स्याङ्जा २ य् काग्रेसया उम्मेदवार धनराज गुरुङं ६ हजार ६५ मत हया न्ह्यने लानाच्वंगु दु।

अथेहे एमाले उम्मेदवार पदमा अर्यालं ४ हजार ७६५ मत हःगु दु। गुरुङ व अर्यालया दथुइ १ हजार ३०० मत फरक जुयाच्वंगु दु।

राष्ट्रिय स्वतन्त्र पार्टीका टिकराज गुरुङं १ हजार ५७५ मत हःगु दु। नेकपा एमालें धाँधली जुगु धासे हाकन मतदानया माग यासे १२ दिं निसे मतगणना दिनाच्वंगु खः।

निर्वाचन आयोगं हाकन मतदान मयायेगु निर्णय यायेवं बुधबाः चान्ह्यनिसे जक मतगणना सुरु जूगु खः।

सुनसरी क्षेत्र नम्बर ४ य् कांग्रेस उम्मेदवार ज्ञानेन्द्रबहादुर कार्की विजयी जूगु दु।

सञ्चारमन्त्री तक जुयादीम्ह कार्की एमाले उम्मेदवार जगदीशप्रसाद कुसियैतयात पराजित यासे विजयी जूगु खः।

निर्वाचन आयोगं आधिकारिक रूपं विजयी घोषणा याये धाःसा ल्यःदनिइ। सञ्चारमन्त्री कार्की कुसियैत स्वया ११२ मत अप्पो हया विजयी जूगु खः।

कार्की न ३० हजार ४ सय ८३ मत हःगु खःसा। एमाले उम्मेदवार कुसियैत न ३० हजार ३ सय ७१ मत हःगु खः।

प्रतिनिधिसभा सदस्यतया लागि जुयाच्वंगु सुनसरी क्षेत्र नम्बर ४ य् एमालेया जगदिशप्रसाद कुसियैत न्ह्यने लानाच्वंगु दु।

उगु थासय् नेपाली कांग्रेस व नेकपा एमाले दथुइ कडा प्रतिस्पर्धा जुयाच्वंगु दु ।

लिपागु मतपरिणाम कथं एमालेया उम्मेदवार कुसियैत २९ हजार ९६६ मत हया न्ह्यने लानाच्वंगु दु। अथेहे नेपाली कांग्रेसया ज्ञानेन्द्रबहादुर काकी न २९ हजार ९३९ मत हःगु दु ।

स्याङ्जा क्षेत्र नम्बर–२ य् मतदान जुगु झीन्हु लिपा जुगु मतगणनाय् नेकपा एमालेया पद्माकुमारी अर्याल न्ह्यने लानाच्वंगु दु।

एमालेया अर्यालं २ हजार ३०४ मत हये धुकुगु दु सा गुरूङं १ हजार ७०३ मत हःगु दु। अथेहे राष्ट्रिय स्वतन्त्र पार्टीया टीकराज गुरूङं ३९९ मत हःगु दु।

चापाकोटया प्यंगु बुथ कांग्रेसं एकलौटी बुथ कब्जा यासे फर्जी मत क्वफागु धासे एमाले, राप्रपा व राष्ट्रिय स्वतन्त्र पाटीं हाकन मतदान यायेगु माग यागु खः।

काठमाडौं उपत्यका विकास प्राधिकरणं सरकारी व ऐलानी जग्गा अतिक्रमण याना तःगु दक्को संरचना ३५ दिं दुने चिइकेत धाःगु दु।

प्राधिकरणं थौं छगु सूचं जारीयासे स्वनिगः दुने सरकारी, पर्ति, ऐलानी, नाप खुँसिइ दुने मापदण्ड बमोजिमया जग्गा अतिक्रमण याना निर्माण यानातःगु संरचना ३५ दिं दुने चिइकेत धाःगु दु।

अवैध संरचना ३५ दिं दुने मचिइकूसा प्राधिकरणं चिइकिइगु व उगु खर्च तक सम्बन्धित मनू वा संस्थापाखे पूइकेगु चेतावनी बिःगु दु।