लुँया भाः थौं मङ्गलवाः तोलां च्यासः तका क्वहावःगु दु।

म्हिगः सोमवाः न्ह्यसः क्वहावःगु खः। थौं तोला च्यासः क्वहावया ९४१०० तका थ्यःगु दु धका नेपाल सुन चाँदी व्यवसायी महासङ्घं धाःगु दु।

अथेहे हे वहः तोला न झीन्यातका क्वहा वःगु दु।

थौं वहः तोलां झीन्यातका क्वहा वया १३०० तका थ्यःगु दु ।

सञ्चार तथा सूचना प्रविधिमन्त्री पार्वत गुरुङं प्रेस काउन्सिल नेपाल न प्रकाशन याःगु थीथी भाषाय् आचारसंहिता पत्रकारपिन्त जक मखु नागरिकयात तक सजग जुइ धका धयादीगु खः ।

सोमवाः प्रेस काउन्सिल नेपालया प्रकाशनय् शैली पुस्तिका, आचारसंहिता (मैथिली व नेपालभाषा) नाप नेपाली मैथिली छापा पत्रकारिताया इतिहास सफू सार्वजनिक यानादीसे मन्त्री गुरुङं आम नागरिकपिनिगु मातृभाषाय् न आचारसंहिता अध्ययन याये दइगु थुकिइ यक्को प्रभावकारिता अप्वइ धका धयादीगु खः । काउन्सिलं नेपाली व अङ्ग्रेजी भाषांप्रकाशन याना वयाच्वंगु आचारसंहिता मैथिली व नेपालभाषाय् तक अनुवाद याना प्रकाशन याये धुक्गु दु।

अथेहे मन्त्री गुरुङं नेपालय् मैथिली पत्रकारिताया इतिहास मालेगु ज्या न्हापा जुगु धका धयादीसे नेपालीइ मैथिली छापा पत्रकारिताया इतिहास ऐतिहासिक सफू जुगु धका धयादीगु खः। वयकलं थुगु सफूतिइ पत्रकार जक मखु आमनागरिक व भावि पुस्तायात तक इतिहास थुइकेगु लागि अपुइ धका न धयादीगु खः।

प्रेस काउन्सिल नेपालया कार्यवाहक अध्यक्ष गोपाल बुढाथोकीें प्रेस काउन्सिल नेपालं प्रेस काउन्सिल ऐन, २०४८ या दफा ५ व ७ कथं आमसञ्चार माध्यमपिन्त आचारसंहिता निमार्ण यासे अनुगमन यानावयाच्वनागु दु धका धयादीगु खः । वयकलं ‘स्वस्थ, स्वच्छ, स्वतन्त्र, मर्यादित पत्रकारिता मैत्रि प्रेस काउन्सिल नेपाल’ या नारा कथं पत्रकारिता जगतयात मर्यादित दयेकेगु व मिडियायात हाकू धलखय् मलाइगु कथं काउन्सिल प्रयत्नशील जुगु धका धयादीगु खः ।

कार्यवाहक अध्यक्ष बुढाथोकीं भाषाशैलीइ एकरुपता मजुया छगु हे संस्थाय् थीथी प्रकाशनय् फरक फरक भाषाशैलीया प्रयोग जूइगु व थुकिइ संस्थागत गरिमायात हे कमजोर दयेकिइ जुगुलि काउन्सिलं शैलीपुस्तिका प्रकाशन याना कार्यान्वयनय् हयागु धका धयादीगु खः। नेपाल पत्रकार महासङ्घया अध्यक्ष गोविन्द आचार्य काउन्सिल नं भाषाय् एकरुपता हयेगु निति शैली पुस्तिकाया प्रकाशन याःगु चर्चा यानादीगु खः।

ज्याझ्वलय् नेपालीइ मैथिली छापा पत्रकारिताया इतिहास सफूया च्वमि व आचारसंहिता मैथिली भाषा अनुवादक वरिष्ठ पत्रकार धर्मेन्द्र झा न मैथिली पत्रकारिताया इतिहास सफू काउन्सिल न ऐतिहासिक प्रकाशन जुगु धका धयादीसे सन्दर्भ व इतिहास मालेगु झ्वलय् गुलि पत्रपत्रिकाया जानकारी हे कायेत मुस्किल जूगु धका धयादीगु खः।

