नेपालय् बर्डफ्लु दुहावःगुलि ला बूका बालाक्क दयेका जक नयेत चिकित्सकपिन्स सुझाव बिःगु दु। बर्डफ्लु चखू वखूपाखे मनू तयेत सरुवा रोग जुइगुलि विशेष सतर्कता अपने यायेत धाःगु दु ।

वरिष्ठ छाती रोग विशेषज्ञं पन्छीपिन्त ला नये वलय् बर्डफ्लुया भाइरस पाखे सरे जुइगु  जोखिम जुगुलि ला बालक्क बूका जक नयेत धााःगु दु । चिकित्सकपिनिगु कथं बर्डफ्लुया भाइरस ७२ डिग्री सेल्सियस तापक्रममा सीइगु अध्ययनपाखे खने दु । उकि ७२ डिग्री सेल्सियस स्वया अप्वो तापक्रमय् दयेका नयेगु यासा बालाइ धका धाःगु दु । बर्डफ्लुया संक्रमण जुलकि निमोनिया व सेँय्खः चाइगु लक्षण खनेदइ ।

चिकूया इलय् थुकिइ अझ असर जुइगुलि पन्छी व पन्छीजन्य पदार्थया सम्पर्कय् मवनेत व सूचु पिचू यायेत अप्वो ध्यान बिइत चिकित्सकपिन्स सुझाव बिःगु दु। बर्डफ्लु खा, ह्य, टर्की, झंगः लगायत पाखे थुगु सरुवा रोग सरे जुइगु खः । थ्व याकनं फैलं जुइगु व ज्यान तक काये यः। बर्डफ्लुया भाइरस लाः, पाः, न्हिइ, इ, दाना, खेँ, खेँया क्रेट, दाना तइगु बोरा लगायतया सम्पर्कपाखे सरे जुइ। येँया तारकेश्वर नगरपालिका–७ य् किसानपिन्स लहिना तःपि खा व टर्कीपयात बर्डफ्लुया संक्रमण पुष्टि जुगुलि निद्धल् खा व टर्कीयात नष्ट याःगु दु।

थ्व स्वया न्ह्यः छिमेकी देय्  भारतय् बर्डफ्लु खनेदुगुलि सीमा क्षेत्रय् कडा याःगु दु। पशु सेवा विभागं भारतपाखे पन्छीजन्य वस्तुया आयातय् प्रतिबन्ध तये धुकुगु दु।

येँ थौं सुथसिया न्यूनतम तापक्रम १ दशमलव ८ डिग्री सेल्सियस मापन जूगु दु ।

हिगः येँ  न्यूनतम निगु दशमलव ७ डिग्री सेल्सियस मापन जूगु खः । चान्ह्यया इलय् आकाश खुल्ला जूगुलि न्यूनतम तापक्रम घटे जूगु खः ।

वाः मवतले मौसम थथे हे जूइ धका पूर्वानुमान याःगु दु। आः देय् या थीथी थासय् खस्सु व सुपाँय् भुना च्वंगुलि थथे जुगु खः ।

यल महानगरपालिका–१६ या ग्वसालय् व अरनिको समाजया ग्वाहालिं थौं शनिवाः मंगलबजारय् निःशुल्क स्वास्थ्य शिविरय् १५०म्हे सिया उपचार याःगु दु ।

उगु शिविर प्रत्येक वापतिइ खुकः तक चले जुइ । थौंं शनिवाः नशा तथा हाडजोर्नीया उपचार जुगु दु। मेगु वाःया शनिवाः यलया बुबहालय् मुटुरोग, फागुन १ बालिफल त्वालय् मचा व छ्यगु, फागुन ८ नागबहालय् मिसा ल्वय्, १५ गते दौबहालय् प्वाः व स्येँे, २२ गते मंगलबजारय् नशा, युरोलोजी, चिनि ल्वय् जनरल सम्बन्धि चेकचा“च यायेगु धका यल १६ वडां धाःगु दु ।

शिविरय् स्वास्थ्य जा“च न्युरो मेडिसिन डा.सर्वोत्तम श्रेष्ठ, प्वा व स्येँ नाप जनरल मेडिसन डा.कृष्णगोपाल महर्जन व डा.सुशील प्रजापति, बालरोग सम्बन्धि डा.दिपक राजभण्डारी, मुधमेह डा.मनिलरत्न बज्रचार्य लगायत नाप १३ म्ह डाक्टरया टोली दु ।

यल महानगर–१६ वडाध्यक्ष निर्मलरत्न शाक्यं वडास्तरय् स्वास्थ्य सेवाय् पहु“च विस्तार यायेगु लक्ष्य कथं शिविरया ग्वसाः ग्वःयागु धका लहनान्युजयात धाःगु दु । ‘शिविरं असहाय व ज्येथा ज्यथीपिन्त ग्वहालि यायेगु कथं जुगु ’ धका वयकलं धयादीगु खः।

