Display Style:
Column Style
भारतं दबाव लिपा तरकारी व फलफूल विषादी परीक्षण स्थगित
लहनान्युज | दिल्लाथ्व पंचमी ११३९ (जुलाइ ६ २०१९)
भारतपाखे जुइगु तरकारी व फलफूलया विषादी परीक्षण कडाई यायेगु नीतिपाखे सरकार लिचिगु दु ।
भारतीय दूतावासं च्वया हःगु पौं लिपा बिहीवाः च्वंगु मन्त्रिपरिषद् बैठकं खुलाया लागि नीति स्थगित याःगु दु ।
अथेतु, सरकारं विषादी परीक्षणया लागि आवश्यक तयारी मगाःगु धकाः स्थगित यायेगु निर्णय याःगु खः ।
नेपाल भारत सीमा नाकाय् विषादी परीक्षण व क्वारेन्टाईनया लागि आवश्यक पूर्वाधार निमार्ण जुइ धका जक निकासी पैठारी नीतिया पूर्ण कार्यन्वयन यायेगु आपूर्ति मन्त्रालयया अधिकारी धाःगु खः ।
सरकारं वःगु असार २ गतेय् राजपत्रय् सूचं पिकया भन्सार बिन्दुइ क्वारेन्टाईन व जीवनाशक विषादीया अवशेष अनिवार्य परीक्षण यायेगु नीति हःगु खः । तर, भारतं गम्भीर चासो व्यक्त यासे नेपाल सरकारया निर्णय लितः कायेत दबाब ब्युगु खः ।
येँ महानगरपालिकाया उप–प्रमुख खड्गी अस्पताल भर्ना
लहना न्यूज | ने.सं. ११३९ दिल्लाथ्व तृतिया (५ जुलाई, २०१९), शुक्रवाः
स्वास्थ्यय् समस्या खनेदयेवं येँ महानगरपालिकाया उप–प्रमुख हरिप्रभा खड्गी श्रेष्ठ अस्पताल भर्ना जुयादीगु दु । वय्कःयात हृदयघातया आशंका याःगु दु ।
सीसीयूस भर्ना जुयादीम्ह खड्गीयात एनजीओ ग्रामलिसेंया परीक्षा यायेगु तयारी जुयाच्वंगु दु । व लिपा हृदयघाट जूगु खः वा मखु अथवा छु स्टेजय् थ्यनाच्वन धइगु सीदइगु अस्पतालया सञ्चारविज्ञ आरपी मैनालीं धयादीगु दु ।
वय्कःयाकथं छाती झ्यात्तुस्से च्वना वःगु व सासः ल्हायेत समस्या जुइधुंकाः अस्पताल झायादीगु उप–प्रमुख खड्गीं धयादीगु दु ।
लच्छिया दुने देय् दबूया साधारणसभा यायेत निर्देशन
नृपेन्द्रलाल श्रेष्ठ | दिल्लाथ्व तृतिया ११३९ (जुलाई ५ २०१९)
येँ जिल्ला प्रशासन कार्यालयपाखें थौं छगु पौ च्वया हया अन्जीता खड्गीयात हे नेवाः देय् दबूया कोषाध्यक्ष कायम यायेगु निर्देशन ब्युगु दु ।
उगु पतिइ फागुन २४ व २५ गते धनगढी जुगु नेवाः देय् दबूया केन्द्रिय कार्य समिति बैठकया निर्णय कार्यान्वयन मयायेत निर्देशन न ब्युगु दु ।
अथेहे नेवाः देय् दबूया आर्थिक नियमावली ११३७ या दफा ३ (छ) खँय् तत्काल याये दु धका अध्यक्षं आतक याःगु दक्को खर्च व खर्च जुगु हिसाव कितावया प्रमाणित भ्वं व सम्झौता नापं लेखापरीक्षण याना कार्य समिति व साधारण सभापाखें अनुमोदन याना लच्छिया दुने प्रतिवेदन पेश यायेत निर्देशन ब्युगु दु ।
