येँं महानगरपालिकाया मेयर विद्यासुन्दर शाक्यं राष्ट्रिय विभूति शंखधर साख्वाःया झ्वाता तयेगु उपयुक्त थाय् उपलब्ध दुसा अन महानगरपालिकापाखे मेगु तधःगु झ्वाता स्थापना यायेगु बचं बियादिगु दु।

येँया पुलागु रत्नपार्कया नां हिला शंखधर पार्क नामाकरण यानागु व अन शंखधर साख्वाःया झ्वाता स्थापना यानागु बारे वयाच्वंगु टिकाटिप्पणीप्रति लक्षित यासे अथे धयादिगु खः।  राष्ट्रिय विभूति शंखधर साख्वाः दिवसया लसताय् थौं मंगलवाः येँया १५ वडाय् लखुतीर्थय् ग्वसाः ग्वःगु ज्याझ्वलय्  सम्बोधन यासे मेयर शाक्य अथे धयादिगु खः।

वयकलं, ‘नेपाल संवतया प्रवर्तक शंखधर साख्वाःया योगदानयात चिरस्मरणीय दयेकेत येँ महानगरपालिकां वःगु शनिवाः शंखधर उद्यानय् शंखधर साख्वाःया सालिक स्थापना याःगु खः। अन सालिक तयेगु छु खँ पिहावःगु खः। शंखधर साख्वाःया सालिक अन मतस्ये मेगु थासय् तःसा बालाइगु सुझाव न वःगु दु।

यदि गनं अज्यागु थाय् दु सा जिमित धयादिसँ, जिमिसं आःसिया बालागु भव्य शंखधर साख्वाःया झ्वाता स्थापना याये।’ किंवदन्ती कथं शंखधर साख्वाःनं लखुतीर्थ हःगु फि लुय्ँ परिणत जूगु व लुँ मिया वःगु ध्यवाः ऋणय् डुबे जुपि तत्कालीन नेपाःया जनता पिनिगु ऋणमुक्त यासे न्हुगु युग शुरु जूगु संकेत स्वरुप नेपाल संवत् स्थापना यानादिगु खः।

शंखधरनाप जोडे जुगु उगु लखुतीर्थयात आः येँ महानगरपालिकां पुनर्निर्माण यासे धार्मिक पार्कया रूपं विकास यायेत्यःगु खः। मेयर शाक्यं उगु पार्क निर्माण यासे शंखधर साख्वाःया गरिमा अझ अप्वो जुइ धका धयादीगु खः।

नेपाल संवत् न्हूदँ राष्ट्रिय समारोह समिति–११४१ पाखे ग्वसाः ग्वःगु ज्याझ्वलय् समितिया अध्यक्ष रमेश महर्जनं सकसिगु नेपाल संवतयात राष्ट्रिय मान्यता बिइकेत सफलता प्राप्त यायेत अपुगु धका धयादीगु दु।

कक्षा १२ या परीक्षा थौनिसे सुरू जुगु दु।

कोरोना महामारीया कारण ताः ईनिसे रोके जुयाच्वःगु परीक्षा थौं निसे सुरू जुगु दु।

राष्ट्रिय परीक्षा बोर्डया कथं थौंनिसे शुरु जुग परिक्षाय् ४ लाख ३२ हजार ५ सय विद्यार्थीपिन्स ब्बति काःगु दु। ४० नम्बरया पूर्णांकया लागि जुगु परीक्षाय् सुथसिया ८ बजेनिसे सुरु जुगु खः।

 उगु परिक्षा १ः३० मिनेत तका न्ह्याःगु खः। थप ४० नम्बर कक्षा ११ व २० नम्बर कक्षा १२ या आन्तरिक मूल्याङ्कनयासे जोडे याइ। थुगु पटक विद्यार्थीपिन्स थःपिन्स ब्बःगु ब्बनेकुथिइ हे परीक्षा बिइ खःगु दु।