शिविरय् निःशुल्क वासः बिःगु खः। वडां थ्व स्वया न्ह्यन आयुर्वेदिक स्वास्थ्य शिविर सञ्चालन याये धुकुगु दु।

येँ महानगरपालिकाया मेयर विद्यासुन्दर शाक्यं कमलपूखु पुनर्निर्माणया झ्वलय् राजनीति हावी जूगु धका धयादीगु दु।

थौं नेवाः राष्ट्रिय पत्रकार दबू येँ जिल्ला शाखाया ज्याकू उलेज्या ज्या झ्वलय् मेयर शाक्यं विघटित संसदया सांसद गगन थापा लगायत स्थानीय जनता नाप पटक–पटक सहलह याना डिजाइन लिपा कमलपूखु पुनर्निर्माणया ज्या न्ह्याकागु धका धयादीगु खः। पुनर्निर्माणया यक्को ज्या क्वचाये त्यःगु इलय् म्वाः मदुगु बखेडा पिकाना राजनीति यायेगु ज्या जुगु दु धका धयादीगु दु । ‘गगन थापापिन्त कमलपूखुलि छठ पूखु दयके चाहे जू, जिं सांस्कृतिक पूखु दयेकेगु चाहे जुया,’ मेयर शाक्यं धयादीगु दु, ‘येँ महानगरं याये त्यनागु विकासया ज्याय् राजनीतिक स्वार्थ तया पंगः थनेयेगु ज्यां समस्या जुगु धका धयादीसे उमिस अथे याये चाहे जुगु खः ।’

शाक्यं कमलपूखुलि विघटित संसदया सांसद गगन थापां गुलि खर्च यानागु दु धका विवरण फ्वनागु धका पौ छ्वयागु दु न धयादीगु खः । ‘वयकलं विवरण बिइ मफुतकि रकम हिनामिना जुगु ठहरे जुइ,’ शाक्यं धयादीगु दु, ‘बयकलं थःम्हेसिया जितः पौ च्वया जितः कमलपूखु सांसद कोषपाखे करोडौं रकम खर्च याये धुकगु दु धक जानकारी बिःगु कारण वयकःयात लिखित पौं हे छ्वया गुलिे खर्च याये धुकगु दु धका विवरण फ्वनागु धका धयादीगु खः।’ थापां पटक–पटकया सहलह लिपा सांसद विकास कोष व निजी स्रोतपाखे तारवार लगायतया ज्या यानागु दु धका धाःगु  शाक्यं जानकारी बियादीगु खः। ‘थापापाखे विवरण वये धुका सूना कमलपूखुया त्वाथलय् न्हापा हे सिमेन्ट छ्यःगु धका प्रष्ट जुइ धका धयादीगु खः’ । मेयर शाक्य सम्पदाप्रेमीयात न राजनीति आग्रह–पूर्वाग्रह कया आन्दोलन मयात सुझाव बियादीगु खः ।

‘पुरातात्विक व धार्मिक महत्वया स्मारकय् संरक्षण यायेत महानगरपालिका न्ह्यावलय् तयार दु । जिं वयकःपिन्त थुगु अभियानय् ग्वाहालि यायेत इनाप याये । तर, सम्पदाप्रेमिया आवरण न्यया राजनीति मयायेत वयकल सुझाव बिःगु दु।’ लानिपूखु पुनर्निर्माणया झ्वलय् सम्पदाप्रेमी धइपिन्स महानगपालिकायात बदनाम यायेत म्वा मदुगु आरोप बिइगु कुतः जुगु दु धका वयकलं धयादीगु दु। ‘लानि पूखु चाःहू वइपिन्त अन सिथय् चःबि दयेके धइ वयलय् जि लानि पूखु मिया नइन धइगु आरोप बिइगु ज्या जुल आः शान्तिबाटिकाया सिथय् चःबि दुगु उमिस छाय् मखन? वयकल धयादीगु दु, ‘उगु चःबि सूना दयकल, सुना तय्के बिल, ठेक्का सूना बिल, अनया ध्यवा गन न वनिइ ? उकियात मालिइगु ज्या याये मा कि म्वाः?

थौं जुगु उगु ज्या झ्वलय् येँ कचाया अधक्ष्य अरबिन्द्रमान सिंया सभाधक्ष्यताय् जुगुलि केन्द्रया अधक्ष्य सुरजबिर बज्राचार्य, येँ कचाःया उपाधक्ष्य प्रबिन प्रजापति, सचिव रत्न काजी मन नाप ज्याझ्वःया कजि मनोजरत्न शाही न थःथःगु खँ तयादीगु खः।