जनता समाजवादी पार्टी (जसपा)या अध्यक्ष उपेन्द्र यादवं प्रधानमन्त्री केपी शर्मा ओलीयात विश्वासया मत बिइ फइमखु धका धयादीगु खः ।

प्रतिनिधिसभा बैठक यादवं विश्वासया मत मखु विपक्षय् मतदान यायेगु धका धयादीगु दु । ‘संसद असंवैधानिक तरिकां विघटन यागु खः ।

जनता सतकय् वया । सर्वोच्चं पुनस्र्थापित याना बिल । गुगु संसदय् विश्वास मदु, गये याना मत बिइगु?,’ धका यादवं धागु खः ।

प्रधानमन्त्री ओली संघीयता व समानुपातिकर, समावेशिता विरोधी जुगु धका धयादीगु खः । ‘संविधानय् त्रुटि दु, जिपिे रिजर्भेसनय् दु ।

नागरिकता समस्या हे मधेश खः धइगु कथं न्ह्यने यकूगु खः धका यादवया आरोप दु ।

जनता समाजवादी पार्टी (जसपा) या अध्यक्ष महन्थ ठाकुरं विश्वासया मत पक्ष व विपक्ष गन मदु धका धयादीगु दु ।

प्रतिनिधिसभा बैठकय् सम्बोधन यानादीसे ठाकुरं थःगु माग पूरा मजुगुलि तटस्थ च्वनेगु निर्णय यायेगु धका धयादीगु खः। वयकलं धयादीगु दु प्रस्तावया पक्षय् न मदु व विपक्षय् न मदु  धका धयादीसे जिपि राजनीतिक रुपं पीडितपि खः।

जिमिगु सांसद जेलय् दु । रेशम चौधरीयात थन स्वय चाहे जू तर वयकः जेलय् दु धका ठाकुरं धयादीगु खः । आःतक संविधानया  कारण हे थःपिनिगु नेतापि जेल व तारेखय् च्वने मागु अवस्था दु धका वयकलं धयादीगु खः ।

जातीय, क्षेत्रीय व लैंगिक आधारय् विभेद कायमै दुगुलि जसपा आः यागु इलय् तटस्थ च्वने त्यनागु खः धका धयादीगु खः।

नेकपा माओवादी केन्द्रया अध्यक्ष पुष्पकमल दाहाल प्रचण्डं प्रधानमन्त्री केपी शर्मा ओलीयात हाकनं मध्यावधिइ वनेत विश्वासया मत कायेत्यंगुलि संसदय् वंगु जक मखुला धका न्ह्यसः तगु दु।

विश्वासया मत फ्वनेगु प्रधानमन्त्री केपी शर्मा ओलीया प्रस्ताव संसदय् जूगु सोमवाः छलफलय् ब्बति कयादीसे माओवादी केन्द्रया अध्यक्ष प्रचण्डं पार्टीया आन्तरिक ल्वापूया कारण प्रधानमन्त्रीं संसद भंग यागु लुमकादीगु दु ।

यदि विश्वासया मत मागु खःसा सर्वोच्चं एमाले व माओवादी अलग अलग जुइगु फैसला यायेवं प्रधानमन्त्री संसदय् वये मागु धका धयादीगु खः ।

संविधानया धारा ७६(१) पाखे (२) न प्रधानमन्त्री जुइ धुका प्रधानमन्त्री ओलीं उगु इलय् विश्वासया मत कायेगु स्वया समर्थन छाय् लित मकागु धका न्ह्यसः तःगु धका प्रचण्डं धागु खः ।

नीति व कार्यक्रम नाप बजेटया लागि नियमित अधिवेशन सःतूगु इलय् विश्वासया मत कायेत विशेष अधिवेशन छाय् सःतूगु खः धका धयादीगु खः ।

 नेपाली कांग्रेसया सभापति शेरबहादुर देउवां स्वदँय् सरकार पूर्ण रुपं असफल जूगु धका धागु दु।

विश्वासया मत फ्वनिइगु झ्वलय् प्रधानमन्त्री केपी शर्मा ओलीें प्रस्तावया संसदय् जूगु छलफलय् भाग कयादीसे वयकलं सरकार गठन जूगु स्वदँया दुने हे विश्वासया मत कायेमागु अवस्था वंगु प्रधानमन्त्री स्वयं जिम्मेवार दु धका धयादीगु खः ।

प्रधानमन्त्रीयात कार्यकारी प्रमुखं हैसियतं दक्को अधिकार बिगुु धका धयादीसे वयकलं धयादीगु दु, ‘देश व जनताया हितय् ज्या यायेत सू ना रोके यागु दु धका न्ह्यसः तयादीगु खः। प्रमुख प्रतिपक्षी पार्टीया रुपं थःगु दलं रचनात्मक व ग्वाहालिया भूमिका म्हितागुलि आलोचित जुइमागु धका धयादीगु खः।

‘जि प्रधानमन्त्रीयात इनाप यायेत चाहे जू मनूत दुनियाँपाखे बिस्यू वनेफु, थःहे पाखे बिस्यू वने फइमखु । छकः छातिइ ल्हातय् धयादीसे, थुगु अवस्था छिं सिर्जना यानादीगु अंकगणित दम्भ, कुशासन व भ्रष्टाचारया कारण मखुला?’ 

प्रधानमन्त्री केपी शर्मा ओलीं कोरोना खोपया विषय न थःत बदनाम यायेगु कुतः यागु धका असन्तुष्टि प्वकादीगु दु।

वयकलं यदि सुना न भ्रष्टाचार यागु दुसा कारबाही यायेगु जुइ धका धयादीगु दु। संसदया थौं सोमवाः च्वंगु बैठकं विश्वासको मत कायगु प्रस्ताव न्ह्यबयादीसे प्रधानमन्त्री ओलीं सरकारया ध्यान महामारी नियन्त्रणय् केन्द्रित दुगु धका धयादीगु दु।

भ्याक्सिन अभाव जूसा सरकारं दक्षिण एसिया भारतपाखे अप्वो खोप हयेत सफल जुगु धका धयादीगु दु । पीसीआर टेष्ट, आईसीयू भेन्टिलेटर व्यवस्था यानागु धका धयादीसे प्रधानमन्त्री ओलीं कोभिड महामारीं जनताया जीवन रक्षा न्हापागु शर्त जुगु धका धयादीगु खः।