अथेहे गां गामया विद्यार्थीपिन्स थःत पायक जूगु थासं परीक्षा केन्द्रपाखे हे परीक्षा बिइगु ब्यवस्था मिले याःगु दु। दक्को परीक्षा केन्द्रय् स्वास्थ्य मापदण्ड पालना यासे परीक्षा तयारी याःगु दु।

हेल्थ डेस्क तया सामाजिक दूरी कायम यासे, थर्मल गनं विद्यार्थीपिनिगु ज्वरो नापे यासे परीक्षार्थीपिन्त परीक्षा हलय् प्रवेश याकुगु खः। 

नेपालभाषा लिसें नेवाः संकिपाख्यःया नांजाम्ह कलाकार नाप निर्देशक सुरेन्द्र तुलाधरया मां शारदा देवी तुलाधर थौं सुथसिया १ वजे मन्त।

वयक ८७ दँ दुम्ह थौं छेय् हे मदुगु खः।

मदुम्हेसिया अन्तिम संस्कार थौं शोभाभगवतीया कर्णद्धीपय् यायेत्यःगु दु।

प्रहरी वरिष्ठ उपरीक्षक किरण बज्राचार्यं सोमबाः महानगरीय प्रहरी परिसर यलया प्रमुख कथं जिम्मेवारी न्ह्याकादीगु दु ।

परिसरया निर्वतमान प्रमुख प्रहरी वरिष्ठ उपरीक्षक टेकप्रसाद राईं जिम्मेवारी लःल्हासें बज्राचार्ययात यल जिल्लाया शान्ति सुरक्षा, अपराधया स्थिति व जिल्लाको वस्तुस्थितिबारे सामान्य जानकारी बियाादीगु खः ।

व झ्वलय् वरिष्ठ उपरीक्षक टेकप्रसाद राईं थःगु साथ व ग्वाहालि न्ह्याबलें दयाच्वनीगु नं धयादिल ।

१५ ला प्रहरी प्रमुखया रुपं ज्या यानादीम्ह प्रहरी वरिष्ठ उपरीक्षक राईया गृह मन्त्रालयया मंसिर ५ गतेया निर्णय कथं प्रहरी प्रधान ज्याकू कर्मचारी प्रशासन शाखाय् सरुवा जूगु खः ।

परिसरय् ग्वसाः ग्वःगु समारोहया दथुइ राईयात बिदाई लिसें बज्राचार्ययात स्वागत याःगु खः ।

प्रहरी वरिष्ठ उपरीक्षक बज्राचार्यं जिम्मेवारी कायेधुंकाः नेपाल परम्परागत बौद्ध धर्म संघया पदाधिकारीतय्सं बज्रयानी बौद्ध परम्परा कथं स्वस्ति वाचन याःगु खः ।

राष्ट्रिय युवा महासंघ यलया पदाधिकारीतलिसे खँल्हाबल्हा यासें प्रमुख बज्राचार्यं यलय् अपराध न्यूनीकरण, प्रहरी प्रशासनया जवाफदेहीता थकायेत समुदायलिसे जानाः ज्या यायेगु प्रतिबद्धता प्वंकादिल ।

अपराधया न्यूनीकरण, समुदायमैत्री प्रहरी प्रशासन, जनताया दथुइ प्रहरी प्रशासनप्रति विश्वास व शान्ति सुरक्षा सुदृढ दयेकेगु हे थःगु मू आज्जु जूइगु धासें बज्राचार्यं थुकिया लागिं दक्वं पक्षया साथ व ग्वाहालिया अपेक्षा यानादिल ।

नेपालय् कोरोनामुतm जुपि २ लाख २ हजार ६७ म्ह थ्यःगु दु।

अथेहे २४ घण्टाया दुने कोरोना संक्रमणं १६ म्ह थ्यःगु दु।

आःतक नेपालय् कोरोना संक्रमितपि २ लाख २२ हजार २८८ म्ह थ्यःगु दु।