अथेहे, देय् दबूया संस्थाया बिधान लोकतान्त्रिक प्रकृति व आः या संस्थाया ढाँचा कथं मजुगुलीं लच्छिया दुने बिशेष साधारण सभा सःताः उगु साधारण सभां बिधान संशोधन याना स्वंगु महलया फारम भरे याना स्वीकृतीया नितिं पेश यायेत निर्देशन न ब्युगु दु ।
उगु पौ लिपा थौं हे अन्जीता खड्गी पाखे कोषाध्यक्षया पदभार ग्रहण याःगु दु । वयेकयात दबूया मू छ्यान्जे माईला बाबू द्यौलां खादा व स्वामा क्वखायेखा लसकुस यानादिगु खः ।
पूर्वमन्त्री धमला नेकपाय् दुहा वन
लहनान्युज | दिल्लाथ्व तृतिया ११३९ (जुलाइ ४ २०१९)
सङ्घीय समाजवादी फोरम नेपाल नाप एकीकरण लिपा तत्कालीन नयाँ शक्ति पार्टी पाखे ५० म्ह स्वया अप्वो नेता नाप कार्यकर्ता नेपाल कम्युनिष्ट पार्टी (नेकपा) दुहा वःगु दु ।
फोरम नेपालव नाप एकीकरण लिपा असन्तुष्टि जुयादिम्ह पूर्वमन्त्री नापं तत्कालीन नयाँ शक्ति नेपालया सचिवालय सदस्य कल्पना धमला, मेम्ह सचिवालय सदस्य देवेन्द्र पराजुली लगायतया नेता तथा नेकपा दुहा वःगु खः । धमला डा. बाबुराम भट्टराईया नेतृत्वया सरकारय् विज्ञान नाप प्रविधि मन्त्री जुगु खः ।
थौं शुक्रवाः पार्टी ज्याकुथि धुम्बाराहीलय् प्रधानमन्त्री नाप पार्टी अध्यक्ष केपी शर्मा ओली व मेम्ह अध्यक्ष पुष्पकमल दाहाल प्रचण्डं धमला व पराजुलीयात लसकुस याःगु खः ।
अथेहे मेपि मनु हुमागाइँ, भूमि देवकोटा, गोकुल केसी, अशोक पाण्डे, नवीन तामाङ, हरिमाया खत्री, प्रकाश सापकोटा, कुमार तिवारी, नकुल थापा, अशोक बस्नेत, प्रकाश लम्साल, बिनोद कार्की, रमेश देवकोटा, होमप्रसाद न्यौपाने, अञ्जना श्रेष्ठ, मनिषा कँडेल, नवराज पाण्डे, हरिभक्त आचार्य लगायतपिं नेकपाय् दुहा वःगु खः ।
त्रिशूली खुसीइ ट्रक कुथु वना निम्ह सित
लहनान्युज | दिल्लाथ्व तृतिया ११३९ (जुलाइ ४ २०१९)
सर्लाहीपाखे येँ वया च्वंगु मालबाहक ट्रक त्रिशूली खुसीइ कुथु वना निम्ह सिगु दुसा छम्ह घाइते जुगु दु ।
ना ७ ख ६७६५ नम्बरया उगु आपा ज्वना वया च्वंगु ट्रक थौं सुथय् पृथ्वी राजमार्ग अन्तर्गत चितवनया इच्छाकामना–३ चुम्लिङटार नापन्तु त्रिशूली खुसिइ अथे दुर्घटना जुगु खः ।
उगु दुर्घटनाय् लाना ट्रक चलेयाना वया च्वम्ह बालकृष्ण यादव व ट्रक साहु रविकान्त यादव सिगु खः ।
दुर्घटनाय् लाना घाइते जुम्हसित भरतपुर अस्पताल वासः याकाच्वंगु दु ।
