Display Style:
Column Style
कार्तिक प्याखं क्वचाल
शोभा श्रेष्ठ | कछलाथ्व चतुर्दशी ११४१, मंसिर १४ आइतवाः
दँय् दँस कार्तिक शुक्लपक्ष त्रयोदशी तिथि निसे क्यने वयाच्वंगु कार्तिक प्याखं नृसिंह अवतार नृत्य मञ्चन यासे म्हिगः थुगु दँया ‘कार्तिक प्याखं ’ क्वचाःगु दु।
न्हापागु दँय् झीनिन्हु क्यना वयाच्वंगु खःसा थुगु दँय् विश्वव्यापी कोरोना महामारीया कारण थुगुसी शुक्रवाः व शनिवाः निन्हु क्यना क्वचाकूगु खः। विष्णुपुराणया आधारित बाखं कथं हिरण्यकशपुया बध यायेत अप्सरापिन्स नृसिंहया तं शान्त्त याःगु।
वया लिपा नृसिंहया पूजा यासे नृत्य समापन याःगु खः। अथेहे वःगु शुक्रवाः वराह नृत्य प्रदर्शन याःगु खः। कार्तिक नाच संरक्षणया लागि थुगु दँय् निसे अक्षयकोष स्थापना याःगु खः।
थुगु ऐतिहासिक नाप सांस्कृतिक सम्पदायात उचित संरक्षण व प्रवद्र्धन यायेत विसं २०७० निसे निन्हु थप यासे झीन्हु व वया लिपा मेगु निन्हु थप यासे झीनिन्हु क्यना वयाच्वंगु खः।
राजा श्रीनिवासया काय् योगनरेन्द्र मल्लं ‘उषाहरण’ व ‘माधवानल’ निगु लीला थपे याना कार्तिक ज्वःछि २७ दिं सञ्चालन याःगु खः। उकि १७ विधाया बाखं व नृत्य प्रदर्शन याइगु खः।
थुगु पटक १८ दँया मस्त व ६० दँया वृद्धपिन्त कोरोनाया अप्वो जुइ फुगुलि कलाकारया रुपय् छनोट मया।
चीनया रक्षामन्त्री वेइ छन्हुया नेपाल भ्रमण
लहानान्युज | कछलाथ्व चतुर्दशी ११४१, मंसिर १४ आइतवाः
चीनया राज्यपरिषद् सदस्य नाप रक्षामन्त्री वेइ फेङ्हो नेपाल छन्हुया भ्रमणका यायेगु लागि थौं येँ वये त्यःगु दु।
भ्रमणया झ्वलय् राष्ट्रपति विद्यादेवी भण्डारी, प्रधानमन्त्री केपी शर्मा ओली नाप शिष्टाचार भेट यायेगु ज्याझ्वः दु।
अथेहे चिनियाँ रक्षामन्त्रीं प्रधानसेनापति पूर्णचन्द्र थापा नाप भेटवार्ता यायेगु ज्याझ्वः दुगु धका परराष्ट्र मन्त्रालयं धाःगु दु।
रक्षामन्त्री वेइ थौं हे लिहाँ वनिइगु ज्याझ्वः दु।
महासंघया वरिष्ठ उपाध्यक्ष व्यवसायी चन्द्र ढकाल
शोभा श्रेष्ठ | कछलाथ्व चतुर्दशी ११४१, मंसिर १४ आइतवाः
उद्योग वाणिज्य महासंघया वरिष्ठ उपाध्यक्षय् व्यवसायी चन्द्र ढकाल त्याःगु दु।
महासंघको ५४ क्वःगु वार्षिक साधारणसभा शनिवाः जूगु निर्वाचनय् निकटतम प्रतिद्वन्द्वी किशोर प्रधानयात पराजित यासे ढकाल महासंघया वरिष्ठ उपाध्यक्ष जूगु खः।
वस्तुगत तर्फय् उपाध्यक्षय् अन्जन श्रेष्ठ व जिल्ला नगरय् उपाध्यक्ष दिनेश श्रेष्ठ व एसोसियटतर्फ उपाध्यक्षय् रामचन्द्र संघाई निर्वाचित जूगु दु।
महासंघया जिल्ला नगरय् मत ५० प्रतिशत हिस्सा दु। ढकाल समूहया कुल १०५ मत क्वहा वःगुलि ढकालं ५२ व प्रधानं ५३ मत काःगु खः।
अथेहे ३० प्रतिशत हिस्सा दुगु एसोसियटय् ८९७ सदर मतमध्ये ढकालं ५२२ व प्रधान ३७५ मत काःगु खः।
अथेहे ६० म्ह कार्यकारणी सदस्य निर्वाचित जूगु दु। महासंघं न्हुगु नेतृत्वया लागि शनिवाः मतदान जूगुलि थौं आइतवाः तक दक्को नतिजा घोषणा तक वइ।
महासंघया विधान कथं वरिष्ठ उपाध्यक्ष हे स्वतः अध्यक्ष जुइगु प्रावधान दु ।
५१५ म्ह कोरोनामुक्त, १९ म्ह मन्त
शोभा श्रेष्ठ | कछलाथ्व चतुर्दशी ११४१, मंसिर १३ शनिवाः
मन्त्रालयया कथं २४ घन्टाया दुने ५१५ म्ह कोरोनामुक्तपि डिस्चार्ज जूया छेँय् लिहा वःगु दु।
अथेहे सक्रिय संक्रमितपि १८ हजार ८३ म्ह दु।
अथेतु वःगु २४ घन्टाया दुने नेपालय् थप १९ म्ह कोरोना संक्रमणपि सीगु दु धका मन्त्रालयं धाःगु दु।
थ्व नाप आःतक कोरोना संक्रमणं सीपि १४५४ म्ह थ्यःगु दु।
नेपालय् १३८०म्हेसित कोरोना सक्रमण
शोभा श्रेष्ठ | कछलाथ्व चतुर्दशी ११४१, मंसिर १३ शनिवाः
देय् यकं वःगु २४ घण्टाया दुने थप १ हजार ३८० म्हेसित कोरोना संक्रमण पुष्टि जूगु दु।
वःगु २४ घन्टाय् थीथी प्रयोगशालाय् याःगु परीक्षणय् ५४६ म्ह मिसा व ८३४ म्ह मिजंपि याना १ हजार ३८० म्हेसित कोरोना संक्रमित थपे जूग दु धका स्वास्थ्य तथा जनसंख्या मन्त्रालयं धाःगु दु।
थ्व नाप नेपालय् संक्रमितपि २ लाख ३० हजार ७२३ म्ह थ्यःगु दु। २४ घण्टाय् ९ हजार ३६८ म्हेसिगु पीसीआर परीक्षण याःगु खः।
