म्ये हालामि मिनर्वादेवी शाक्य बज्राचार्यं सलय् “जीवन अनमोल खःथ्व जीवन” म्येया म्युजिक भिडियो मंगलवाः छगू ज्याझ्वः दथुइ मूपाहाँ बागमति प्रदेशया सांसद हरिप्रभा खड्गी श्रेष्ठ पितब्वज्या यानादीगु खः।

बुद्ध दर्शन व जीवन दर्शनया लिधंसा कया वरिष्ठ म्ये च्वमि संघरत्न शाक्यया च्वसाय् मिनर्वा सलय् रजय बज्राचार्यं पिथनादीगु खः। रविन्द्रमान शाक्यया सभाध्यक्षताय् जूगु उगु ज्याझ्वलय् जनगायक भृगुराम श्रेष्ठ विशेषपाहां व नेवाः म्ये संकिपा ख्यःया न्हापांम्ह निर्देेशक विजयरत्न असंबरे पाहां कथं झायादीगु खः ।

नरेन्द्रमान शाक्यं लसकुस यानादीगु उगु ज्याझ्वलय् म्ये हालामि मिनर्वा, कलाकार शोभा महर्जन, परिकल्पनाकार व निर्देशक रवि सायमि, म्ये च्वमि शाक्य, पाहाँ विजयरत्न असंबरें थःथःगु नुगः खँ प्वंकादीगु खः ।

थुगु म्येया लय् चिनामि व बाजं ग्वसाः विरेन शाक्य, सिनेग्राफर भवानी शिलाकार निर्देशन व सम्पादन रवि सायमि, समाः रुपा मानन्धरपिन्सं यानादीगु खः ।

संघरत्न शाक्य, सुशिल राजोपाध्याय, आशाकाजी थकुं, सरस्वती मानन्धर, शोभा महर्जन, नेरिसा महर्जन, केशनी शाक्य श्रेष्ठ, लुनिभा मानन्धर, मन्दिरा मानन्धर, रिया महर्जन, रमन महर्जनपिन्सं अभिनय यानादीगु खः ।

मचापिं प्याखंम्वः दुथ्याका म्युजिक भिडियो दयेकेगु चलन यक्वः दु । थ्वहे झ्वलय् ख्यालि प्रस्तुतिया निंतिं नांजाम्ह सुरेन्द्र मानन्धरं निर्देशन यानादीगु “गुलि जकः बाँला छ” म्येया म्युजिक भिडियोया शनिवाः पितब्वज्या जूगु दु ।

म्येया च्वमि नाप लसय् सुरेन्द्र मानन्धर खःसा जिवित जल्मीं बाजं ग्वसाः ग्वयादीगुलि सुरेश मानन्धर व लजना मानन्धरं सः बियादीगु खः।

सुरेन्द्रं निर्देशन यागु म्येय् निर्वेश श्रेष्ठ, सर्गः मानन्धर, लूमिला मानन्धर व दृष्टि डंगोल नापं याना प्यम्ह मचा प्याखंम्वःपिन्सं प्याखं हुलातःगु दु। म्येया निंतिं कलाकार किरण जोशी व रबिता बके श्रेष्ठ पिन्सं हुलाप्याखं क्यनादीगु खःसा थुकिया किपालुमि रामबाबु मगर, इन्द्र मानन्धरं सम्पादक याःगु खः।

पूर्व मन्त्री रामबीर मानन्धरया मूपाहाँसुइ जूगु उगु भिडियो पितब्वज्याय् न्हापांम्ह नेवाः म्युजिक भिडियो निर्देेशक विजयरत्न असंबरे, पूर्व अतिरिक्त प्रहरी महानिरीक्षक बिजयलाल कायस्थ व आर्यम नकःमि विशेष पाहाँ कथं झायादीगु खः ।

न्हूगु नेपाली थ्रीलर संकिपा ‘अपीच्य’या टिजर सार्वजनिक जूगु दु । निर्देशक प्रदीप खड्गीया निर्देशनय् निर्माण जूगु उगु ‘अपीच्य’ संकिपाया टिजरयात इन्टरटेन्टेमेन्ट नेपाली टिभी नांया यूट्युब च्यानलपाखें सार्वजनिक याःगु खः ।

संकिपाया टिजर सार्वजनिकयासें निर्देशक खड्गीं धाःगु दु, ‘हरर संकिपाया टिजर सार्वजनिक याये खनाः जिमि लसता पिज्वःगु दु । आः याकनं हे देय् न्यंकंया सिनेमा हलय् क्यनेत्यनागु दु।’ ‘अपीच्य’ खँग्वःया अर्थ रहस्य जुइ । रहस्य दुने ततमत क्यनाच्वंगु बाखनय् निर्माण जूगु जुयाः संकिपाया नां ‘अपीच्य’ जूवंगु निर्देशक खड्गीया धापू दु ।

लक्ष्मीकुमार महर्जन उदास, सनीश शाक्य, सलोना बज्राचार्य, सुरज व्यञ्जनकार, रवि गिरी, रचना सिंह, सुरेन्द्र मानन्धर, कृष्णभक्त महर्जन, राजेन्द्रकुमार महर्जन राजी, विनेश श्रेष्ठ, लुनिभाः खड्गी, लक्ष्मीनाथ मदगैया आदि कलाकारपिनिगु अभिनय दुथ्याःगु संकिपा ‘अपीच्य’ डेल्टा मल्टिमिडिया ब्यानरय् निर्माण जूगु खः ।

