राष्ट्रिय स्वतन्त्र पार्टीया सभापति रवि लामिछाने याःगु प्रतिनिधसभा सदस्य पद खारेज याये माःगु माग यासे सर्वोच्च अदालतय् रिट दायर याःगु दु।

सिन्धुली छेँ दुम्ह युवराज सफलं संवैधानिक इजलासय् दायर याःगु रिटय् रवि लामिछानेया सांसद पद व राष्ट्रिय स्वतन्त्र पार्टीया सभापति पद खारेज यायेमाःगु माग याःगु दु।

उगु रिटय् रवि लामिछाने, राष्ट्रिय स्वतन्त्र पार्टी, निर्वाचन आयोग, संघीय संसद व जिल्ला प्रशासन कार्यालय येँयात विपक्षी दयकूगु खः।

चितवन–२ पाखे प्रतिनिधिसभा सदस्यय् निर्वाचित लामिछाने न थः यःथे अमेरिकाया नागरिकता कयातःम्हं नेपाली नागरिकता कायम मजुगु अवस्थाय् उम्ह मनूखं पदाधिकारी जूया दल दर्ता याःगु, उम्मेदवारी बिःगु व निर्वाचित तक जूगु धासे रिटय् निर्बाचन आयोगं संबिधान व ऐनया गम्भीर उल्लङ्घन याःगु  दावी याःगु खः।

दिनेश थपलिया निर्वाचन आयोगं छगु दलया अध्यक्षं मेगु दलपाखे सांसद जुइ ज्यू वा मज्यू विषय कानुनी प्रष्टता मजू धका धयादीगु दु।

उकि थुगु विषय सम्बन्धित मनू न नैतिकतानाप स्वाइगु प्रमुख निर्वाचन आयुक्त दिनेश थपलियां धयादीगु दु। नेपाल परिवार दलया अध्यक्ष एकनाथ ढकाल समानुपातिक निर्वाचन पद्धतिपाखे नेकपा एमालेया सांसदय् निर्वाचित जूगु खः।

बुधबाःआयोगं ग्वसाः ग्वःगु पत्रकार सम्मेलनय् पत्रकारपिन्स छगु दलया मनू मेगु दलया सांसद जूइ दइला धका न्यःगु खः।

उकिया लिसलय् प्रमुख आयुक्त थपलिया धाःगु दु, ‘छगु दलया अध्यक्ष मेगु दलया निर्वाचन चिं ज्वना ल्वायेगु व समानुपातिक पाखे निर्वाचित जुइ दइकि मदइ धइगु विषय कानुनय् प्रष्ट मदु थ्व नैतिकतानाप स्वागू विषय खः ।’ अय्न, थुगु विषय वइगु दिं छलफलया विषय जुइ धका धयादीगु दु।

नेपाल प्रज्ञा–प्रतिष्ठानं ‘प्रज्ञा नेपालभाषा–नेपाली–अंग्रेजी शब्दकोश’ प्रकाशनया तयारी याःगु दु।

निर्माण समितिं प्रतिष्ठानया प्राज्ञ योगेन्द्रप्रसाद यादव व निमित्त सदस्यसचिव हेमनाथ पौडेलयात उगु कोशया पाण्डुलिपि बुझे याःगु दु।

नेपालभाषा शब्दकोश निर्माण संयोजक भाषाशास्त्री प्रा. तेजरत्न कंसाकार, कार्यकारी सम्पादक प्रा. ओमकारेश्वर श्रेष्ठ व सम्पादक सुरेशकिरण मानन्धर नाप रमेशकाजी स्थापितपिन्स उगु ज्या यानादीगु खः।

नेपाल भाषाया १० हजार स्वया अप्पो मूल शब्दप्रविष्टि दुगु खः। उकियात नेपाली व अंग्रेजीइ अनुवाद तक याःगु दु। अथेहे नेaपाली–नेपालभाषा शब्दसूची, अंग्रेजी–नेपालभाषा शब्दसूचीतक दुथ्याका तःगु दु।

सर्वोच्च अदालत बार एशोसिएशनं सरकार न गम्भीर प्रकृतिया फौजदारी कार्यविधि संहिताय् ह्यूपाः हयेगु निति हयेत्यःगु अध्यादेशया आपत्ति प्वकूगु दु।

काम चलाउ सरकार याःगु उगु निर्णय तत्काल फिर्ता लित कायेत सरकारयात इनाप याःगु दु। बारया सचिव ऋषिराम घिमिरे न जारी याःगु विज्ञप्तिइ धाःगु दु, ‘..मुलुकी फौजदारी कार्यविधि संहिताय् ह्यूपाः हयेगु निति अध्यादेश हयेत्यःगु थ्व हे निर्णय यासे मंसिर २६ गते प्रमाणिकरणया लागि राष्ट्रपतिसमक्ष पेश याःगुलि बार एशोसिएशनं गम्भीर रुपं ध्यानाकर्षण जुगु दु।

‘ प्रतिनिधिसभाया निर्वाचनपाखे निर्वाचित जूपि सांसदपिनिगु न्हापागु अधिवेशन च्वने हे मलायेवं काम चलाउ सरकारं कानुनय् हे संशोधन याना अदालतय् विचाराधीन गम्भीर प्रकृतिया फौजदारी मुद्दा लित कायेगु उद्देश्यं प्रमाणिकरणया लागि राष्ट्रपतिसमक्ष पेश याना अध्यादेशं संवैधानिक सर्वोच्चता, विधिया शासन, कानुनी मुल्य व मान्यता, फौजदारी कानुनया स्थापित सिद्धान्त व सम्मानित सर्वोच्च अदालतपाखे प्रतिपादित सिद्धान्तया उपहास जूगु बारं ठहर याःगु दु।

लुँ तोलां थौं निसः कुहावःगु दु।

लुँ तोलां निसः कुहावया थौं १ लाख रुपैयाँ थ्यःगु दु ।थौं वहःया भाः धासा स्थिर जुगु दु।

वहः तोलां थौ न १ एक हजार ३ सय ९० रुपैयाँय् कायम जूगु दु धका नेपाल सुनचाँदी व्यवसायी महासंघं धाःगु दु।