नेवाः पत्रकार राष्ट्रिय दबूया प्यक्वःगु महाधिवेसन थ्व हे वइगु पुस २३ गते जुइत्यःगु दु।

उगु प्यक्वःगु महाधिवेसन यलय् जुइगु दु। प्यक्वःगु महाधिवेसनया निति तयार जुगु लोगो थौं छगु ज्याझ्वः दथुइ उलेज्या याइगु ज्याझ्वः दु धका दबुया नायः सुरजबीर बज्राचार्यं लहनान्युजयात जानकारी बियादीगु दु।

लोगो राकेश महर्जनं तयार यानादीगु खः।

नेवाः पत्रकार राष्ट्रिय दबू दोलखा शाखाया न्हूधाः जूगु दु । पत्रकार दबूया अध्यक्ष सुरज बीर बज्राचार्यं उलेज्या याना न्ह्यागु उगु ज्याझ्वलय् दबूया बरिष्ठ उपाध्यक्ष नृपेन्द्रलाल श्रेष्ठ, कोषाध्यक्ष सुरेन्द्रभत्त श्रेष्ठ, केन्द्रिय दुजःपि दानदास श्रेष्ठ व बिगेन तुलाधरपिनिगु न उपस्थिति दुगु खः।

उगु मुँज्यां अध्यक्षय् त्रिलोचन प्रधान सर्वसम्मतं ल्यःगु खः। अथेहे उपाध्यक्षय् रीना श्रेष्ठ, सचिवय् कृष्णनारायण श्रेष्ठ, कोषाध्यक्षय् अनुप श्रेष्ठयात ल्यःगु खः।

दुजलय् बालकृष्ण श्रेष्ठ, हेमा मानन्धर कृषा महर्जनपिन्त सर्वसम्मत कथं ल्यःगु खः।

दोलखा शाखाया न्हूधाः यायेगु नितिं निर्वाचन कमितिया संयोजकय् सुरेन्द्रभत्त श्रेष्ठ, दुजलय् दानदास श्रेष्ठ व बिगेन तुलाधरपि च्वनादीगु खः।

राष्ट्रिय आदिवासी जनजाति महिला महासंघ (निफ) या च्याक्वःगु राष्ट्रिय महाधिवेशन येँ सुरु जूगु दु।

येँया राष्ट्रिय नाचघरय् महिला, बालबालिका नाप ज्येष्ठ नागरिकमन्त्री उमा रेग्मीं छगु ज्याझ्वः दथुइ उलेज्या यानादीसे आदिवासी जनजाति मिसापिनिगु परम्परागत ज्ञान व सीपया संरक्षण, विकास व प्रवर्द्धनय् राज्यं म्हितेमाःगु भूमिकाय् प्रतिवद्धता यानादीगु खः।

वइगु स्वदँया निति न्हुगु नेतृत्व न ल्यइगु जुगु दु ।उगु महाधिवेशनं महासंघया ४८ म्ह सदस्य संगठनपाखे छम्ह प्रतिनिधि व छम्ह पर्यवेक्षक याना ९६ म्हेसिया ब्बति काःगु दु। महाधिवेशनंम्ह छम्ह अध्यक्ष, हिमाल, पहाड व तराईपाखे प्रतिनिधित्व दइगु कथं स्वम्ह उपाध्यक्ष व छम्ह महासचिव निर्वाचित जुइ।

अथेहे, अनसन्धन व सूचना नाप सञ्चार, विदेश व परियोजना, जनसम्पर्क व संगठन विस्तार व भाषा नाप संस्कृतिपाखे प्यम्ह सचिव नाप छम्ह कोषाध्यक्ष निर्वाचित जुइ।

निर्वाचन आयोगं प्रतिनिधि सभा व प्रदेश सभा सदस्य निर्वाचनया लिच्वः थौं प्रतिवेदन राष्ट्रपति विद्यादेवी भण्डारीयात लःल्हाइगु जुगु दु।

आयोग पदाधिकारीपिन्स थौं सुथय् १० बजे राष्ट्रपति भण्डारीयात नापलाना प्रतिवेदन लःल्हायेत्यःगु दु।

प्रमुख निर्वाचन आयुक्त दिनेशकुमार थपलियां निर्वाचनया लिच्वः घोषणा जूगु छवाः दुने राष्ट्रपतियात प्रतिवेदन पेस यायेमाःगु प्रावधान कथं थौं प्रतिवेदन पेस यायेत्यःनागु जानकारी बिःगु दु।

अथेहे प्रदेशया हकय् पुस २ गते प्रदेश प्रमुखयात निर्वाचनया प्रतिवेदन लःल्हाइगु धका धाःगु दु।

येँ महानगरपालिकाय् थौं ज्या मजुइगु जुगु दु।

येँ महानगरया केन्द्रीय कार्यालय नाप वया मातहतया दक्को विभाग÷आयोजना÷कार्यक्रम÷वडा कार्यालयहरू व एकाइ पाखे सेवा बन्द जुइगु दु।

थौं २८ क्वःगु महानगर दिवस विशेष रूपं हनेत्यःगु खः। थौं महानगर दिवसया लसताय् दकलय् लिपागु दिं बसन्तपुरय् तकिज ज्याः जुइगु दु।