नेपाल चिकित्सक संघ (एनएमए) या ३० क्वःगु कार्यकारिणी समितिया निति चिकित्सकपि चुनावी मैदानय् कुहावःगु दु।

संघया निर्वाचनय् निगु पुचः प्रजातान्त्रिक व प्रगतिशील दथुइ चुनावी मैदानय् कुहावःगु दु। केन्द्रीय निर्वाचनया निति प्रगतिशील विचारधारया डा.मंगल रावलया नेतृत्व पुचलं दक्को प्यानलय् उम्मेदवारी दर्ता याःगु दु।

अध्यक्ष पदय् डा.मंगल रावल व वरिष्ठ उपाध्यक्ष पदय् डा.कीर्तिपाल सुवेदी उम्मेदवार ब्यूगु दु। अथेहे उपाध्यक्ष व प्रदेश संयोजक पदय् कोशी प्रदेशपाखे डा.टंक बाराकोटी, मधेश प्रदेशपाखे डा.उदय नारायण सिंह, बागमती प्रदेशपाखे डा.अरुण शाही, लुम्बिनी प्रदेशपाखे डा.सन्तोष पोखरेल, गण्डकी प्रदेशपाखे डा.यज्ञराज सिग्देल, कर्णाली प्रदेशपाखे डा. रविन खड्का व सुदूरपश्चिम प्रदेशपाखे डा. निरज अर्यालं उम्मेदवारी ब्यूगु दु।

अथेहे केन्द्रीय पदाधिकारीपाखे महासचिवय् डा.कालुसिंह खत्री, कोषाध्यक्षय् डा.चन्दनी जयसवाल, सहसचिवय् डा.रामजीवन प्रसाद व सहकोषाध्यक्षय् डा.सुवास गुरुङ ंउम्मेदवार ब्यूगु दु।दुजलय् डा.अमित झा, डा.अरुण उप्रेती, डा.निराजन तामाङ, डा.जेविना अन्सारी, डा.दिक्षा बोहरा व डा. पल्पसा श्रेष्ठं उम्मेदवारी दर्ता याःगु दु। संघया निर्वाचन कथं स्वनिगःपिने २ व ३ माघ नाप स्वनिगलय १५, १६ व १७ माघय् मतदान जुइ।

नेकपा एमालेया महाधिवेशनय् जुयाच्वंगु मतदानमय् आःतक १२ सय मत कुहावःगु दु। मतदान केन्द्रय् दुहावनिइगु ई न थपे याःगु दु।

महासचिव शंकर पोखरेलं बहनि ८ बजे तक धयातःगु खःसा आः १० बजे तक मतदान यायेगु ई थपे याःगु दु।

नेकपा (एमाले) आः जुयाच्वंगु ११ क्वःगु राष्ट्रिय महाधिवेशनय् आःतक ५३२ मत कुहावःगु दु।

नेतृत्व ल्यःगु निति थौ सुथय् ९ बजेनिसे न्ह्याःगु मतदानय् आःतक ५५२ मत कुहावःगु दु धका एमालेया निर्वाचन आयोगं जानकारी ब्यूगु दु। येँया भृकुटीमण्डपय् जुयाच्वंगु मतदानय् विद्युतीय भोटिङ मेसिनपाखे मतदान जुयाच्वंगु खः।

एमालेया १९ पदाधिकारी नाप ३०१ म्ह केन्द्रीय कमिटीया दुजःया निति ६४२ म्ह उम्मेदवार तयेस प्रतिस्पर्धा यानाच्वंगु खः। २ हजार २६३ प्रतिनिधिपिन्स तयेस राष्ट्रिय महाधिवेशनय ब्बति काःगु खः।

लुँया भाः थौ न थहावंगु दु। लुँ तोलां न्ह्यय्सः थहावनां २ लाख ५९ हजार ७ सय तका न कारोवार जुयाच्वंगु दु धका नेपाल सुनचाँदी व्यवसायी महासङ्घं धाःगु दु।

अथेहे वहः तोलां १ सय ७० तका थहावंगु दु।वहः तोला १ सय ७० तका थहावना ४ हजार ५५ तका न कारोवार जुयाच्वंगु दु धका महासङ्घं धाःगु दु।

विस्फोटक पदार्थ सम्बन्धी मुद्दाय् ज्वनातम्ह राजकुमार तामाङ (देवराज लामा) यात श्रम संस्कृति पार्टी न निलम्बन याःगु दु।

अनुसन्धान यायेगु झ्वलय् छु न पंगः मवयेमाः धका अनुसन्धानं छु न क्वःमछितले पार्टीया उपाध्यक्ष पदं निलम्बन जुगु दु धका अध्यक्ष हर्क साम्पाङं जारी याःगु विज्ञप्तिइ धयातःगु दु।

लामायात येँया कपनं नेपाल प्रहरीया केन्द्रीय अनुसन्धान ब्युरो (सीआईबी) न मंगलवाः ज्वंगु खः।२०८१ भदौ १४ गते जुगु बम विस्फोटय् छम्ह मचा सीउगु व निम्ह घाःपाः जुगु घटनाय् वयागु विरुद्धय् मुद्दा दायर याःगु खः।