Display Style:
Column Style
निक्वःखुसी माँ जुल करिना
सिल्लाथ्व नवमी ११४१, फागुन ९ आइतवाः
नायिका करिना कपुर निक्वःखुसी माँ जुयादिगु दु । आइतबाः सुथय् मुम्बईया ब्रिच क्यान्डी अस्पतालय् काय्मचायात जन्म बियादिल ।
भारतीय मिडियाकथं करिनायात शनिबाः बहनि अस्पताल भर्ना याःगु खः ।
वय्क अस्पताल भर्ना जुई न्ह्यवः तकं थःगु ज्याय् व्यस्त जुयादिगु खः ।
वय्कलं छगू विज्ञापनया सुटिङ शनिबाः हे याःगु खः । गर्भवतीया अवस्थाय् नं करिनां विज्ञापन, संकिपा व फोटोसुट थें जाःगु ज्याय् दिकूगु मदु ।
करिना व सैफया इतिहाप सन् २०१२, अक्टुवर १६ य जूगु खः । सन् २०१६ या डिसेम्बर २० तारिखय् वय्कपिन्सं न्हापांगु मचाया कथं तैमुरअली खानयात जन्म ब्यूगु खः ।
निम्हम सन्तान न्ह्यः सैफ व करिना न्हूगु छेँ झाःगु एजेन्सीं न्ह्यथंगु दु ।
पारपाचुके जुइगु जुल किम व कानीया
लहानान्युज | सिल्लाथ्व अष्टमी ११४१, फागुन ८ सनिवाः
अमेरिकी मिडियाया रिपोर्टकथं किम कार्डशिनं ¥यापर कानी वेष्टलिसें पारपाचुके नितिं मुद्दा दायर याःगु दु । इहिपा जूगु ७दँ लिपा उमिगु पारपाचुके जुइत्यंगु खः ।
४म्ह मस्तया माँ अबुया वैवाहित जीवनय् छुं ई न्ह्यःनिसें पंगः ब्वलना वचयाच्वंगु खः । गुकियाना ७दँ लिपाः पारपाचुकेया निर्णयस थ्यंगु खः । उगु बुखँ न्हापांखुसी सेलिबे्रटी बुखँ वेभसाईट टइएनजें प्रकाशित याःगु खः ।
उपिं हलिंयंक हे याकनं लोकंह्वाःम कलाकार जुइत ताःलापिं खः ।
अमेरिकी रियालिटी शोया स्टार एवं सुप मोडल किम कार्डिसन थौंकन्हय् तसकं लोकंह्वाःम्ह सेलिब्रटि जुयाच्वंगु दु ।
कार्डिसन थौंकन्हय् इन्टरनेटय् यक्व सर्च याइपिं सेलिब्रिटी मध्येय् छम्ह लाः ।
कानी वेष्ट नं छम्ह ¥यापया दुनियाय् तसकं लोकंह्वाःम कलाकार खः । १५दँ न्ह्य “गोल्ड डिगर” थेँ जाःगु मे हाला तसकं लोकंह्वाःम कलाकार जुयादिगु खः ।
किपूलिइ स्वन्हूयंक न्ह्यात कला व संगीत मेला
सिल्लाथ्व तृतीया ११४१, फागुन २ आइतवाः
‘कीर्तिपुर आर्ट एण्ड म्युजिक मेला २०२१’ शनिबाः निसें किपूलिइ न्ह्याःगु दु । स्वन्हूयंक न्ह्याइगु उगु मेलाय् गीत, संगीत, वाल पेन्टिङ, ट्याटु थेंजाःगु दक्व कलायात कःघानागु तःगु दु ।
कोरोना भाइरसया हुनिं ज्याः मदेका छेँ च्वनाच्वंपिं कलाकार व उमिगु मानसिक अवस्थायात ध्यान ब्यूसें मेला यानागु आयोजकं धयादिल ।
उगु मेलाय् १८ निसें २५ दँया ५०म्ह कलाकारपिनिगु ब्वःति दु । मेलाय् सुर्खेत, दाङ लिसें थीथी थाय्या कलाकारपिनिगु ब्वःति दु ।
मेलाया नितिं उमिसं थःगु हे ध्येबा व एक्ता इभेन्ट एण्ड क्रियटिभ म्यानेजमेन्टया ५०द्व या ग्वहालिं मेला न्ह्याकेत ताःलागु आयोजकं धयादिल ।
