नेपाल संवतया आन्दोलन लिपाया उपलब्धीलिसें नेपाल संवतया सकतां विषयवस्तुयात कयाः राष्ट्रिय कार्यशाला गोष्ठी याइगु जूगु दु।

नेवाः देय् दबूया संयोजनय् नेपाल संवत न्हूदँ राष्ट्रिय समारोह समिति, नेपालभाषा मंकाः खलः, राष्ट्रिय विभूति शंखधर साख्वाः प्रतिष्ठान व नेपालभाषा मंकाः खलः यलया ग्वसालय् थथे राष्ट्रिय गोष्ठी जुइत्यंगु खः।

थुगु गोष्ठी येँय् यायेगु लिसें देय् न्यंक नेपाल संवतया न्हूदँ न्यायेकाः वयाच्वंगु खलः पुचःलिसें नेपाल संवत आन्दोलनय् आबद्ध व्यक्तिपिन्त ब्वनीगु जूगु दु।

अथेहे, थुगु राष्ट्रिय कार्यशाला गोष्ठीइ नेवाः न्ह्यलुवाः मल्ल के सुन्दरं नेपाल संवतयात कयाः कार्यपत्र न्ह्यब्वइगु जूगु दु।

सरकारं ज्येष्ठ नागरिकतय्त छेँय् हे स्वास्थ्य सेवा व वासः यायेगु व्यवस्था यायेगु घोषणा याःगु दु। राष्ट्रपति रामचन्द्र पौडेलं मंगलवाः संघीय संसदय् मंकाः बैठकय् सरकारं वइगु आर्थिक दँ २०८१÷८२ या नीति नाप कार्यक्रम प्रस्तुत यासे उगु नीति हयेगु जानकारी बिःगु दु।

ज्येष्ठ नागरिकतय्त स्वास्थ्य सेवा कायेगु निति थाकुगु अवस्थायात बिचाःयासे सरकारं थज्यागु नीति हइगु धका धाःगु दु। अथेहे शहीद दशरथ चन्द स्वास्थ्य विज्ञान विश्वविद्यालयय् ३०० शय्याया मेडिकल कलेज व प्राविधिक ज्याझ्वः वइगु आर्थिक दँनिसे सञ्चालन यायेगु सरकारं योजना दयकूगु दु। अथेहे उदयपुर, मोरङ, पर्सा, चितवनलगायत थासय् मेडिकल कलेज स्थापना नाप सञ्चालनया लागि माःगु तयारी यायेगु धका राष्ट्रपति पौडेलं धाःगु दु।

पोखरा स्वास्थ्य विज्ञान प्रतिष्ठानय् वइगु आर्थिक दँनिसे एमबीबीएस लगायतया चिकित्सा शास्त्रया स्नातक तहया अध्ययनस तक न्ह्याकेगु व पूर्वाञ्चल विश्वविद्यालय अन्तर्गत न अस्पताल सञ्चालन यायेगु तयारी दुगु योजनाय् दुथ्याका तःगु दु।

सरकारं वइगु आर्थिक दँया नीति व कार्यक्रम पारित याःगु दु।

सिंहदरबारस्थित प्रधानमन्त्री कार्यालयय् च्वंगु थौया मुज्याय् मन्त्रिपरिषद् बैठकं नीति व कार्यक्रम पारित याःगु दु धका सञ्चार लिसे सूचना प्रविधिमन्त्री नाप सरकारया प्रवक्ता रेखा शर्र्मां जानकारी बिःगु दु।

थौ बहनि संसदया मंकाः बैठकय् राष्ट्रपति रामचन्द्र पौडेलं वइगु आर्थिक दँया नीति व कार्यक्रम न्ह्यब्बइगु ज्याझ्वः दु।बैठकं झींखुक्वःगु पञ्चवर्षीय योजना न पारित जुगु मन्त्री शर्मां जानकारी बिःगु दु।

राष्ट्रिय योजना अयोगं झींखुक्वःगु आवधिक योजना (२०८१/८२–२०८५/८६) या मस्यौदा अन्तिम स्वीकृतिया लागि आइतवाः प्रधानमन्त्री नाप मन्त्रिपरिषदया कार्यालयय् छ्वंगु खः।

अशोक राईया नेतृत्वय् जनता समाजवादी पार्टीपाखे मन्त्री जूम्ह प्रतिनिधि सभा सांसद प्रदीप यादव व हसिना खानं पद लिसे गोपनीयताकाया शपथ काःगु दु।

स्वास्थ्य लिसे जनसंख्या मन्त्री प्रदीप यादव, स्वास्थ्य राज्यमन्त्री हसिना खानं पद लिसे गोपनीयताया शपथ काःगु दु। राष्ट्रपति कार्यालयय् जूगु छगु ज्याझ्वः दथुइ राष्ट्रपति रामचन्द्र पौडेलं स्वास्थ्य मन्त्री यादवया शपथ बिउगु खःसा राज्यमन्त्रीयात प्रधानमन्त्री पुष्पकमल दाहालं शपथ नकूगु खः

जनता समाजवादी पार्टी नेपालया अध्यक्ष उपेन्द्र यादव व वन राज्यमन्त्री दीपक काकी म्हिगः सोमवाः थःपिनिगु पदपाखे राजीनामा बिउगु खः। उपेन्द्र यादव नेतृत्वया जसपा नेपालपाखे अशोक राईनाप न्ह्यम्हेसिया प्रतिनिधि सभा सांसद अलग जूया जनता समाजवादी पार्टी दयकूगु खः।

मधेश प्रदेशय् आः नेकपा एमाले, नेकपा माओवादी केन्द्र, जनमत पार्टी व लोकतान्त्रिक समाजवादी पार्टी (लोसपा) पिनिगु मंकाः सरकार दयकिइगु जुगु दु।

प्रदेशय् १०७ सांसद दु। उकि मध्ये लोसपा संसदीय दलया नेता अभिराम शर्मा निलम्बित जुगु दु। उपि बाहेक लोसपाया ८, एमालेया २५, माओवादीया ९ व जनमतया १३ म्ह याना ५५ सांसद दु।सरकार दयकेगु निति ५४ सांसद दयेगु गाः।

मधेशय् आः जसपा नेपालया सरोजकुमार यादव मुख्यमन्त्री जुयाच्वंगु दु। माओवादी व एमाले सरकारपाखे समर्थन लित काये धुका अल्पमतय् लागु दु।