उपत्यकाव्यापी सडक विस्तार संघर्ष समिति व खोला मापदण्ड पीडित संघर्ष समितिं यल महानगरपालिकायात ज्ञापन पौ लःल्हागु दु।

समिति मंकाः कथं महानगरपालिकाया उपप्रमुख मञ्जली शाक्य बज्राचार्ययात सर्वोच्च अदालतया फैसलां महानगरबासी तय्गु उठिबास जुइगुलि थुकिया कार्यान्वयन विरूद्ध ज्ञापन पौ लःल्हागु खः। ज्ञापन पौ लःल्हाना कयादीसे उपप्रमुख बज्राचार्यं थः महानगरबासीया मागय् सहमत व नाप हे दु धका प्रतिबद्धता यानादीगु खः।’ यक्को सित उठिबास याइगु कथं सर्वोच्चं गु फैसला यागु दु, जिपि उकिया विपक्षय् दु व छिकपिन्त उठिबास याके बिइ मखु,’ धका वयकलं धयादीगु दु।

खुसि सिथय् हे मानव सभ्यता सुरू जुगुलि उकिया सभ्यता हुइ मज्यु। उकिइ, तोके याःगु मापदण्ड पालना याना च्वना च्वपिन्त उठिबास याये मज्यु धका वयकलं धयादीगु खः।

श्री हल्चोक आकाश भैरव समाजया प्रारम्भिक साधारणसभा न्हूगु ज्यासना पुचः ल्यसें क्वचाल । थ्वहे वंगु भाद्र १५ गते शनिवाः हल्चोकय् जूगु साधारणसभाय् शेरबहादुर पुतुवारया नेतृत्वय् दुगु समितियात हे न्हूगु ज्यासना पुचः कथं ल्यःगु खः।

न्हूगु ज्यासना पुचलया न्वकु जीवन पुतुवार, छ्याञ्जे सुरेन्द्रभक्त श्रेष्ठ, ल्यूछ्याञ्जे शुक्र पुतुवार, दांभरिं सुन्दर पुतुवार व दुजःपिं नृपेन्द्रलाल श्रेष्ठ, अर्जुन पुतुवार, पुर्ख पुतुवार, दानकान्छा पुतुवार, सुनिता पुतुवार व लक्ष्मी पुतुवार च्वनादीगु दु। नागार्जुन नगरपालिका ३ वडाया अध्यक्ष उमेश लामाया मूपाहाँसुइ जूगु ज्याझ्वलय् हल्चोक आकाश भैरवया पुजा याना वयाच्वनादीपिं नरबहादुर पुतुवार  व थकुवा पुतुवारयात लय्पतिकं बिया वयाच्वंगु अनुदान नं ज्याझ्वलय् लःल्हाःगु खः।

न्हू ज्यासना पुचःयात समाजया सल्लाहकार रविकृष्ण श्रेष्ठयालिसें नागार्जुन नगरपालिका वडा नं. ३ या दुजःपिं बमबहादुर श्रेष्ठ व राधिका दर्नालपिसं भिंतुना देछाःगु खः। ज्याझ्वलय् समाजया संरक्षकपिं सागर पुतुवार व सुरज पुतुवारपिसं समाजया गठनं प्रशासनिक ज्याखँ न्ह्याकेत थःपिन्त ग्वाहालि जूगु खँ धयादिल। वय्कःपिसं गुठी व समाज छगू हे रथया निचाः घःचाः जूगु खँ कनादिल।

ज्याझ्वलय् नुगःखँ तयादिसें मूपाहाँ लामां वडापाखें याय्माःगु ग्वाहालि याय्त थः न्ह्याबलें तयार दुगु खँ धयादिल। वय्कलं छगू हे शीर्षकय् वडा व नगरपालिकां बजेट तय् मज्यूगु व नगरपालिकां आकाश भैरवया निंतिं बजेट फ्याना तय् धुंकूगुलिं वडापाखें बजेट मतयागु जूसां हल्चोकया म्हसीका कथं दुगु आकाश भैरवया प्याखंयात माःगु ग्वाहालि याय्गु खँ कनादिल।

ज्याझ्वलय् आर्थिक प्रतिवेदन न्ह्यब्वसें दांभरिं सुन्दर पुतुवारं थीथी संस्था व व्यक्तिपिनिपाखें समाजं न्ह्याकागु गतिविधियात तिबः बीकथं ग्वाहालि याना वयाच्वंगु खँ कनादिल। वय्कलं न्ह्यःने वयाच्वंगु हल्चोक आकाश भैरवया १२ दँया जात्रा सुथां लाक्क न्ह्याकेगु निंतिं १ करोडया कोष दय्केगु तातुनागु व थुकी सकसिनं नुगः ह्वय्काः ग्वाहालि याय्त इनाप यानादिल।

छ्याञ्जे सुरेन्द्रभक्त श्रेष्ठं न्ह्याकूगु ज्याझ्वलय् वय्कलं संस्थाया प्रगति प्रतिवेदन नं न्ह्यब्वयादीगु खः। वय्कलं हल्चोक आकाश भैरवया जात्रापर्व सुथांलाक्क न्ह्याकेत गुथियारपाखें नं थम्हं फुचाःकथं ग्वाहालि याय्त इनाप यानादिल।

प्रधानमन्त्री केपी शर्मा ओलीें संविधानया मौलिक हक, मानवअधिकारसम्बन्धी राष्ट्रिय व अन्तर्राष्ट्रिय प्रतिबद्धतायात आत्मसात् यार्से  ‘समृद्ध नेपाल, सुखी नेपाली’ या राष्ट्रिय आकाक्षा पूरा यायेमाः धका धयादीगु दु।

