Display Style:
Column Style
सिरहाया लहानय् रामकुमार अस्पताल आकस्मिक बाहेक सेवा बन्द
लहानान्युज | अनलागा ११ ११४०,असोज २७ मंगलवाः
छम्ह चिकित्सकयात कोरोना सङ्क्रमण पुष्टि जुइवं सिरहाया लहानय् रामकुमार उमाप्रसाद स्मारक अस्पताल आकस्मिक बाहेक दक्को सेवा बन्द याःगु दु।
अस्पताल प्रशासनं छगु सूचं पिथना आकस्मिक सेवा १२ घण्टाया लागि व आकस्मिक बाहेकया दक्को सेवा मेगु सूचं मवःतले बन्द याःगु दु।
अस्पतालया आकस्मिक सेवा निर्मलीकरण याना सेवा सञ्चालन यायेगु धको सूचं पिथःगु खः।
अस्पतालया मेमेपि कर्मचारीपिन्त तक कोरोना सङ्क्रमणया लक्षण खनेदुगुलि पिसीआर रिपोर्ट मवतले अस्पतालया आकस्मिक सेवा बाहेक मेमेगु सेवा मेगु सूचं मवतलेया लागि बन्द जुइ धका अस्पतालया प्रमुखंं जानकारी बिःगु दु।
मोहनि स्वन्तिइ स्वनिगः दुहा वयेगु नाका बन्द यायेत सरकारयात सुझाव
लहानान्युज | अनलागा ११ ११४०,असोज २७ मंगलवाः
मोहनि स्वन्तिया इलय् स्वनिगः दुहा वयेगु नाका बन्द यायेत सरकारयात संसदीय उपसमितिं सुझाव बिःगु दु।
प्रतिनिधि सभाया शिक्षा तथा स्वास्थ्य समिति अन्तर्गतया ‘कोभिड १९ नियन्त्रणय् सरकारं याइगु ज्याया अनुगमन उपसमिति’ नं स्वनिगलय् दुहा वयेगु नाका सिल मयासा कोरोना भाइरस (कोभिड–१९) या महामारी थप भयावह जुइगु चेतावनी बिःगु दु।
सोमवाः शिक्षा तथा स्वास्थ्य समितिया बैठकय् उपसमितिं याःगु अध्ययन व अनुगमनया निष्कर्ष व सुझाव न्यकादिसे संयोजक जीवनराम श्रेष्ठं अथे धयादिगु खः।
संयोजक सांसद श्रेष्ठं ‘स्वनिगः हटस्पट जुइ धुकुगु दु। थुकिया नियन्त्रण यायेत आः स्वनिगलय् संक्रमित पिहा मवनेगु ध्यान बिइमाः। स्वनिगलय् पिहा वनेगु इलय पिन जिल्लाय् भयावह जुइफु उकि मोहनि स्वन्तिया दथुइ स्वनिगःया बोर्डर सिल यायेमा धका धयादिगु दु। स्वनिगलय् दुहा वनेगु व पिहावनेगु बन्द यायेत सुझाव बिःगु दु।’
संयोजक श्रेष्ठं स्वनिगः पिने कोरोना महामारीपाखे बचे जुइगुसतर्कता अपने मयागु व अप्वो हेलचेक्र्याईं याःगु दु धका धयादिगुु दु।
वयकलं स्वनिगः पिने कोभिड प्रभाव मजुगु थे खनेदुुगु दु। ज्या जुया च्वंगु दु। सरकारी कार्यालयय् भीड उलि हे दु। थ्व कदम गम्भीर विषय खः धका श्रेष्ठं धयालिसे, ‘१० प्रतिशत मनू तयेस जक मास्क छ्यलिगु याः धका धयादिगु खः खः।’
संयोजक श्रेष्ठं संघीय सरकारं लक्षण खनमदुपिन्त पीसीआर परीक्षण मयागुलि प्रदेश व स्थानीय तह दथुइ असमझदारी खनेदुगु खः धका धयादिगु खः।
दाङया बबई गाउँपालिकाया अध्यक्ष भुवनेश्वर पौडेलयात कोरोना सङ्क्रमण पुष्टि
लहानान्युज | अनलागा ११ ११४०,असोज २७ मंगलवाः
दाङया बबई गाउँपालिकाया अध्यक्ष भुवनेश्वर पौडेलयात न कोरोना सङ्क्रमण पुष्टि जूगु दु।
सोमवाः राप्ती स्वास्थ्य विज्ञान प्रतिष्ठानय् स्वाब परीक्षण याःगु इलय् अध्यक्ष पौडेल नाप प्रमुख प्रशासकीय अधिकृत भीष्मकुमार मल्ल, इञ्जीनियर राजेश देवकोटा, गाउँपालिकाय् ज्यायाइपि स्वास्थ्यकर्मी सिद्धबहादुर केसी, बबई गाउँपालिका वडा नं २ या वडाध्यक्ष चिन्तामणि शर्मा नाप खुम्हेसित कोरोना सङ्क्रमण पुष्टि जूगु दु।
गाउँपालिकाया प्रेस संयोजकया कथं कोरोनाया लक्षण मिलेजुगुलि स्वाब परीक्षण याःगुलि सङ्क्रमण पुष्टि जुगु खः। आः अज्यागु लक्षण खने मदुगु न जानकारी बियादिगु दु।
उगु जिल्लाय् सोमवाः जक ४८ म्हेसित कोरोना सङ्क्रमण पुष्टि जुगु खः।
बर्दघाट नगरपालिकाया प्रमुख धीरज शर्मा बस्यालयात कोरोना सङ्क्रमण पुष्टि
लहानान्युज | अनलागा ११ ११४०,असोज २७ मंगलवाः
