काठमाडौं जिल्ला अदालत न्ह्येन प्रहरी व प्रदर्शनकारी दथुइ ल्वापु जुगु दु।

एमाले अध्यक्ष केपी शर्मा ओली ज्वंगुलि विरोधय् प्रदर्शनय् एमाले कार्यकर्ता कुहा वयेवं प्रहरी दथुइ ल्वापू जुगु खः।

प्रदर्शनकारी माइतीघर मण्डलापाखे न्हुगु बानेश्वरपाखे न्ह्याः वनेवः प्रहरीं बबरमहलस्थित जिल्ला अदालत न्ह्यने पनेतं स्वंगू खः।

एमालेया अध्यक्ष केपि ओलीयात ज्वंगु विरोधय् कार्यकर्ता तय्स प्रदर्शन यागुलि माइतीघर तनावग्रस्त जुयाच्वंगु दु।पार्टी अध्यक्ष केपी शर्मा ओलीयात प्रहरीं थौ सुथय् प्रहरीं ज्वःगु खः।

उकिया विरोधय् एमालेया २३ गु जनसंगठन तय्सं माइतीघरय् प्रदर्शन याःगु खः।प्रदर्शनकारी तय्स निषेधाज्ञा तोडे याना न्हुगु बानेश्वरपाखे वनेवं प्रहरीं धरपकड यायेवं माइतीघरय् तनावग्रस्त जुयाच्वंगु दु।

लोकेश्वर आर्याअवलोकितेश्वर लोकेश्वर करुणामय जनबहाःद्यःया खः सालाः असनय् थ्यंकेधुंकाः बिहिबाः बहनि राष्ट्रपति रामचन्द्र पौडेलं खःया पुजा लिसें दर्शन यानाः प्रसाद ग्रहण यानादीगु दु।

असनय् बहनि थ्यंमथ्यं १० ताः इलय् वय्कलं तुयुम्ह लोकेश्वर आर्याअवलोकितेश्वर लोकेश्वर करुणामय जनबहाःद्यःया दर्शन लिसें द्यः पुज्यानादीगु खः। जनबहाःद्यःया खः सालाः असननय् थ्यंगु बहनि राष्ट्राध्यक्षं असनय् वनाः पुजा लिसें दर्शन यानाः प्रसाद ग्रहण यायेगु परम्परा दयाच्वंगु दु।येँया तीनधारा पाठशाला जमः न्ह्यनं ३२ ल्हाः ताः हाकःगु खः दयेकाः चैतेदसैँया दिं निसें सालेगु यानाच्वंगु दु।

थ्व खःयात नागराजया चिं कथं कायेगु याः। दँय् दसं थ्व जात्रा न्यायेके धुंकाः वा वइगु व सहकाल जुइगु धार्मिक विश्वास दु। खः निन्हु कुन्हु थौं असनं हनुमानध्वाखाय् च्वंगु कालभैरव न्ह्यने तक थ्यंकी। स्वन्हु कुन्हु हनुमानध्वाखां लगमय् थ्यंकाः जात्रा याइगु परम्परा दु। लगमय् जनबहाः द्यःया मांया देगःयात स्वकः तक खँ चाःहिकेगु याइ। येँय् जनबहाः द्यःया जात्रा क्वचाये धुंकाः यलय् बुंगः द्यःया खः जात्राया न्ह्याइगु परम्परा दयाच्वंगु दु।

दँय् दसं चैत्र शुक्ल अष्टमीया दिं जमःया तीनधारा पाठशालां न्ह्याइगु वर्षा लिसें सहकालया द्यःतुयुम्ह लोकेश्वर आर्याअवलोकितेश्वर लोकेश्वर करुणामय जनबहाः द्यःया खः यात्रा न्ह्याःगु दु। खः यात्राय् द्वलंद्वः भक्तजनतय्सं ब्वति काःगु दु। खः जात्राया निंतिं बिहिबाः सनिलया ५ ताः इलय् जनबहालं द्यःयात खतय् तयाः गुर्जुपिंसं क्वबिनाः वंघः, थाय्मदु, न्हाय्कंत्वाः, असं–कमलाछि जुकाः जमलय् च्वंगु तीनधारा पाठशालाया न्ह्यने थ्यंकूगु खः।

