Display Style:
Column Style
येँ ५७ म्ह व यलय् ५ म्ह कोरोना संक्रमण पुष्टि
गुंलागा २ ११४०,साउन २१ बुधवाः
थौं बुधवाः स्वनिगलय् ६२म्हेसित कोरोना संक्रमण पुष्टि जूगु दु ।
स्वास्थ्य तथा जनसंख्या मन्त्रालयया कथं येँ जिल्लाय् ५७ म्ह व यलय् न्याम्हेसित कोरोना संक्रमण पुष्टि जूगु दु ।
मन्त्रालयं संक्रमितपि गन च्वपि धका धाःगु मदु ।
कोरोना संक्रमणं येँ छम्ह मन्त
लहनान्युज | गुंलागा २ ११४०,साउन २१ बुधवाः
कोरोना भाइरस (कोभिड–१९) संक्रमणया कारण येँ छम्ह सीउगु दु ।
बलम्बुया सशस्त्र प्रहरी अस्पतालय् वासः याका वया च्वम्ह सर्लाही–६ मलंगवाया ६५ दँया छम्ह मिसा सीउगु दु ।
मनमोहन अस्पतालं उम्ह वःगु १६ गते सशस्त्र प्रहरीया अस्पताल भर्ना जूगु खः ।
उम्ह मनू निमोनियाया नाप स्क्रब टाइफस तक जूगु खः ।
थ्व नाप कोरोना संक्रमणं सीपिनिगु ल्याः ६३ म्ह थ्यःगु दु ।
पर्साय् सीम्ह मिसा कोरोना पुष्टि
लहनान्युज | गुंलागा २ ११४०,साउन २१ बुधवाः
पर्साय् वःगु सोमवाः सीम्ह छम्ह मिसा कोरोना भाइरस संक्रमण पुष्टि जूगु दु । पर्साया पोखरिया नगरपालिका–९ य् च्वम्ह १८ दँया मिसा कोरोना संक्रमणं सीइगु धका धाःगु दु ।
उम्ह मिसायात पखाला जूगु धका धाःगु दु । अवस्था जटिल जुया वःगुलि उपचारया लागि सोमवाः नेशनल मेडिकल कलेज यकुगु इलय् लँय् मदुगु खः ।
मेडिकल कलेजय् स्वाब संकलन याना नारायणी अस्पतालया प्रयोगशालाय् परीक्षण याःगु इलय् मंगलवाः चान्ह्य वयागु रिपोर्ट पोजेटिभ वःगु खः ।
उम्ह मिसाया छेँय् पोखरिया–८ जगतपुर खः । तर उम्ह मिसा पाजुपि थाय् च्वना वयाच्वम्ह खः ।
कोरोना संक्रमणबाट पर्सामा १३ जनाको मृत्यु भएको छ ।
येँ महानगर दुनेया सामूदायिक स्कूलया छात्रायात सितिकं स्यानिटरी प्याड
नृपेन्द्रलाल श्रेष्ठ | गुंलागा पारु ११४० (श्रावण २० २०७७) मंगलबाः
येँ महानगरपालिका दुनेया सामुदायिक स्कूलय् ब्वनाच्वंपिं छात्रातय्त येँ महानगरपालिकां सितिकं स्यानिटरी प्याड इनीगु जूगु दु ।
ज्ञानोदय माध्यामिक विद्यालय, बाफलय् ब्वनाच्वंपिं छात्रायात सितिकं स्यानिटरी प्याड इनाः थौं थुगु ज्या न्ह्याकूगु खः ।
येँ महानगरपालिका वडा नम्बर–१४ या अध्यक्ष शोभा सापकोटां स्यानिटरी प्याड भेन्डिङ मेसिनय् पायम्वः कुतकाः छगू प्याड लिकयाः छात्रायात लःल्हानादिल ।
ज्याझ्वःया ब्वतिमि छात्रापिन्सं तारन्ताः स्कूलय् थ्यनेधुंकाः नं थी मज्यू जूबलय् प्याड मदयाः छेँय् लिहां वनेमाःगु अनुभव न्यंकुसें स्कूलय् सितिकं प्याड वितरणया व्यवस्था जूगुलिइ लसता प्वंकादिल ।
ज्याझ्वःयात सम्वोधन यासें येँ महानगरपालिकाया मेयर विद्यासुन्दर शाक्यं रजस्वला जूपिं मिसायात विभेद यायेमज्यूगु धयादिल ।
‘छेँय् सुं मिसाया थी मज्यू जुइबलय् उमिगु सुसाःकुसाः यायेमाः, ग्वाहालि यायेमाः धइगु स्कारात्मक पक्ष खः’ शाक्यं धयादिल । ‘तर, प्यन्हु जिगु ज्या यायेगु पाः, वं थी मज्यू धइगु थुज्वःगु विभेदं जाःगु व्यवहारय् ह्यूपाः वयेमाः ।’
स्कूलया प्रधानाध्यापक नातिकाजी महर्जनं छात्राया थी मज्यू जुइबलय् न्हापा यक्व समस्या फयेमाःगु न्यंकुसें थ्व चेतना थनेगु ज्या जूगु धयादिल ।
वय्कलं न्हापांगु चरणय् ५ निसें १२ कक्षातक्क ब्वनीपिं करीब १४सः छात्राया पिरियडयात लिधंसा नालाः १ लख २०द्वः प्याड टेण्डर प्रक्रियाय् वनाः खरिद यानागु जानकारी बियादिल ।
वय्कलं भेन्डिङ मेसिन व डिस्पोजल मेसिन नं न्यानागु जानकारी बियादिल ।
येँ महानगरपालिकाया शिक्षा विभागया शाखा अधिकृत मोती भट्टराईं महानरपालिका क्षेत्र दुनेया दक्वं सामूदायिक स्कूलयात प्रति छात्रा द्वःछि व खुतकाया दरं बजेट निकासा यानाः दक्वं स्कूलय् छ्वयेधुनागु जानकारी बियादिल ।
रुपन्देहीइ बैंक कर्मचारीयात कोरोना संक्रमण पुष्टि
लहनान्युज | गुंलागा १ ११४०,साउन २० मंगलवाः
रुपन्देहीया देवदहय् छम्ह बैंक मिसाम्ह कर्मचारीयात कोरोना संक्रमण पुष्टि जूग दु ।
लुम्बिनी प्रादेशिक अस्पताल बुटवलय् याःगु पीसीआर परीक्षणय् गरिमा विकास बैंकया देवदह खैरेनी शाखाय् ज्या याइम्ह कर्मचारीमा कोरोना संक्रमण खने दुगु दु ।
बैंकया कर्मचारीयात कोरोना संक्रमण पुष्टि जुइवं उगु बैँक शाखा कार्यालय बन्द याना कन्ट्याक्ट ट्रेसिङया ज्या सुरु याःगु दु ।
कोरोना संक्रमित कर्मचारी न्यान्हु निसे सेँय् खँ चाया ज्वरो वया बिदाय् च्वना च्वंगु खः ।
उम्ह मनून थःहे सोमवाः लुम्बिनी प्रादेशिक अस्पतालय् वना कोरोना परीक्षण या वःगु खः।
