यलया नःबहालय् ग्याँस मुयाः छखा हे छेँया प्यम्ह सीउगु घटनाय् लाःपिं छेँजःपिनिगु आर्थिक ग्वाहालिया नितिं किपूया धुँदेय् प्रोडक्सनपाखें दयेकूगु नेपालभाषाया सामाजिक संकिपा ‘बसन्त ऋतु’ गुण सिनेमा हलय् निगू शो क्यनाः ग्वाहालि रकम मुंकेगु ज्या याःगु दु।

उगु संकिपा क्यनेज्या लिपा ग्याँस मुयाः जूगु घटनाय् लाःम्ह मयजु अनार ताम्राकारयात सकल स्वकुमिपिनिगु न्ह्यःने लःल्हाःगु खः। बसन्त ऋतु संकिपा क्यनाः १,५५,५०० तका दां मुंगु खःसा उगु दां यल ज्ञानमाला संघया नायः डबल शाक्यं पीडित यात लःल्हागु खः। वहे ज्याझ्वलय् बसन्त ऋतु संकिपाया छम्ह कलाकार किपूया राम महर्जनं न्याद्वः तका दां पीडित अनार ताम्राकारयात लःल्हानादीगु खः।

ज्याझ्वलय् यल ज्ञानमाला संघया निर्माणय् याकनं हे बुद्धकालीन कथाबस्तुइ आधारित संकिपा दयेकेगु घोषणा नं याःगु खः। संकिपाया लेखन निर्देशनया भाला बसन्त ऋतु संकिपाया निर्देशक बरिष्ठ निर्देशक पवन जोशीयात बिइगु स्वकुमिपिनिगु न्ह्यःने प्रतिबद्धता प्वंकूगु दु।

ज्याझ्वलय् बसन्त ऋतु संकिपाया कलाकार, प्राविधिक व लेखक निर्देशक पवन जोशीयात यल ज्ञानमाला संघपाखें संघया नायः शाक्यं सम्मान यानादीगु खःसा किपूया धुँदेय् प्रोडक्सनपाखें नं यल ज्ञानमाला संघया नायः शाक्ययात सुभाय् पौ संकिपा निर्देशक जोशीं लःल्हानादीगु खः।

 किपू नगरपालिकां नेपाल संवत् ११४२ या लसाताय् कीर्तिपुर सिङ्गिङ आइडल–११४२ या उत्कृष्ट झीम्ह छनौट याउगु दु।

वंगु मंसिर १० गते नेपालभाषा एकेदेमीया हलय् निगु चरणया ज्याझ्वः जुगु खः। १९ म्हेसिया ब्बति काउगु उगु ज्याझ्वलय् छम्ह विदेश वया न ब्बति काउगु खः।

उगु ज्याझ्वःया निति हरिशरण सायमि, ज्ञानेश्वर “निभाः”, सतिश महर्जन, तीर्थ माली, न्हुच्छे दर्शनधारी, सन्तोष महर्जन, कृष्णहरि महर्जन, रुविन श्रेष्ठ, राजु महर्जन, दिपा महर्जन व रत्न शोभा महर्जनपि निर्णायक मण्डलय् च्वंगु खः।

उत्कृष्ट झीम्ह प्रशान्त सुवेदी, जोन महर्जन, दिवेन वज्राचार्य, रसिक मालाकार, अतुल मानन्धर, निकेश मानन्धर, नफिसा महर्जन, सुदेश महर्जन, १७ कृपा बाँस्कोटा व एकता महर्जनपि लाःगु दु।

नेपालभाषाया संगीतख्यलय् निम्ह तिपुया रुपय् खनेदया वःपिं सुमित्रा व बीरेन्द्र महर्जनया सलय् थ्वःगु ज्वः म्ये स्वरे छंगु मतिनां स्वत्तुमतु स्वगु नुगः बोलया म्येया म्युजिक भिडयो शनिवाः छगू ज्याझ्वःया दथुइ पितब्वज्या जुउगु दु।

कलानिधि संगीत महाविद्यालयया कजि धनबहादुर गोपालि मूपाहाँ कथं झायादीगु खः। म्येहालामि  महर्जनया मां अबु बसुदेवी व बेखानारायण महर्जनया सभाध्यक्षताय जुगु म्युजिक भिडयो पितब्वज्या ज्याझ्वलय् नेपालभाषाया म्युजिक भिडयोया न्हापांम्ह निर्देशक नांजाम्ह सिनेपत्रकार विजयरत्न असंबरे व नांजाम्ह म्येहालामि संगीता शाक्य विशेष पाहाँकथं झायादीगु खः।