सुदन श्रेष्ठ, धर्म महर्जन व सुरेश महर्जनं निर्माण याःगु संकिपा ‘अपीच्य’य् रविन डंगोल व आयुष महर्जनया छायाँकन, विनेश श्रेष्ठया कला निर्देशन, सुशील राजोपाध्यायया बाखं सम्पादन दुथ्याः । थ्रीलर व हरर मिक्स जूगु संकिपा ‘अपीच्य’ या निर्देशक प्रदीप खड्गीं थ्वसिबें न्ह्यः ‘कीर्तिपुरः द लिजेण्ड अफ कीर्तिलक्ष्मी’, सार्वजनिक जुइ ल्यंदूगु बहुभाषी संकिपा ‘हिमआँधी’, नेपालभाषाया आपालं संकिपाय् ज्या यायेधुंकूगु दु ।

संकिपां थःगु प्रदर्शनया इलय् दर्शक न्ह्यःने छु गुज्वःगु छाप त्वःतीगु खः, व धाःसा संकिपा प्रदर्शनय् वयेधुंकाः जक सिइदइ ।

नेवाः संगीतख्यलय् न्हू पुस्ताया पलाः कथं न्हुगु छपू म्युजिक भिडियो पिहावःगु दु।

सुरेन्द्र मानन्धरया निर्देशनय् “तुयू मैंचा हाकु मैंचा” म्युजिक भिडियो थौं छगु ज्याझ्वः दथुइ बरिष्ठ सिनेपत्रकार बिजयरत्न असंबरे पितब्बज्या यानादीगु खः। नेवाः एचडी टिभिया हलय जुगु खः। युट्युबय् नं अपलोड जुइधुंकुगु दु । शिरीष मानन्धर व सुजल मानन्धरं हालादीगु खःसा सुरेन्द्र मानन्धरं च्वयादीगु खः।

https://www.youtube.com/watch?v=qWjXXs5tWf4

बरिष्ठ सिनेपत्रकार असंबरे नापनापं सन्चारकःमि दर्शनवीर शाक्य व नेवाः पत्रकार राष्ट्रिय पत्रकार दबूया नायः नृपेन्द्र लाल श्रेष्ठ पाहाँ कथं झायादीगु खः।

ज्याझ्वलय् उगु भिडियोया नितिं ग्वाहालि यानादीपि केके मानन्धर व रामकृष्ण खडगी जुजुयात सुभाय् पौ नं लःल्हागु खः । सुरेनमान शाक्य व सुरेन्द्र मानन्धर जाना लय् चिनादीगु उगु म्येया निंतिं अन्जन श्रेष्ठं बाजं ग्वसाः ग्वयादीगु खः सा क्यामरा अमन महर्जन व सम्पादन इन्द्र मानन्धरं यानादीगु खः ।

म्युजिक भिडियोया हुलाप्याखं स्यनामी किरण जोशी व ग्वहालिमि रबिता बके श्रेष्ठ खःसा शिरीष मानन्धर, सुजल मानन्धर, तृषा मानन्धर, सलिशा मानन्धर, सुरेन्द्र मानन्धर, रामकृष्ण खड्गी “जुजु“, रबिता बके व इन्द्र मानन्धरपिन्सं थीथी भुमिकाय् म्हितातःगु दु ।

नेपालभाषाया न्हूगु म्युजिक भिडियो केबिएस लुभु स्टुडियोपाखें निर्माण जूगु ‘छंगु दुःख स्वस्वं’या पितब्वज्या जूगु दु।

तुलसि कम्प्लेक्स लुभुइ छगू ज्याझ्वः दथुइ उगु म्युजिक भिडियोया पितब्वज्या जूगु खः । नांजाःम्ह ध्वनिविद् दीप तुलाधर मूपाहांकथं झायादीगु उगु ज्याझ्वलय् म्युजिक भिडियोया पितब्वज्यालिसें कलाकार व प्राविधिकपिंत मतिनाया चिं व सुभाय् पौ लःल्हानादीगु खः ।

नेवाः सुपरस्टार रोजिना सुवालया मू भूमिका दुगु म्युजिक भिडियोय् कृष्ण श्रेष्ठ, राजाराम तण्डुकार, जयलक्ष्मी सिद्धि वज्राचार्य, सत्य नेम्कुल, सपना श्रेष्ठ, रहिस महर्जनं नं अभिनय यानादीगु दु । म्युजिक भिडियोया निर्माण नियन्त्रक व परिकल्पनाकार केबिएस लुभु खःसा छाँयाकन व सम्पादन शैलेश श्रेष्ठं यानादीगु खः निर्देशन पवन जोशीं यानादीगु खः ।

पवन जोशीं च्वयादीगु म्येँय् सरिता शाही व कृष्ण महर्जनया सः दुथ्यानाच्वंगु दुसा अनिल तुलाधरं लसय् हनादीगु खः ।