नवलपरासी (बर्दघाट सुस्तापश्चिम)या बर्दघाट नगरपालिकाया प्रमुख धीरज शर्मा बस्यालयात कोरोना सङ्क्रमण पुष्टि जूुगु दु।
नेशनल पथल्याब बुटवलय् सोमवाः याःगु पीसीआर परीक्षणय् वयात कोरोना सङ्क्रमण पुष्टि जूगु खः। सेँय्खं चायेःगु व ज्वरो वयेवं नगरप्रमुख बस्यालं सोमवाः स्वाब परीक्षण याःगु खः।
आः थःगु छेँय् होम आइसोलेसनमा च्वना च्वंगु दु। प्रमुख बस्यालं थःगु सम्पर्कय् दुपिन्त न सतर्क जुयाच्वने त इनाप यासे थः याकन हे कोरोना त्याका नागरिकपिनिगु सेवाय् लिहावये धका धयादिगु दु।
येँ महानगरं पशुपतिइ स्वगु शवदाह यन्त्र निर्माण दयेकेइगु : मेयर शाक्य
नृपेन्द्रलाल श्रेष्ठ | अनलागा १० ११४०,असोज २६ सोमवाः
येँ महानगरपालिकाया आर्थिक अनुदानं पशुपतिं स्वगु विद्युतीय शवदाह यन्त्र दयेकेइगु धका येँ महानगरपालिकाया मेयर बिद्यासुन्दर शाक्यं थौं वडा नम्बर–१४ या कुलेश्वर महाद्यःया थाय् ‘कुलेश्वर पार्क’या शिलान्यास यायेगु झ्वलय् थःथे धयादिगु खः। ‘येँ महानगरपालिका संम्पदा संरक्षण, पार्क व हरियाली प्रवद्र्धन नाप नाप पूर्वाधार निर्माण व सामाजिक ज्याझ्वलय् सक्रिय जुया ज्या याना वयागु धका शाक्य धयादिसे, ‘आः याकन हे येँ महानगरपालिकां करीब १५ करोेडया आर्थिक अनुदानं पशुपति क्षेत्रय् मेगु स्वगु विद्युतीय शवदाह यन्त्रया छखाः छेँ दयेकेगु ज्या जुई धका धयादिगु खः।’
मेयर शाक्यं छ्ु दिनिसे पशुपति क्षेत्र विकास कोष नाप सम्झौता याना निर्माण यायेगु ज्या जुइ धका जानकारी बियादिगु दु। ‘जिमिसं निगु स्वगु चरणया सहलह याये धुकगु दु धका धयादिसे, ‘आः सम्झौता याये जक ल्यःदनि धका धयादिगु दु । येँ महानगरपालिकां बजेट व नीति तथा कार्यक्रमय् तक पशुपतिइ विद्युतीय शवदाह यन्त्र व गृह निर्माण यायेगु ज्या न समावेश यानागु दु धका धयादिगु खः। अथेहे जिमिसं न्हापागु चरणय् पशुपतिइ थुुगु ज्या न्ह्याकेगु जुइ धका धयादिगु खः।’
पशुपति क्षेत्र विकास कोषया सदस्य सचिव प्रदीप ढकाल नं येँ महानगरपालिकां विद्युतीय शवदाह यन्त्र व गृह निर्माणया लागि याःगु पला सकारात्मक जुगु दु धका थगु प्रतिक्रिया बियादिगु खः।
येँ महानगरपालिका सहरी पूर्वाधार विकास विभागया प्रमुख राम थापां कोभिड–१९ या कारण सम्झौताय् छु भचा ढिलाई जुगु दु आः उगु दि लिपा हे सम्झौता यायेगु जुइ धका धयादिगु दु।
करीब ९ रोपनीइ पार्क निर्माण
संघीय सांसद कृष्णगोपाल श्रेष्ठ, प्रदेश सांसद डाक्टर अजयक्रान्ति शाक्य लगायत पिनिगु उपस्थितिइ थौं कुलेश्वर महाद्यःया थाय् मेयर शाक्यं उगु पार्कया शिलान्यास यानादिगु खः।
उगु पार्क करीब ९ रोपनी क्षेत्रफलय् निर्माण जुइ त्यःगु खः। पार्कया लागि करीब १ करोड २० लाखया लगानीइ निर्माण जुइ त्यःगु धका १४ वडाध्यक्ष सोभा सापकोटां जानकारी बियादिगु खः।
येँ महानगरपालिकां आर्थिक वर्ष २०७७÷०७८ या बजेटय् थुगु थाय् या सार्वजनिक जग्गा संरक्षण याना खुला क्षेत्रया रुपय् विकास यायेत २० लाख निसे ६ करोड तक स्वीगु स्वया अप्वो पार्क निर्माणया योजना न्ह्यने हःगु खः। उगु पार्क निर्माणया लागि जक महानगरपालिकां २७ करोड स्वया अप्वो बजेट विनियोजन अनलागा १० ११४०,असोज २६ सोमवाः
याःगु खः। ‘हरियाली प्रर्वद्धन यायेगु, सहरया सौदर्य दयेकेगु, पार्क निर्माण यायेगु महानगरपालिकाया नीति हे खः,’कुलेश्वर पार्कया शिलान्यास लिपा मेयर शाक्य धयादिगु खः, ‘जिमिसं खुला थाय् व सार्वजनिक जग्गा संरक्षण यायेगु, ऐतिहासिक एवं वातावरणीय दृष्टिं महत्वपूर्ण थाय् संरक्षण व सम्वद्र्धन यायेगु लगायतया ज्या यात प्राथमिकताय् तया न्ह्यने वनेइगु जुइ धका धयादिगु खः।
