वंगु २४ घण्टाया दुने देयन्यक थप ७८१ म्हेसित कोरोना संक्रमण पुष्टि जूगु दु। अथेहे निम्ह कोरोना सक्रमणं सीउगु दु।

स्वास्थ्य तथा जनसंख्या मन्त्रालयया कथं ४ हजार ७१२ म्हेसिगु परीक्षण याउगुलि ७८१ म्हेसित संक्रमण पुष्टि जूगु दु।

मन्त्रालयया कथं २ हजार २१९ म्हेसिगु पीसीआर परीक्षण याउगुलि ४१९ म्ह व २ हजार ४२२ म्हेसिगु एन्टिजेन परीक्षणय् ३६२ म्हेसित संक्रमण जूगु दु धका मन्त्रालयं धाउगु दु।

थ्व नाप कोरोना भाइरसया सक्रिय संक्रमितपि ५ हजार ७७५ म्ह थ्यःगु दु। २४ घण्टाया दुने ५११ म्ह संक्रमणमुक्त जूगु दु।

थौ ख्वपय् साया तःजिक हःगु दु। कोरोना भाइरसया महामारी कारण निदँ निदँ तक औपचारिकता कथं हंगु खः।

ख्वपय् थौं सुथंनिसे साः, कन्या व चाया साः दयका त्वाः त्वालय् चाहिइगु खः। ख्वपय् साया मू आकर्षण धइगु हे घिन्ताङकिसी प्याखं, माकः प्याखं स्वयेत स्वनिगः थीथी थासं वयेगु याः।

थौंया मू जात्रालिपा न न्ह्यः न्हु तक घिन्ताङकिसी प्याखं व व्यङ्ग्य प्रदर्शन यायेगु याइ।

किपा बालकृष्ण डंगोल

सरकारं थीथी सचिवयात हेरफेर याउगु दु।

बिहीबाः सिंहदरबारय् च्वंगु मन्त्रिपरिषदया बैठकं अर्थ मन्त्रालय राजस्व सचिव कृष्णहरि पुष्करयात अर्थ सचिवया जिम्मेवारी बिगू दु।

राजस्व सचिव सुदूरपश्चिम प्रदेशया प्रमुख सचिव रामेश्वर दंगालयात सरुवा यागू दु। बैठकं संस्कृति, पर्यटन नाप नागरिक उड्ययन मन्त्रालयया सचिव याउगु जिम्मेवारी संघीय मामिला तथा सामान्य प्रशासन मन्त्रालयया सचिव सुरेश अधिकारीयात बिगू दु।

सुदूरपश्चिम प्रदेशया प्रमुख सचिव दंगालयात राजस्व सचिवया जिम्मेवारी बिइवं सुदूरपश्चिम प्रदेश प्रमुख सचिवविहिन जूगु दु।

आः च्वनिइगु मन्त्रिपरिषद बैठकं खालि जुगु छम्ह सचिव पदय् बढुवा जूम्ह मनूयात सुदूरपश्चिम प्रदेश प्रमुख सचिवया जिम्मेवारी बिइगु तयारी दु।

शेयर बजाः थौं बिहीवाः न घटे जूगु दु। शेयर बजार परिसूचक नेप्से थौं १९ दशमलव शून्य ६ अङ्कं घटे जूया २ हजार ३७ दशमलव ८३ विन्दुइ कुहावंगु दु।

थौं दक्को समूहया शेयर घटे जूसा उत्पादन, बीमा, फाइनान्स व माइक्रोफाइनान्स समूहया शेयर तसकं थहावंगु दु। २२३ कम्पनीया ६२ लाख ९८ हजार कित्ता शेयर १ अर्ब ७६ करोड १० लाख रुपैयाँया कारोबार जूगु दु।

दकलय् अप्पो शिवम् सिमेन्ट्सया ७ करोड २७ लाख रुपैयाँया शेयर किनबेच जूगु खः। थौं युनिलिभर नेपालया शेयर ८ प्रतिशत स्वया अप्पो व बुद्धभूमि नेपाल हाइड्रोया शेयर साढे ७ प्रतिशतं घटे जुगु खः समग्र बजाः कुहावंसा हिमालयन हाइड्रोपावर व अपर हेवा खोला जलविद्युतया शेयर १० प्रतिशतं थहावंगु दु।

फोहोर व्यवस्थापन बालक्क मयाउगु धासे थौं च्वंगु कार्यपालिकाया बैठकय् वडाध्यक्षपिन्स येँ महानगगरपालिकाया मेयर बालेन्द्र (बालेन) साह याउगु आलोचना जूगु दु।

थौं च्वंगु नगर कार्यपालिकाया बैठकय् वडाध्यक्षपिन्स मेयर बालेन याकचा वने स्वंगु, सहकार्य मयाउगु, फोहोर व्यवस्थापन सम्बन्धी ज्याया बारे जानकारी मबिउगु धका आलोचना याउगु खः।

थौं बिहीबारया कार्यपालिका बैठकय् कार्यपालिका सदस्यपिन्स फोहोरया विषय जक छलफल जूगु खः। वडा नम्बर १० या अध्यक्ष रामकुमार केसीं मेयर याकचा जक वना समस्या समाधान जुइ मखु धका धाउगु खः।

‘मेयर साब मन्त्रालय वनिइ, सिसडोल वनिइ, गन गन वना फोहोर सम्बन्धी खँ ल्हानाच्वंगु दु’ वयकलं धाउगु दु, ‘उगु ज्या यायेत थःगु टिमयात कया गुवलय् वनगु दु? जिमित जक मखु, फोहोर मैलाया टिमयात न्यना न मस्यू।’ मेयर असफल जुलकि धइगु महानगरपालिकाया जनप्रतिनिधिपि हे असफल जुइ धका धयादीसे स्वतन्त्र निर्वाचित जूसा थःपि मेयरनापं दु धका केसीं धाउगु दु।

निर्वाचित ७० दिं दुसा फोहोर व्यवस्थापन याये फयाच्वंगु मदुनि।