वःगु २४ घन्टाया दुने कोरोनामुक्त १२३६ म्ह डिस्चार्ज जुया छेँय् लिहावःगु दु।

थ्व नाप नेपाल आःतक कोरोनामुक्त जूपि १ लाख ९ हजार ४३५ म्ह थ्यःगु दु। अथेहे नेपालय् सक्रिय संक्रमितपि १७ हजार २३७ म्ह थ्यःगु दु।

अथेहे २४ घन्टाया दुने नेपालय् थप २३ म्ह कोरोना संक्रमण सीगु दु धका स्वास्थ्य तथा जनसंख्या मन्त्रालयं धाःगु दु।

थ्व नाप नेपाल आःतक कोरोना संक्रमणं सीपि १४३५ म्ह थ्यःगु दु धका धाःगु दु। 

वःगु २४ घण्टाया दुने स्वनिगलय् ८२२ म्हेसित कोरोना संक्रमितपि थपे जुगु दु।

स्वास्थ्य तथा जनसंख्या मन्त्रालयया कथं बुधवाः जक संक्रमित जूपि ३७९ म्ह मिसापि  व ४४३ म्ह मिजंपि खः।

मन्त्रालयया बिःगु जानकारी ५९९म्ह येँ जक सक्रमित जूगु दु ।

अथेहे ख्वपय् ६३ म्ह यलय् १६० म्हेसित कोरोना संक्रमित थपे जूगु दु। वःगु २४ घन्टाय्  नेपालयकं थप १७०३ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।