बागमती प्रदेश सभाया सांसद नाप पुर्वमन्त्री डा.अजयक्रान्ति शाक्यया अबुु रत्न काजी शाक्य मन्त।

वयकः थौं शनिवाः ८६ दँय् आकाझाकां मदुगु खः।

मदुम्ह शाक्यया अन्तिम संस्कार थौ हे पशुपति आर्यघाटय् क्वचाःगु दु।

वंगु २४ घण्टाया दुने देयन्यक २६३ म्हेसित कोरोना भाइरस संक्रमण पुष्टि जूगु दु। अथेहे कोरोना सक्रमणं निम्हेसिगु ज्यान वंगु दु।

स्वास्थ्य तथा जनसंख्या मन्त्रालयया कथं ३ हजार १६५ परीक्षण याःगूलि २६३ म्हेसित संक्रमित जूगु धका धाउगु दु। १ हजार ३९९ म्हेसिगु पीसीआर परीक्षण याःगूलि १६२ म्ह व १ हजार ७६६ म्हेसिगु एन्टिजेन परीक्षणय् १०१ म्हेसित संक्रमण पुष्टि जूगु खः।

अथेहे २४ घण्टाय् ५०१ म्ह कोरोना संक्रमणमुक्त जूगु दु।

संस्कृति पर्यटन तथा नागरिक उड्डयनमन्त्री जीवनराम श्रेष्ठं न्हुगु संविधानं आदिबासी जनजातिया यक्को माग सम्बोधन जूगु धका धयादीसे कार्यान्वयनय् दवाव बिइत पत्रकार नाप सञ्चारमाध्यमपिन्त इनाप यानादीगु दु।

नेपाल आदिबासी जनजाति पत्रकार महासंघ (फोनिज) या २३ क्वःगु स्थापना दिवसया लसताय् जूगु ज्याझ्वलय् अथे धयादीगु खः। फोनिजया २३ क्वःगु स्थापना दिवसया लसताय् प्यम्ह पत्रकारपिन्त सम्मान याउगु खः। सम्मानित जूपि वरिष्ठ पत्रकार गोपाल देवान, अनिता गुरुङ, राजु चौधरी, अप्सरा समाल व वान्तावा राई भाषाया पत्रिका ‘बुङ्वाखा’ मासिक खः। सम्मानित जूपि पत्रकारपिन्त हनापौं नाप नगद २० हजार लःल्हाःगु खः। अथेहे फोनिजं संस्थाया स्वम्ह पूर्व अध्यक्षपिन्त न हंगु खः।

फोनिजया संस्थापक अध्यक्ष चन्द्रसिंह कुलुङ, पूर्व अध्यक्ष खिम घले, पूर्व अध्यक्ष मोहनसिंह लामापिन्त हंगु खः। मन्त्री श्रेष्ठं पत्रकारपिन्त हनापौ लःल्हानदीगु खः।

फोनिजया अध्यक्ष गजुरधन राईया सभाध्यक्षताय् जूगु उगु ज्याझ्वलय् आदिबासी जनजाति उत्थान राष्ट्रिय प्रतिष्ठानया उपाध्यक्ष गोकुल घर्ती, जनजाति महासंघया अध्यक्ष गेल्जे शेर्पा, पत्रकार महासंघया अध्यक्ष बिपुल पोखरेल, जनजाति महिला महासंघया शान्ति देवान, नेपाल प्रेस युनियनया अध्यक्ष शिव लम्साल, प्रेस चौतारी नेपालया उपमहासचिव सुरोजंग पाण्डे, प्रेस सेन्टर नेपालया अध्यक्ष विष्णु सापकोटा, समाजवादी प्रेस संगठनया वरिष्ठ उपाध्यक्ष विश्वमणि सुवेदी, फोनिजया संस्थापक अध्यक्ष चन्द्रसिंह कुलुङ, पत्रकार गोपाल देवान, फोनिजया निवर्तमान अध्यक्ष डण्ड गुरुङ, वरिष्ठ उपाध्यक्ष लक्की चौधरी लगायतपिन्स न सुभाय् न्वचु तयादीगु खः।

नेपाल आदिवासी जनजाति पत्रकार महासघं ( फोनिज ) चितवनं नेवाः पत्रकार राष्ट्रिय दबूया उपाध्यक्ष नाप स्वास्थ्य दर्पण मिडिया नेटवर्कया सम्पादक सन्दिप कुमार श्रेष्ठयात सम्मान याउगु दु।

फोनिजया २३ क्वःगु स्थापना दिवसया लसताय् शुक्रबाः भरतपुरय् जूगु छगु ज्याझ्वः दथुइ संस्थाया निवर्तमान अध्यक्ष श्रेष्ठयात सम्मानित याःगु खः।

श्रेष्ठं ( फोनिज) चितवन निदँतक कार्यवाहक अध्यक्ष व छगु कार्यकाल अध्यक्ष जूया सफल नेतृत्व याःगूलि सम्मान याःगू खः।

ज्याझ्वःया मूपाहाँ इच्छाकामना गाउँपालिकाया अध्यक्ष दान बहादुर गुरुङ नेपाल पत्रकार महासघं चितवनया उपाध्यक्ष प्रमिता ढकाल व फोनिजया शाखा अध्यक्ष रमेश राना मगरपिन्स मंकाः कथं हंगू खः।

उगु ज्याझ्वलय् कालिका एफएमकी संचारकःमि आशिका थापामगरयात न सम्मान याःगु खः।

यलय् मतया सुरु जुइ धूकुगु दु। थौं सुथय् ४ बजे कोबहालःनिसे मतया सुरु जूगु खः। दँय् दँसं सापारुया कन्ह्य कुन्हु यलय् मतया जुइगु खः।

यलया थीथी थासय् दुने द्यः नाप चिभा द्यःया पूजा यायेगु याइगु खः। मतया कुन्हु बौद्ध धर्मावलम्बीपिन्स दँच्छिया दुने मनू सीपिनिगु छेँ जःपिन्स वा, जाकि, ध्यवा नाप थीथी दान बिया मत च्याका चाःहिलेगु याइ।

कोबहालं न्ह्यागू थुगु मतया चकबहिः, टङ्गं, लगंख्यः, हख बहाः, पूर्णचण्डी, बुबहाः, गाबहाः, नबहीइ, श्रीबहाः, नःत्वाः, पुल्चोक, नागबहाः जुया हाकन कोबहालय् थ्यका क्वचाइ।

मतया लिच्छवि जुजु बालार्चनदेवया पालानिसे सुरु जुगु धइगु विश्वास यानातःगु दु।