आः वइगु फागुन २१ गते जुइगु प्रतिनिधिसभा सदस्य निर्वाचनया निंतिं थौं १६५ गूलिं निर्वाचन क्षेत्रय् मुख्य निर्वाचन अधिकृत लिसें निर्वाचन अधिकृतया ज्याकुथि नीस्वनेत्यंगु दु।

जिल्ला सदरमुकामय् मुख्य निर्वाचन अधिकृतया ज्याकुथि व समदरमुकाम पिनेया निर्वाचन क्षेत्रय् निर्वाचन अधिकृतया ज्याकुथि नीस्वनेगु निर्वाचन आयोगया सहायक प्रवक्ता कुलबहादुर जिसीं धयादिगु दु। जिल्ला सदरमुकामय् ७७ गू मुख्य निर्वाचन अधिकृतया ज्याकुथि व उकिया पिने ८८ गू प्रतिनिधिसभा निर्वाचन क्षेत्रय् निर्वाचन अधिकृतया ज्याकुथि नीस्वनेत्यंगु खः।

मुख्य निर्वाचन अधिकृतया ज्याकुथिया नेतृत्व जिल्ला अदालतया मुख्य न्यायाधीशं याइगु व्यवस्था याना तःगु दुसा ७७ म्ह मुख्य जिल्ला न्यायाधीशया मुख्य निर्वाचन अधिकृत व न्याय सेवाया ८८ म्ह द्वितीय श्रेणीया अधिकृतयात निर्वाचन अधिकृतया जिम्मेवारी क्वःछिनातःगु दु।

नेपाल आयल निगमं पेट्रोलियम पदार्थया भाः समायोजन याःगु दु।

निगमं थौं १२ः०० ताः ई निसें लागू जुइगु कथं पेट्रोलया भाः लितरय् स्वतकां क्वकाःगु दु। अथे हे, डिजेल व मचिकंया भाः लिटरय् छतकां कुहाँ वःगु दु।

निगमं पिथंगु न्हूगु मू धलः कथं पेट्रोलया भाः लिटरया सच्छि व ५६ तका व डिजेल÷मट्टितेल लिटरया सच्छि व ३६ तका कायम जूगु दु।

इन्डियन आयल कर्पोरेसनपाखें माघ १ गते वःगु पेट्रोलियम पदार्थया न्हूगु खरिद मू कथं निगम सञ्चालक समितिं न्हूगु मू धलः क्वःछ्यूगु खः।

थौं २७ क्वःगु राष्ट्रिय भूकम्प सुरक्षा दिवस खः। विसं १९९० माघ २ गतेया महाभूकम्पया लुमन्तिइ २०५५ सालं निसें थ्व दिवस न्यायेकेगु यानाहःगु खः।

थ्व दिवस न्यायेकेगुया मू आज्जु भुखाय्या बारे चेतना ब्वलंकेगु व तयारी अप्वोकेगु खः। विसं २०७२ वैशाख १२ गतेया तः भुखाचं जनधनया तःल्याखय् क्षति जूगु खः।

सरकारी कामकाजमा मातृभाषा कार्यान्वयन अझ न बालाकं ज्या जुयाच्वंगु मदु सरोकारवाला तय्स धाःगु दु।

नेपाल आदिवासी जनजाति पत्रकार महासङ्घ (फोनिज) उपत्यका प्रदेश समन्वय समिति ‘फोनिज संवाद’ छगु ज्याझ्वः यासे उकिइ ब्बति कापिन्सं बागमती प्रदेश सरकारं कामकाजी भाषा कर्थ नेपाल भाषा व तामाङ भाषाय् कार्यान्वयन नीतिगत व व्यावहारिक जटिलता कायम दु धका धाःगथु दु।

‘बागमती प्रदेश सरकारं कामकाजी भाषाया कथं छ्यलाच्वंगु नेपाल भाषा व तामाङ भाषाया कार्यान्वयन, समस्या व चुनौती’ विषय ज्याझ्वः जुगु खः। नेपाल आदिवासी जनजाति आयोगया अध्यक्ष रामबहादुर थापा मगरं मातृभाषा संवैधानिक अधिकार जुगु धका धयादीसे उकिया कार्यान्वयन यायेगु निति आयोगं निरन्तर सरकारयात सुझाव बिया वयाच्वनागु दु धका धयादीगु खः। नेपाल सरकार ऊर्जा मन्त्रालयया सह–सचिव रुद्रसिंह तामाङं मातृभाषाया संरक्षण व प्रवर्धन यायेगु निति समुदाय नं छेँ निसे न्ह्याकेमाः धका धयादीगु खः। मातृभाषायात सरकारी कामकाजया भाषा घोषणा याना जक मगाः उकिइया निति माक्व शिक्षा व व्यवहारय् न छ्यलेमाः धका धयादीगु खः।