राष्ट्रिय मानव अधिकार आयोगं यागु छगु ज्याझ्वलय् लैङ्गिक समावेशीकरणसम्बन्धी एसिया प्रशान्त क्षेत्रया मानव अधिकार संस्था तयेगु स्वन्हु न्यक जुइगु अन्तर्राष्ट्रिय सम्मेलनय् उलेज्या यानादीसे प्रधानमन्त्री ओलीं नेपाःया संविधानं मौलिक अधिकारय् यक्को न्ह्यसःयात लिपिबद्ध याना व उकिया छगः छगः आखःया पालना यायेगु निति सरकार प्रतिबद्ध दु धका धयादीसे जातिप्रथायात कानुन कथं हे क्वचायेकेमाः धका धयादीगु दु।

संविधान दयेके न्ह्यः हे संसदं राज्यया स्वगू हे तीनै तहया निकायय् म्हतिइ न ३३ प्रतिशत मिसातय्गु ब्बतिइ दयेमाः यागु दु धका धयादीसे वयकलं थुकियात चिधःगु उपलब्धि कथं कायेमज्यु धका धयादीगु खः।

प्रधानमन्त्री ओलीं नेपालय् न्हापाम्ह मिसाम्ह राष्ट्रपति, प्रधानन्यायाधीश, प्रतिनिधिसभाया सभामुख व मुख्यसचिव जुइ धुकुगु उदाहरण न्ह्यब्बयादीसे राज्यया दक्को निकायय् मिसापिनिगु सहभागिता थकायेगुलि सहजीकरण जुयाच्वंगु दु धका धयादीगु दु।

येँ महानगरपालिकाया उपमेयर सुनिता डंगोलं मेयर बालेन शाहया कार्यशैलीइ न्ह्यसः ल्ह्वःगु दु। खुसि सिथय् निगु थासं हे मेगु २० मिटरया मापदण्ड कायम यायेगु सर्वोच्च अदालतया फैसलालिपा महानगरं जारी याःगु सूचंयात कया डंगोलं मेयर बालेन शाहयात न्ह्यसः थंगु दु।

सर्वोच्चं छु न्हि जक खुसि सिथय् मेगु २०÷२० मिटरको मापदण्ड यायेगु फैसला याःगु खः। वया लिपा येँ महानगरं सूचं पिकया छेँ दयेकेगु ज्या दिकूगु खः। कार्यपालिकाय् मंगलवाः बैठकय् वडा नम्बर २३ या वडाध्यक्ष मचाराजा महर्जनं सूचं पिकायेगु हथाय् चाःगुलि मेयरयात न्ह्यसः तःगु खः। उपमेयर डंगोल न मेयरयात न्ह्यसः तःगु खः। अदालतया फैसला पालना यायेगु सकसिगु दायित्व खः धका धयादीगु खः।

तर अदालतलया फैसला गुकथं कार्यान्वयन यायेगु धइगु महत्वपूर्ण खः धका धयादीगु खः। महानगरं जारी याःगु सूचं प्रमुखस्तरीय निर्णय कथं सूचं प्रकाशित याःगु धका च्वयातःगु दु, थ्व सकसिगु निर्णय खः कि मखु?’ जनता वडा व महानगरय् वये धुकुगु दु। चिचिधःगु विषयय् बोर्डय् हःगु दु सा थज्यागु संवेदनशील विषय बोर्ड बैठक हे मतःगु धका धयादीसे वयकलं धयादीगु दु।

उगु लिच्वःपाखे गुलि लिच्वः लाइ धका सहलह जुइमाः धका धयादीगु दु। ‘अदालतया निर्णय न्ह्यावलय् जनताया हितय् जुइ धइगु मदु?’ वयकलं धयादीगु दु, ‘उकिइ मेगु (पुनरावलोकनय् वइिगु) कानुन लँ तयातःगु दु। बरु पुनरावलोकनय् झीपि वनिइगु खकि धका सहलह यायेमाः।’ जनभावना अःखः महानगर वःगु धका थुकेगु ज्यु, तर थःके सहलह हे मयागु सूचं न थःम्हेसिया ओनरसीप काये फइ मखु धका उपमेयर डंगोलं धयादीगु खः।

प्रधानमन्त्री केपी शर्मा ओलीयात भारतीय राष्ट्रिय रक्षा महाविद्यालय (एनडीसी)या शिक्षार्थीपिनिगु प्रतिनिधिमण्डलं नापलागु दु।

प्रधानमन्त्री निवास, बालुवाटारय् नेपाल अध्ययन भ्रमणय् वयाच्वंगु पुचलं नापलागु खः। नापलायेगु झ्वलय् प्रधानमन्त्री ओलीं उगु कलेजं रक्षा मामिलाया ज्या यानाच्वंगु प्राज्ञिक योगदानयात प्रशंसा यानादीसे दक्षिण एसियाली राष्ट्र तयेगु शान्ति व समृद्धिया निति मंकाः कुतः जुइमागुलि बः बियादीगु खः।

वयकलं गौतम बुद्ध, महात्मा गान्धी थे जाःपि व्यक्तित्व जन्म जूगु दक्षिण एसियाली ख्यलय् हिंसा व विवाद जूगु धइगु संस्कृति व सभ्यताया अःखः जूगु खँ धका धयादीगु खः।

प्रधानमन्त्री ओलीं नेपाः व भारत दथुइ समान संस्कृति, नयेगु त्वनिइगु व सभ्यताया चर्चा यानादीसे निगु देय् दथुइ याःगु सम्वन्ध अझ अप्पोकेमाः धका धयादीगु खः।

नापलायेगु ज्याझ्वलय् नेपाःया लागि भारतीय राजदूत नवीन श्रीवास्तब, कलेजया प्रतिनिधि सन्दिप एस सन्दुपिनिगु ब्बति दुगु खः।