वैदिक पुजा लिपा खतय् पलिस्था यानाः तुयुम्ह लोकेश्वर आर्या अवलोकितेश्वर लोकेश्वर करुणामय जनबहाः द्यःया खःयात सालाः असनय् थ्यंकूगु खः।थुगु लागाय् स्वन्हुतक खः जात्रा न्ह्याइ। असं, वसन्तपुर, जैसीदेगः जुकाः लगमय् तक खतय् साला यंकाः जनबहाः द्यःयात हाकनं चिधंगु खःचाय् तयाः क्वबिना हयाः जनबहालय् लित हयाः पलिथ्या यायेधुंकाः थुगुसीया जात्रा क्वचाइगु परम्परा दु।

चैत्र शुक्ल अष्टमीया दिं बिहिबाः कुमारी द्यःयात नापं तीनधारा पाठशाला लागाय् यंकाः रथजात्रा न्ह्याकूगु येँ महानगरपालिका–२५ या पुलांम्ह अध्यक्ष नापं जुयादी धुंकूम्ह गुर्जु नीलकाजी शाक्यं राससयात जानकारी बियादिल।

नेपालभाषा एकेदेमि व येँ महानगरपालिका सहकार्यं पिदंगु “नेवाः सांस्कृतिक ज्ञानकोश” यात अझ अप्वो ज्वलं व सुचं दुथ्याकाः अनलाइन माध्यमं पिथनेगु ज्या न्ह्यागु दु।

अनलाइन संस्करणय् थीथी ल्वःवनापुगु शैली व सेवा नं तनाः यंकेगुया लिसेलिसें हलिंन्यंकया ब्वँमिपिन्सं नं ब्वनेफइ कथं थीथी भाषां भाय् हिलेगु ज्या नं न्ह्यानाच्वंगु खँ थुकिया कजि अनिल स्थापितं जानकारी बियादीगु दु।

नेवाः सांस्कृतिक ज्ञानकोशया वेवसाइटय् थःम्हं हे च्वसु वा विवरण दुथ्याकादीत नं वयकल छगू ज्याझ्वलयव् सकसितं इनाप यानादीगु खः।

चारुमती महाविहारया ग्वसालय् विहिवाः अशोक अष्टमीया दिनय् सम्रात अशोकया २३३० क्वःगु जन्म जयन्ती तःजिक हंगु दु।

अशोकया म्ह्याय् चारुमतीया नामं दयेकूगु चाबहि दुने हे सम्रात अशोक, अशोकया म्ह्याय् चारुमती, चरुमतीया जहान देवपाल नापं चारुमती बहीया बारे तःजिक अन्तक्र्रिया ज्याझ्वः जुगु दु। बुद्ध धर्मयात हलिंन्यंकं प्रचार प्रसार यानादीम्ह चक्रवती सम्रात अशोकया योगदान नापं अशोकया जीवनीयात कया तकं ब्यापक चर्चा यायेगु ज्या जूगु खः।

पुलांपिं मन्त्रीपिं गोपाल किराँती, डा. केशवमान शाक्य, बौद्ध विद्धान धर्म शाक्य, अभियन्ता राजु शाक्य, पत्रकार श्रीकृष्ण महर्जन नेवाः, साहित्यकार रमेशजंग थापा, भिमानन्द ढुंगाना, डा. मिलनराज गर्तौला, सुकन्य अधिकारीपिन्सं थःथःगु नुगँ खः तयादीगु खः। भिक्षु तपस्सी धम्म महास्थविर व महाविहारया थायपाजु पूर्णवीर शाक्यया मंकाः सभाध्यक्षताय् उगु ज्याझ्वः जूगु खः।

चारुमती महाविहारया गुथियार परमाननन्द शाक्यं न्ह्याकादीगु उगु ज्याझ्वलय् थीथी ब्यक्तित्वपिन्सं थःथःगु बिचाः प्वंकादीगु खः। चारुमती महाविहारय् चारुमतीया मूर्ति पलिस्था यायेगु सवालय् विहारया गुथियारपिन्सं औपचारिक रुपं क्वछिनादी धुंकूगु दु। चारुमती महाविहारय् अशोक जन्मजन्ती हंगु थ्व स्वक्वःखुसि खः।