नर्भिक अस्पतालं सरकारी जग्गाय् अवैध संरचना दयकूगु विषय अध्ययन यायेत येँ महानगरपालिका व अस्पतालया प्राविधिकसहितया अध्ययन समिति गठन यायेगु सहमति जूगु दु।

महानगरं नर्भिकं सार्वजनिक जग्गाया संचरना हटे यायेत २४ घण्टे अल्टिमेटम बिउगुु तत्काल अल्टिमेटम कथं संरचना मथुनेगु जुगु दु।

मंगलबाः येँ महानगरपालिकाया मेयर बालेन्द्र शाह अस्पतालय् वना महानगरपालिका व अस्पतालका प्राविधिकपि च्वना प्राविधिकपिनिगु निर्देशन कथं न्ह्यावनेगु सहमति जूगु दु। शाहं न प्राविधिपिन्स बिउगु सुझाव कथं ३० निसे ३५ दि दुने संरचना व्यवस्थापन यायेमाः धका धाउगु दु। अस्पतालया अध्यक्ष राजेन्द्रबहादुर सिंहं सरकारनाप जुगु जग्गा लिजया सम्झौताया पूर्ण रुपं पालना यानच्वनागु दु।

वयकलं आः न अस्पताल नाप सम्झौता जूगु कथं च्यादँ ल्यःदनिइ। अध्यक्ष सिंहं महानगर व अस्पतालया प्राविधिकपिनिगु समितिं बिउगु सुझाव कथं न्ह्यावनेगु जुइ धका धाउगु दु।

नर्भिक अस्पतालं लिजय् कयातःगु १ रोपनी ८ आना जग्गा पश्चिमपाखे सम्झौता विपरीत व नक्शा पास मयासे टहरा दयकूगु धका महानगरं द्धपः बिउगु खः।

नेपाल समाजवादी पार्टीया अध्यक्षपि डा. बाबुराम भट्टराई व महेन्द्र राय यादव प्रधानमन्त्री शेरबहादुर देउवायात नापलायेत बालुवाटारय् वंगु दु।

मंगलबाः न्हिनय् बालुवाटार वना समाजवादी पार्टीया केन्द्रीय सदस्य विश्वदीप पाण्डे न जानकारी बिउगु दु। जनता समाजवादी पार्टीपाखे अलग जूपि भट्टराई व यादवं नकतिनि हे न्हुगु पार्टी गठन याउगु खः।

समसामयिक राजनीतिक विषय, गठबन्धन, चुनावी तालमेल लगायतया विषय छलफल जुइ धका पाण्डे न जानकारी बिउगु खः।

येँ महानगरपालिकाया मेयर बालेन्द्र साह (बालेन) न नर्भिक अस्पतालं दयकूगु संरचना हटे यायेत मानवीय संवेदनाया आधारय् ई बियागु धका धाउगु दु।

मंगलबाः न्हिनय् नर्भिक अस्पताल वना बालेनं सामाजिक सञ्जाल फेसबुक पाखे स्पष्टीकरण बिउगु दु, ‘कानुन सकसिगु लागि बराबर खः धइगुलि जिपि प्रष्ट दु।

सतकय् जुइमा वा महलय् जुइमा, कानुनया पालना बराबर किसिमं जुइमाः। नर्भिक अस्पतालय् कानुनया पालना यायेत ई बियागु दु।’ नर्भिक अस्पतालं भाडाय् कया १ रोपनी ८ आना जग्गाय् नक्सापास मयासे संरचना दयकूगुलि येँ महानगरपालिकां सोमबाः २४ घण्टा दुने थुकनेत अल्टिमेटम बिउगु खः।

वया लिपा मंगलबाः न्हिनय् बालेन थः हे अस्पतालय् वंगु खः। वयालिपा नर्भिक अस्पतालया अध्यक्ष राजेन्द्रबहादुर सिंहं अस्पतालया सेवा प्रभावित जुइ धका धासे तत्काल संरचना थुनेफइ मखु धका धाउगु खः।

वयालिपा मेयर बालेन व अस्पताल प्रशासन दथुइ येँ महानगरपालिका व अस्पतालया प्राविधिकं तोके याउगु इलय् हे संरचना थुनेयेगु सहमति जूगु खः।

वंगु २४ घण्टाया दुने देयन्यक थप १०९० म्हेसित कोरोना संक्रमण पुष्टि जुगु दु।

अथेहे कोरोना संक्रमणं निम्हेसिगु ज्यान वंगु दु। स्वास्थ्य तथा जनसंख्या मन्त्रालयया कथं ६ हजार ३०० म्हेसिगु परीक्षण याउगुलि १०९० म्हेसित संक्रमण पुष्टि जूगु खः।

उकि मध्ये २ हजार ९५८ म्हेसिगु पीसीआर परीक्षण याउगुलि ६५० म्ह व ३ हजार ३४२ म्हेसिगु एन्टिजेन परीक्षण याउगुलि ५३० म्हेसित संक्रमण पुष्टि जूगु धका मन्त्रालयं धाउगु दु।

थ्व नाप आःतक कोरोना भाइरसया सक्रिय संक्रमितपि ५ हजार ८०६ म्ह थ्यःगु दु। अथेहे २४ घण्टाय् ४३८ म्ह संक्रमणमुक्त जूगु दु।

लुँया भाः थौं तोलां खुसः थहावंगु दु। थौं लुँ तोलां खुसः थहावना ९६ हजार ९ सय रुपैयाँ थ्यःगु दु धका नेपाल सुनचाँदी व्यवसायी महासंघं धाउगु दु।

अथेहे, वहः न तोलां ३५ रुपैयाँ न थहावंगु खः। वहः तोलां ३५ थहावना १२ सय ४० रुपैयाँ किनबेच जुगु दु धका महासंघं धाउगु दु।