटय् न्यान्हुया दुने कोरोना भाइरस (कोभिड–१९) संक्रमणं छगु हे परिवारया निम्ह मन्त।

रौतहटया गढीमाई नगरपालिका–३ या ५० दँ दुम्ह मिजंम्ह मदुगु न्यान्हुया लिपा वया ५६ दँ दुम्ह भाउजु कोरोना संक्रमणं मदुगु खः।

थप उपचारया लागि अस्पताल यकेगु झ्वलय् उम्ह मिसाम्ह लँय् मदुगु खः। मदुम्ह मिसाम्हेसिया भाःतम्हेसियाके न संक्रमण खनेदगु खः ।

वयागु गौर अस्पतालय् उपचार जुयाच्वंगु दु ।

गण्डकी प्रदेशय् कोरोना संक्रमणं थप च्याम्ह मन्त गण्डकी प्रदेशय् कोरोना संक्रमणं थप च्याम्ह मन्त ।

गण्डकी प्रदेश स्वास्थ्य निर्देशनालयया कथं कास्की व स्याङ्जाय् निम्ह निम्ह म्याग्दी, रुपन्देही, पर्वत व तनुहँइ छम्ह छम्ह संक्रमितपि उपचार यायेगु झ्वलय् मदुगु खः 

पोखरा महानगरपालिका–७ या ६७ दँ दुम्ह कोरोना संक्रमित मिजंम्ह आइतवाः न्हिन् २ः२० बजे मणिपाल शिक्षण अस्पताल पोखराय् मदुगु खः। अथेहे पोखरा महानगरपालिका–१३ या ८७ दँ दुम्ह मिजंम्ह सोमवाः सुथय् ७ बजे मदुगु खः । होम आइसोलेसनय् हे मदुगु खः। स्याङ्जाया फेदीखोला गाउँपालिका–९ या ६२ दँ  दुम्ह मिसाम्ह आइतवाः बहनि ६ः४५ बजे गण्डकी मेडिकल कलेज पोखराय् मदुगु खः ।

अथेहे स्याङ्जाया गल्याङ गाउँपालिका–३ या ८४ दँ दुम्ह मिजंम्ह बहनि ८ः४५ बजे चरक मेमोरियल अस्पताल पोखराय् मदुगु खः। वैशाख २३ गते कोरोना संक्रमण पुष्टि जुम्ह म्याग्दीया धौलागिरी गाउँपालिका–२ या ३७ दँ दुम्ह मिजंम्ह आइतवाः सुथय् ६ः३० बजे गण्डकी मेडिकल कलेज पोखराय् मदुगु खः ।

आइतवाः हे कोरोना संक्रमण पुष्टि जूम्ह बुटवल उपमहानगरपालिका–१ या ३४ दँ दुम्ह सोमवाः सुथय् ८ बजे फिस्टेल अस्पताल पोखराय् मदुगु खः । पर्वतया कुश्मा नगरपालिका–१ या ४७ दँ दुम्ह मिजंम्ह आइतवाः न्हिनय् १ बजे मदुगु खः । वैशाख २१ गते कोरोना संक्रमण पुष्टि जूपि धौलागिरी अस्पताल बागलुङय् मदुगु खः।

अथेहे तनहुँया भानु नगरपालिका–१ या ६५ दँ दुम्ह मिजंम्ह दमौली अस्पतालय् उपचारया झ्वलय् मदुगु खः।