लुँ तोलां थौं न्यासः कुहावंगु दु। लुँ तोलां न्यासः कुहावया ९६ हजार ६ सय रुपैयाँ न कारोवार जूगु दु धका नेपाल सुनचाँदी व्यवसायी महासङ्घं धाउगु दु।

अथेहे थौं वहः तोला न न्यातका कुहावंगु दु। वहः तोलां न्यातका कुहावया १ हजार २ सय २५ रुपैयाँ न कारोबार जूगु दु धका महासङ्घं धाउगु दु।

लिपागु इलय् चित्तवनय् कोरोना सङ्क्रमण अप्पोया वनेगु सुरु जुगु दु। आःतक सक्रिय सङ्क्रमितपि १०८ म्ह थ्यने धुकुगु दु। स्वास्थ्य कार्यालय चितवनया कथं सङ्क्रमित मध्ये खुम्ह अस्पतालय् १०२ म्ह होम आइसोलेशनय् च्वनाच्वंगु दु।

सक्रिय सङ्क्रमितमध्ये ९० म्ह भरतपुर महानगरपालिका, न्ह्यम्ह खैरेनी नगरपालिका च्वपि खः। अथेहे माडी नगरपालिकाय् छम्ह, रत्ननगर नगरपालिकाय् निम्ह, राप्ती नगरपालिकाय् छम्ह, कालिका नगरपालिकाय् छम्ह सङ्क्रमित जुगु दु धका कार्यालयं धाउगु दु। इच्छाकामना गाउँपालिकाय् खुम्ह सक्रिय सङ्क्रमितपि दु।

जनस्वास्थ्य अधिकृतया कथं असार २२ गतेनिसे जिल्लाय् सङ्क्रमण खनेदुगु खः। अथेहे छम्हेसिगु ज्यान वंगु दु। थ्व नाप उगु जिल्लाय् कोरोनाया कारण सीपि ४५० म्ह थ्यःगु दु धका कार्यालयया तथ्याङ्कय् दु। जिल्लाय् आःतक ३३ हजार ८१४ म्हेसित कोरोना पुष्टि जुइ धुकुगु दु।

चीनय् जनावरपाखे मनूयात छगु भाइरस सरे जूगु पुष्टि जूगु दु। ३५ म्ह मनूतयेत थुगु भाइरस संक्रमण पुष्टि जुइवं थुगु भाइरसयात निगरानी यायेत चिनियाँ वैज्ञानिकपिन्स धाउगु दु।

चीनया वुहानं हलियकं फैलै जुगु कोरोना भाइरसया महामारी मजुवं हाकनं चीनया हेनान व साङदोङ प्रान्तय् नोबल लाङ्ग्या हेनिपा भाइरस (लेभी) पुष्टि जूगु दु। लेभी जुनोटिक भाइरस खः।

थुगु भाइरसं संक्रमित जूपिन्त ज्वरो वइगु, मूसु वइगु व थाके जुइगु थे जाःगु लक्षण खने दुगु खः। न्यू इङ्ल्याण्ड जर्नल अफ मेडिसिनय् प्रकाशित जूगु रिपोर्ट कथं श्रु धाउगु तिँछु प्रजातिया जनावरं थुुगु भाइरस २७ प्रतिशत खनेदुगु दु।

अथेहे खिचापाखे ५ प्रतिशत व च्वलेचा पाखे २ प्रतिशत खनेदुगु खः।

थौं बुधवाः न शेयर बजाः घटे जूगु दु। शेयर बजाः परिसूचक नेप्से थौं ५ दशमलव ११ अङ्कं घटे जूया २ हजार ५७ दशमलव ६८ विन्दुइ कुहावंगु दु।

थौं उत्पादन व लगानीबाहेक दक्को समूहया शेयर कुहावंगु दु। नेप्से नाप कारोबार रकम न कुहावंगु दु। २१८ गु कम्पनीया ४६ लाख ४० हजार कित्ता शेयर १ अर्ब ९३ करोड ५५ लाख रुपैयाँ जक कारोबार जूगु दु।

दकलय् अप्पो नागरिक लगानी कोषय् १० करोड ६८ लाख रुपैयाँया शेयर किनबेच जूगु खः। थौं हिमालयन एभरेस्ट इन्सुरेन्सया शेयर १० प्रतिशतं घटे जूगु दु।

अथेहे हिमालयन पावर पार्टनर, गुडविल फाइनान्स, लक्ष्मी लघुवित्त, कर्णाली विकास बैंक, मञ्जुश्री फाइनान्स व रिभर फल्स कम्पनीया शेयर ३ प्रतिशत स्वया अप्पो घटे जूगु दु।

समग्र बजाः घटे जूसा हिमालयन हाइड्रोपावरया शेयर धाःसा १० प्रतिशतं थहावंगु दु।

वंगु २४ घण्टाया दुने देयन्यक थप ८६८ म्हेसित कोरोना संक्रमित जूगु दु। कोरोना सक्रमण थौं स्वम्ह सीउगु दु।

स्वास्थ्य तथा जनसंख्या मन्त्रालयया कथं ६ हजार ७०५ म्हेसिगु परीक्षण याउगलि ८६८ म्हेसित संक्रमण पुष्टि जूगु दु। स्वास्थ्य मन्त्रालयया कथं ३ हजार ६१४ म्हेसिगु पीसीआर परीक्षण याउगलि ४९६ म्ह व ३ हजार ९१ म्हेसिगु एन्टिजेन परीक्षण याउगुलि ३७२ म्ह संक्रमण जूगु दु धका मन्त्रालयं धाउगु दु।

अथेहे बुधबाः कोरोना संक्रिय संक्रमितपि ८ हजार ८८५ म्ह थ्यःगु दु। २४ घण्टाय् ४१४ म्ह संक्रमणमुक्त जूगु दु।