मनाङय् भुखाय् ब्बःगु दु। थौ सुथय् ८ बजे जुया २२ मिनेतय् मनाङय् भुखाय् ब्बःगु खः।

राष्ट्रिय भूकम्प मापन नाप अनुसन्धान केन्द्रया कथं ३.८ म्याग्निच्युडया भुखाय् ब्बःगु दु धका धाःगु दु।

ओली प्रधानमन्त्री केपी शर्मा ओलीं थः थ्व स्वया न्ह्यः प्रधानमन्त्री जुयागु इलय् न्ह्याकागु स्थानीय तहया अस्पताल निर्माणलगायत पूर्वाधार विकासया ज्या सरकारं प्राथमिकताय् तयागु दु धका धयादीगु दु।

प्रतिनिभिसभाया थौया बैठकय सांसदपिन्स न्यःगु न्ह्यसःया लिसः बिइगु झ्वलय् प्रधानमन्त्री ओलीं थःगु न्हापागु कार्यकालय् निर्वाचन क्षेत्र रणनीतिक सतक व हरेक पालिकाय् आधारभूत अस्पतालया आवश्यकता महसुस याना अथे निर्माण सुरुवात यानागु लुमकादीसे थः लिपायापि सरकारं अज्यागु ज्याझ्वः रद्द यागुलि निर्माण दिउगु खः धका धयादीगु खः।

“दक्को सतक व अस्पताल निर्माण सम्पन्न यायेत यक्कोे बजेट माः। उगु अस्पताल भचा निर्माण सम्पन्न जुइ धुकुगु दु। उपलब्ध स्रोत व साधनयात ध्यान बिया ल्यदनिइगु सतक व अस्पताल प्राथमिकतापूर्वक निर्माण जुइ धुकुगु दु”, प्रधानमन्त्री ओलीं धयादीगु दु, “सरकारं स्वास्थ्य क्षेत्रयात तधःगु प्राथमिकता बियागु दु।

अस्पतालया पूर्वाधार निर्माण व जनशक्ति व्यवस्थापनया निति उपलब्ध स्रोत व साधनयात प्राथमिकताय् तया विनियोजन यानाच्वनागु दु व वइगु दँय् प्राथमिकतापूर्वक विनियोजन यायेगु धका वयकलं धयादीगु दु।

नेपाल आदिवासी जनजाति पत्रकार महासङ्घ (फोनिज) लमजुङया अध्यक्षय् जनक श्रेष्ठ सर्वसम्मत निर्वाचित जूगु दु।फोनिज लमजुङया बेसीसहरय् जूगु प्यक्वःगु अधिवेशनं अध्यक्षय् श्रेष्ठ निर्वाचित याःगु खः।

न्ह्यय् म्ह सदस्यीय समितिया उपाध्यक्षय् सुरज गुरुङ, सचिवय् सुमित्रा भुजेल व कोषाध्यक्षय् लक्ष्मी घले निर्वाचित जूगु खः।

अधिवेशनं दुजलय् खुसीमाया गुरुङ, एलिशा श्रेष्ठ व दिलु तामाङ निर्वाचित जुगु दु। फोनिजया सङ्घीय प्रतिनिधि आश गुरुङ व प्रदेश प्रतिनिधिइ कृष्णबहादुर आलेयात ल्यःगु खः। 

थ्व हे वइगु चैत ५ गते जुइगु स्वतन्त्र विद्यार्थी युनियन (स्ववियु) निर्वाचनया अनुगमन यायेगु निति राष्ट्रिय मानव अधिकार आयोग, नेपाल बार काउन्सिल व नेपाल पत्रकार महासङ्घपाखे याइगु जुगु दु।

निर्वाचन स्वतन्त्र, स्वच्छ व भयरहित वातावरणं क्वचायेकेत स्वतन्त्र निकाययात पर्यवेक्षण याकेगु त्यनागु धका त्रिबि धाःगु दु। त्रिभुवन विश्वविद्यालय (त्रिवि) न निर्वाचनसम्बन्धी निर्देशिका–२०८१ दयका स्वंगू निकायय् छम्ह छम्ह दुजः तया स्वम्हेसिगु निर्वाचन पर्यवेक्षण समिति दयकेगु धका उल्लेख याःगु खः।

हरेक जिल्लाय् पर्यवेक्षण समिति दइ धका त्रिविं धाःगु दु।व नाप बाहेक त्रिविया शिक्षाध्यक्ष याःगु संयोजकत्वय् १४ म्ह सदस्यीय स्ववियु निर्वाचन केन्द्रीय अनुगमन व समन्वय समिति दइ। त्रिविं थ्व हे वइगु चैत ५ गते स्ववियु निर्वाचन यायेगु निर्णय याये धुकुगु दु।

राष्ट्रपति रामचन्द्र पौडेलं कीपुलिइ च्वंगु बर्न अस्पतालय् वासः याकाच्वनादीम्ह उपप्रधानमन्त्री लिसें अर्थमन्त्री विष्णु पौडेलया स्वास्थ्य अवस्थाया जानकारी कयादीगु दु।

राष्ट्रपतिं मन्त्री पौडेल व पोखरा महानगरपालिकाया प्रमुख धनराज आचार्यया स्वास्थ्य अवस्थाबारे जानकारी कयादीगु खः। वय्कःपिं निम्हं शनिबाः पर्यटन प्रवद्र्धन सम्बन्धी पोखराय् ग्वसाः ग्वःगु छगू ज्याझ्वलय् बेलुन ब्वयेकेगु झ्वलय् घाःपाः जुयादीगु खः।

वय्कःपिं निम्हेसिया नं सघन उपचार कक्षय् तयाः उपचार जुयाच्वंगु दु। राष्ट्रपति पौडेलयात स्वास्थ्यमन्त्री प्रदीप पौडेल, स्वास्थ्य सचिव डा रोशन पोखरेल व अस्पतालया निर्देशक डा किरणकिशोर नकर्मीलिसें वय्कःपिनिगु उपचार याना वयाच्वंपिं चिकित्सकतय्सं स्वास्थ्य अवस्थाबारे जानकारी बियादीगु खः।

डा नकर्मीं मन्त्री पौडेल व महानगर प्रमुख आचार्यया अवस्था सामान्य जुजुं वंसां छुं ई चिकित्सक तय्गु निगरानीइ तयेमाःगु खँ धयादिल। अस्पतालयात जलनया उपचारया निंतिं अत्याधुनिक उपकरण व प्रविधिलिसेंया व्यवस्था यायेमाःगु खँ नं वय्कलं कुलादिल।