वयकलं नेपालया पत्रकारिता इतिहास आः मैथिली भाषा पत्रकारिताया शोधपत्र च्वयेगु सुरुवात जुइ लँ चाःगु धका धयादीगु खः। अथेहे आचारसंहिता नेपालभाषाया अनुवादक, पत्रकार सुरेश मानन्धर न मातृभाषाय् आचारसंहिता वःगु वालागु पक्ष खः धयादीसे सम्बन्धित भाषाया लागि आचार संहिताया पालना व कार्यान्वयन अझ बालाक प्रभावकारी जुइ विस्वास यानादीगु खः ।

उगु ज्याझ्वलय् भाषाविज्ञ सह–प्राध्यापक डा. धनप्रसाद सुवेदी, काउन्सिलया सदस्य दीपक पाण्डे, निर्वतमान सदस्य चेतनाथ धमला, नेपाल प्रेस इन्स्टिच्युटया पूर्व अध्यक्ष तीर्थ कोईराला, सूचना तथा प्रसारण विभागका निमित्त महानिर्देशक ईश्वरराज दाहालपिनिगु न उपस्थिति दुगु खः। उगु ज्याझ्वः सहजीकरण काउन्सिलया वरिष्ठ प्रशासकीय अधिकृत दीपक खनाल यानादीगु खः ।

नेपाल पत्रकार महासंघया संस्थापक अध्यक्ष सत्यनारायण बहादुर श्रेष्ठया १०५ क्वःगु बुदिं हःगु दु । उगु ज्याझ्वलय् सञ्चार तथा सूचना प्रविधि मन्त्री पार्वत गुरुङं श्रेष्ठया झ्वाताय् माल्यार्पण यानादीगु दु।

सञ्चार मन्त्री गुरुङ नाप नेवाः पत्रकार राष्ट्रिय दबुया पदाधिकारी पिन्स झ्वाताय् माल्यार्पण स्वां देछानादीगु खः ।

उगु ज्याझ्वलय् दबूया अध्यक्ष सुरजवीर वज्राचार्य न श्रेष्ठयात नेपाल पत्रकार महासंघया संस्थापक अध्यक्ष याःगु पहिचान बिइमाः धइगु ध्यानाकर्षण पत्र सञ्चारमन्त्री गुरुङयात लल्हानादीगु खः।

ज्याझ्वलय् सञ्चार मन्त्री गुरुङं पत्रकार महासंघया अध्यक्ष विवाद बारेय् थःगु  ध्यानाकर्षण जुगु धका धयादीसे थुकिया लागि सरोकारवाला नाप सहलहयाना विवाद टुङ्गय् यायेगु जुइ धका धयादीगु खः। उगु ज्याझ्वलय् नेपाल पत्रकार महासंघया उपाध्यक्ष दिलिप थापा मगरं दस्तावेज, प्रमाण दुगु अवस्थाय् महासंघ न श्रेष्ठया योगदानयाःगु कदर याइगु विश्वास प्वकादीगु खः।

मधेसी पत्रकार समाजया अध्यक्ष मोहन सिहं न थुकिया विषय सकस्यूगु खःसा गन न सम्बोधन यानाच्वंगु मदु धका धयादीगु खः। ज्याझ्वलय् दबूया यल शाखाया कोषाध्यक्ष सुनील वज्राचार्य न सुभाय् बियादीगु खः।

नेवाः न्ह्यलुवा जितेन्द्रबिलास बज्राचार्य छेँय् मर्मत यायेगु झ्वलय् घाःपा जूगु दु ।

बज्राचार्यया छेँय् मर्मत यायेगु झ्वलय् म्हिगः शनिवः तुतिइ घाःपाः जुगु खः।

थौं वयकःया शल्यक्रिया यलय् च्वंगु बि एण्ड बि अस्पतालय् सफल अपरेसन सुथय् ११ बजे जुगु खः।

आः वयकःयात अस्पतालय् स्वन्हुुति तया छेँ छ्वइ धका धयादीगु दु। 

वःगु २४ घण्टाय् जक येँ २०७म्हेसित कोरोना सक्रमित जूगु दु ।

अथेहे ख्वपय् २२म्ह व यलय् ४९ म्हेसित कोरोना संक्रमित जूगु दु ।