किपू नगरपालिका न ५०द्व व किपूलिइ किपाः च्वयेगु अनुमति बियादिइगु आयोजकं धयादिल ।
रेवन्त लालया ‘ह्याउँ ख्वाः मिसा’ सार्वजनिक
लहानान्युज | पोहेलागा द्धादशी ११४१, माघ २६ सोमवाः
इमेज च्यानल टेलिभिजनया समयबजिया ज्याझ्वःया लोकंव्हाःम कलाकार कलाकार रेवन्त लाल श्रेष्ठं हालातःगु म्ये ‘ह्याउँ ख्वाः मिसा’ या म्युजिक भिडियो सार्वजनिक जूगु दु । वंगु आइतबाः येँय् जूगु ज्याझ्वलय् वरिष्ठ म्येहालामि जुजुकाजि रन्जितं म्येया भिडियो सार्वजनिक यानादिल ।
नेपालभाषाया न्हापांम्ह म्युजिक भिडियो निर्देशक विजयरत्न असंबरें पितब्वज्या जूगु म्यूजिक भिडियोया समीक्षा यासें म्ये ख्यालि न्हिलां जाःगु म्येया भिडियो च्वछायेबहजूगु धयादिल । ज्याझ्वलय् उगु म्ये भिडियोया परिकल्पनाकार व निर्देशक सुरेन्द्र मानन्धरं लसकुस न्वचु तयेगु झ्वलय् सकसिया कुतलय् छपु बांलाःगु म्ये पिहांवःगु धयादिल । नेवाः पत्रकार राष्ट्रिय दबूया नायः सुरजबीर बज्राचार्यं नं भिन्तुना न्वचु तयादीगु खः ।
पितब्बज्या जूगु म्येया म्येग्वः लय् विष्णु जल्मियागु खःसा बाजं ग्वसाः जिवित जल्मिं यानादीगु दु । छायाङ्कन आयुष महर्जनं यानादीगु दुसा सम्पादन इन्द्र मानन्धरं यानादीगु दु ।
भिडियोस म्येहालामि रेवन्त लाल श्रेष्ठं लिसें रबिता बके श्रेष्ठ, सना शाक्य, सुरेश मानन्धर, दिब्यरत्न बज्राचार्य, लक्ष्मीनाथ मोदगलिया व सुरेन्द्र मानन्धरं अभिनय यानादीगु दु ।
चार्लीं सकिंपा म्हितुगु न्हापांगु दिं
राम डंगोल | पोहेलागा पञ्चमी १४११, माघ २० गते मंगलबाः
चार्ली चापलिनया नां ला सकसिंया न्येनातःगु नां खः । थौंया दिं १९४१ य् चार्लीया न्हापांगु सकिंपा वःगु खः ।
गुकिया नां खः मेकिङ अ लिभिङ । उगु संकिपाय् वय्कलं छम्ह ठगया भूमिका म्हितुगु खः । सकिंपा हेनरी लेहरम्यानं च्वयादिइगु खः धासाः निर्देशन नं वय्कया हे खः ।
उगु संकिपा १५गू मिनेटया जक दूगु खः । संकिपा कमेडी खः धाःसा थ्वः यो साइलेन्ट मूभी खः । अर्थात् ्थुकि सः मदुगु खः मात्र थुकि एक्शन व एक्सप्रेशन जक दूगु खः ।
उगु संकिपानिसें थःगु अभिनयं दर्शकपिन्त न्ह्इपुसेच्वंकावःगु दु ।
वय्कया जन्म १६ अप्रिल १८८९ य् लण्डन जूगु खः । छगू गरिब परिवारय् जूगु खः । वय्कया पूवंक नां चार्ल स्पेन्सर च्यापलिन खः ।
वय्क चीधंगु उमेरय् हे माँ व अबुया डिभोर्स जूगु खः गुकिइ याना चार्ली या माँ मानसिक ल्वगी तकं जूल ।
९दँ दुबले छेँया दक्वः भालाः कायेमाबलय् ज्याः न्ह्याकूगु खः । वय्कलं ब्वनेकुथिइ वना ब्वनेगु ह्वःता नं त्वःफिपकेमाल ।
वय्कलं ४क्वःतक्क इहिपा याःगु खः धासा ११म्ह मस्तय् अबु जुयादि । वय्क सीधुंका सीम्ह खुयायंकूगु खः । तर लिपाः लूत ६ फिट गाः खना ल्हाकूगु खः । एजेन्सी