आदिवासी जनजाति उत्थान राष्ट्रिय प्रतिष्ठानया उपाध्यक्ष रेशम गुरुङं नीति दयके धुकुगु सा कार्यान्वयन जुइ मफुगु  तधःगु समस्या खः धका धयादीगु खः। बागमती प्रदेशय् नेपाल भाषा व तामाङ भाषायात सरकारी कामकाजया भाषा कथं न्ह्याकूगु उपलब्धिमूलक खः धका धयादुगु खः।

अथेहे भाषा आयोगया कार्यबाहक सचिव डा. लोकबहादुर लोप्चनं ‘प्रदेश सरकारी कामकाजया भाषा कार्यान्वयन, सयकेगु व भावी कार्यदिशा’ विषय कार्यपत्र प्रस्तुत यानादीगु खः। नेपाल आदिवासी जनजाति महासङ्घ सङ्घीय परिषद्या महासचिव दिवस राई न मातृभाषायात सरकारी कामकाजया भाषा कथं कार्यान्वयन याकेगु निति समाज हे सक्रिय जुइमाः धका धयादीगु दु। संघीयता व संविधान जनआन्दोलनया ऐतिहासिक उपलब्धि जुगु धका धयादीसे वयकलं बागमती प्रदेशय् नेपाल भाषा व तामाङ भाषा सरकारी कामकाजी भाषाया कथं कार्यान्वयन जुगु आदिवासी आन्दोलनया हे महत्वपूर्ण उपलब्धि खः धका धयादीगु खः।

नेपाल आदिवासी जनजाति पत्रकार महासङ्घ (फोनिज) या अध्यक्ष लक्की चौधरीं मातृभाषा पत्रकारिता प्रवर्धनय् राज्यया लगानी म्हो जुगु धका धयादीगु खः।दक्को मातृभाषा कार्यान्वयनय् हयेगु निति शिक्षा ख्यलय् विशेष बः बिइमाः धका धयादीगु खः।प्रशान्त मालीया सभाध्यक्षताय् जुगु उगु ज्याझ्वःया सहजीकरण फोनिजया सङ्घीय महासचिव समीर बलामीं यानादीगु खः। उगु ज्याझ्वलय् फोनिज उपत्यका प्रदेश समन्वय समितिया पदाधिकारी नाप सदस्य, नेवा राष्ट्रिय पत्रकार दबु व फोनिज आबद्ध पत्रकार तयेगु ब्बति दुगु खः।

 लिच्छिवीकालिन इतिहास नाप स्वाःगू ताम्रकार समुदाय यागु अध्ययन अनुसन्धान बालाक्क जुइमाः धका नेपालभाषा एकेडेमिका चान्सलर नाप नेवाः न्ह्यलुवाः मल्ल के सुन्दर धयादीगु खः।

ताम्रकार समाजया न्ह्यय् क्वःगु मंकाः मुज्या नाप नीछक्वःगु साधारणसभाय् मुँपाहा कथं झायादीम्ह नेवाः न्ह्यलुवाः मल्ल के सुन्दरं लिच्छवी जुजु अंशुवर्माया कैलाशकूट दरवारय् सिजःया पौ लगायतया सामाग्री दयकिगूलि ताम्रकार समुदाय न याःगु धका शिलालेखय् उल्लेख दुगुलि थुकिइ बालाक्क मालेगु ज्या यायेमाःगुलि बः बियादीगु खः। वयकलं ताम्रकार समाजं थीथी पंगः दथुइ आःतक याःगु संघर्ष मेमेगु खलः पुचलं प्रेरणाया श्रोत कथं न्ह्याः वनेमाः धका धयादीगु खः।

गौरवमय इतिहास ज्वनातःगु ताम्रकार समुदाय न थःगु मौलिक विशिष्ट शीपयात न्ह्यने यकेगुलि न्हुगु पुस्ता न लबः कया न्ह्यावनेमाः धका धयादीगु खः। ताम्रकार समुदाय न उत्पादन याःगु मू वःगु सामाग्री उत्पादन प्रविधी, शैलीयात अन्तराष्ट्रीय स्तरय् तक नक्कल याये मफइगु कथं पेटेन्टको अधिकार कया न्ह्यावनेमाः धका धयादीगु खः।

ताम्रकार समाजया अध्यक्ष बिनोद ताम्रकारया सभाध्यक्षताय् जुगु उगु ज्याझ्वलय् नेपालभाषा मंकाः खलः, यलया अध्यक्ष महेन्द्र महर्जन, यल नेवाः समाजया अध्यक्ष नानीकाजी शाक्य न भिंतुना न्वचु तयादीगु खः।समाजया निवर्तमान अध्यक्ष रविन्द्रराज ताम्रकारया न ब्बति दुगु उगु ज्याझ्वलय् जेष्ठ नागरिक सम्मान व एसइइ निसे स्नातकोत्तर तह उतिर्ण ताःलापिन्त न हने जुगु खः।