कोरोना भाइरस संक्रमित जूया राष्ट्रिय योजना आयोगया पूर्वउपाध्यक्ष डा. रवीन्द्रकुमार शाक्य मन्त ।

मदुम्ह शाक्य नेपाल मेडिसिटी अस्पतालय् उपचारया झ्वलय् बिहीवाः सुथसिया ४ बजे मदुगु खः।

वयकः २०७० य् योजना आयोगया उपाध्यक्ष जुयादीगु खः।

दि शाक्य फाउन्डेसन नेपालया संस्थापक तक जुयादीम्ह खः।

ज्याथा पञ्चदान गुथि प्रजापति खलःया द्यःछेँ छगु ज्याझ्वः दथुइ येँ महानगरपालिकाया मेयर बिद्यासुन्दर शाक्यं द्यःया जग स्वनादिगु दु।

उगु ज्याझ्वलय् थःगु खँ तयादीसे येँ महानगरया मेयर झी नेवाःत बिधिता दुने एकता दुपि खः। झीगु नेवाः तयेगु तजिलजि पहिचान ल्यकेत झी हे न्ह्यचिगिु कथं नेवाः तयेगु द्यः छेँ आगःछेँ नाप बिहार दयेकेगु ज्याय् महानगर न्ह्यचिला च्वनागु दु।झीगु पुर्खा तयेस दयके तःगु सम्पदा संरक्षण यायेमाः धका धयादिगु खः। 

ज्याझ्वः प्रजापति खलःया नायः धनबहादुर प्रजापतिया सभाध्यक्षताय् जूगुलि येँ महानगर २५ वडा अध्यक्ष नीककाजी शाक्य, कार्यपालिका सदस्या रमिता तुलाधरपिनिगु न उपस्थिति दुगु खः।

उगु द्यःछेँ ६ आना जग्गाय् करिब ५ करोडया लागतं दच्छिया दुने निर्माण सम्पन्न यायेगु ग्वसाः याना तःगु दु। 

वःगु २४ घण्टाया दुने ३ हजार १४० कोरोनामुक्त जुया छेँय् लिहावःगु दु।

अथेहे थ्व नाप नेपालय् कोरोनामुक्त जुया छेँय् लिहावःपि २ लाख ७ हजार ९९८ म्ह थ्यःगु दु।

अथेहे २४ घण्टाया दुने कोरोना संक्रमणपाखे २८म्ह सीगु दु।

थ्व नाप नेपालय् सीपि १ हजार ३८९ म्ह थ्यःगु दु। 

वःगु २४ घण्टाया दुने बुधवाः थप १ हजार ९४८ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।

थ्व नाप नेपालय् कोरोना संक्रमितपि २ लाख २६ हजार २६म्ह थ्यःगु दु। 

मन्त्रालयया कथं आःतक पीसीआर विधिपाखे १६ लाख ९० हजार ५०९म्हेसिगु परीक्षण याःगु खः।

२४ घण्टाय् जम्मा ९ हजार २१० म्हेसिगु पीसीआर परीक्षण याःगु खः।

स्वनिगलय् ८३५ म्हेसित कोरोना संक्रमित पुष्टि जूगु दु।

स्वास्थ्य तथा जनसंख्या मन्त्रालयया कथं बिःगु जानकारी कथं संक्रमित जूपि ३५० म्ह मिसापि व ४८५ म्ह मिजंपि खः।

मन्त्रालयया कथं थौं येँ जक ६३५म्हेसित कोरोना सक्रमण जूगु दु।

अथेहे ख्वपय् ८७ म्ह व यलय् ११३ म्हेसित कोरोना सक्रमण जूगु दु।

देय् यकं बुधबार संक्रमित पुष्टि जूपि १ हजार ९४८ म्हेसित कोरोना सक्रमित जुगु दु।