येँया थापाथलीस्थित बागमती सिथय् च्वंगु सुकुम्बासी बस्ती खाली यायेत वःगु महानगरया नगर प्रहरी प्रमुखनाप ३६ म्ह घाःपाः जुगु दु।

सुकुम्बासी बस्ती खाली यायेत वःगु महानगरका नगर प्रहरी प्रमुख राजु पाण्डेया टोली थापाथलीइ वःगु खः। सुकुम्बासी बस्तीइ स्थानीयपिन्स प्रतिकार यायेगु झ्वलय् पाण्डेया छ्यं तज्याःगु दु सा मेपि नगर प्रहरी सामान्य घाःपाः जुगु खः।

नगर प्रहरी उपरीक्षक दिनेश अर्यालया कथं प्रहरीपिन्त आप्पां क्यकूलि नगर प्रहरीपि घाःपाः जुगु खः। घाःपा जूपि निम्ह वीर अस्पताल व मेपिन्त थापाथलीस्थित नर्भिक अस्पतालय् उपचार यानाच्वंगु दु।

घाःपाः जूपि अप्पो थे न्हुगु भर्नाजूपि नगर प्रहरीपि खः।

इलाम १ य् नेकपा एकीकृत समाजवादीया नेता नाप पूर्वप्रधानमन्त्री झलनाथ खनालयात बूका नेकपा एमालेया महेश बस्नेत विजयी जूगु दु।

खनाल २ हजार ९५७ मतं बस्नेतनापा बूगु खः। बस्नेतं २५ हजार ६९९ मत हःगु खःससा खनालं २३ हजार ४५ मत हःगु खः।

सुनसरी १ य् जनता समाजवादी पार्टीया अशोककुमार राई निर्वाचित जूगु दु।

राई राष्ट्रिय स्वतन्त्र पार्टीया गोमा तामाङयात पराजितयासे प्रतिनिधि सभा सदस्यय् निर्वाचित जूगु खः। राई न १७ हजार ५९ मत हःगु खःसा तामाङं १६ हजार ६०६ मत हःगु खः।

अथेहे माओवादीया मुक्सामहाङ्ग सुब्बां १३ हजार ८७ मत हःगु खः। राप्रपाया अशोककुमार राई न ७ हजार ८८४, एमालेपाखे विद्रोह यना स्वतन्त्र उम्मेदवारी बिउम्ह मनोजकुमार मेयाङ्गबो न ७ हजार ८१२, स्वतन्त्र तर्कबहादुर मगरं ३ हजार ८१८, कुमार कार्कीं १ हजार ८६४, मातृकाप्रसाद भट्टराई न १ हजार ७६० मत हःगु खः।

नेपाली कांग्रेस नेता प्रकाशमान सिंह न थौं नेकपा एमालेया अध्यक्ष केपी शर्मा ओलीयात वयकःया निवास बालकोट नापलावंगु दु।

येँया १ पाखे प्रतिनिसभा सदस्यय् निर्वाचित जूम्ह सिंह थौं आइतबाः बहनि ५ बजेय् बालकोट नापालागु खः।

थौं नाप लायेगु झ्वलय् ओलीं प्रकाशमान सिंहयात भिंतुना बिःगु धका सिहंया प्रेस संयोजक यूपी लामिछाने न धाःगु दु।

प्रतिनिधिसभा निर्वाचनया सुनसरी–२ य् नेकपा एमालेया भीम आचार्यं निर्वाचित जुगु दु।

आचार्यं ३२ हजार ८ मत हया निर्वाचित जुगु खः। निकटतम् प्रतिद्वन्द्वी नेपाली कांग्रेसया सीताराम मेहतां २६ हजार ५८ मत हःगु खः।