भिडयो पितब्वज्याय् भिडियोया निर्माता ओमप्रकाश महर्जनं लसकुस यानादीगु खःसा म्येहालामि सुमित्रां सुभाय् देछाना दीगु खः ।सुरेन्द्र तुलाधरं च्वयादीगु अले नांजाम्ह संगीतकःमि सुरेन्द्र श्रेष्ठं लसय् हनादीगु खःसा थ्व म्येया निर्देशक रामकृष्ण खडगीं तयार यानादीगु खः। सरिता बज्राचार्य, किरण जोशी व निभा डंगोलं अभिनय यानादीगु खः।

किपू नगरपालिकाया ग्वसालय् किपू नगर दुनेया १५ दँनिसें ३० दँदुपि न्हूपिं प्रतिभापिनिगु कीर्तिपुर आइडल ११४२ या निगूगु चरणया धेंधेंबल्ला कथं थौं शुक्रवाः न्हिनसिया २ ता इलय् कराओके राउण्ड कासा जुइगु जूगु दु।

किपूया २ वडा द्यःध्वाखा न्याम्हासिमा लागाय् च्वंगु नेपालभाषा एकेदेमिया हलय् जुइगु उगु कराओके कासाय् मुक्कं १९ म्ह कासामिपिं दुथ्याःगु जूसां छम्ह कासामि विदेशय् वनेधुंकूगुलिं आः १८ म्ह कासामिपिन्सं थःथःगु प्रतिभा न्ह्यब्वइगु जूगु दु।कन्हय् शुक्रवाः जुइगु निगूगु चरणया कराओके राउण्ड कासाय् १८ म्ह कासामिपिंमध्ये पाखें टप टेन कथं १० म्ह कासामिपिं ल्यइगु जूगु दुसा च्याम्ह कासामिपिं आउट जुइ।

टप टेन कथं ल्यंपिं झिम्ह कासामिपिनिगु दथुइ कीर्तिपुर सिंगिङ आइडल ११४२ या ग्राण्ड फिनाले कथं लाइभ बाजाय् कासामिपिन्सं म्ये हालेमाःगु दकले लिपांगु कासा जुइ। कीर्तिपुर सिंगिङ आइडल ११४२ य् न्हाप लाःम्ह प्रतिभा कलाकारयात न्ययद्वः तका दांया सिरपाःलिसें मेडल ट्रफी लःल्हाइगु जूगु दुसा ल्यू लाःम्हेसित पीद्वः तका दांया सिरपाःलिसें मेडल ट्रफी लिसें लियांल्यू लाःम्हेसित स्वीद्वः तका दांया सिरपाः व मेडल ट्रफी लःल्हायेग खः।

एजेन्सी । जापानं सर्गतय् वइगु मोटरसाइल निर्माण याःगु दु । छगू स्टार्टअप कम्पनीं उगु सर्गतय् वइगु मोटरसाइकल दयेकूगु खः ।

थुगु ब्वइगु मोटरसाइकलय् गया यात्रा यायेत धाःसा थ्यंमथ्यं ८गू क्वःति १६गू लखः नेपाली ध्यबाः मालिइ । जापानय् धाःसा थुकीया मू ६गू लखः ८०द्वः डलर तःगु दु ।

होभरबाइकया “एक्सटुरिज्मो लिमिटेड एडिशनं” जापानी बजारय् हःगु निर्माता एएलआई टेक्नोलोजीं आः मनुपिन्सं कार त्वताः थःपिनिगू उत्पादन छ्यलिगु मनंतुंगु दु । कम्पनीया लगानीकर्ता मित्सुविसु व नाजाम्ह फुटबल कासामिं केइसुके होन्डा याःगु विविसि न्ह्यथंगु दू ।

थुःगु मोटरसाइकल छक्व्ः चार्जयावलय् सच्छिःगु किलोमिटर प्रतिघन्टा या गति ४०गु मिनेट तक ब्वय् फैगू कम्पनी न्ह्य्थंगू दु । वइगु दँया दुने छम्हेसिनं गयेफइगु ३सः केजीया तौल दुपिन्त लक्षित याना निसः ग होभरबाइक उत्पान यायेगु नं उगु कम्पनी न्ह्यथंगु दु ।

देय्या लिमलाःगु सतकय् च्वये ब्वयेत अनुमति मबिउगु जापानी कानुनया हुनिं टोकियो थें जाःगु शहरय् धाःसा उगु उडान अनुमति काये थाकूगु दु । अथेसां उद्धार ज्याय् न्ह्यज्याइपिन्त धाःसा उगु बाइक छ्यलाबुलाय् याकेगु आशा कम्पनीं याःगु दु ।