Display Style:
Column Style
‘मिस्टर एण्ड मिस थारु २०२१’ जुइगु
राम डंगोल | पोहेलागा चतुर्थी ११४१, माघ १९ सोमवाः
स्वक्वःगु संस्करणया ‘मिस्टर एण्ड मिस थारु २०२१’ या अडिसन थ्वहे माघ २४ गतेनिसें जुइगु जूगु दु ।
वाइएसी इभेन्ट्सया सहकार्यय् जह इन्टरटेनमेन्टया ग्वसाःलय् थ्वः धेँधेँबल्ला देय्या थीथी शहरय् छक्वलं अडिसन जुई ।
ग्वसाःखलंः सोमबाः छगू पत्रकार ज्याझ्वःया याना उगु इभेन्टया लागि दक्वं तयारी पूवंगु जानकारी बिउगु खः ।
जह इन्टरटेनमेन्टया प्रवन्ध निर्देशक सुरेश चौधरीं अडिसनया लागि दक्वः तयारी पूवंगु जानकारी बियादिइगु खः ।
वय्कलं अडिसन जुइगु थाय्निसें ब्वति काइपिं दक्व पूवनेधुंकूगु व फागुनया न्हापांगु वाया दुने अडिनस नं क्वचायेकेगु प्रवन्ध निर्देशक चौधरी धयादिल ।
अडिसनया न्हापांगु दिं माघ २४ गते चितवन भरतपुरया लाइम एण्ड लेमन लङज, विराटनगरया इनर्जी वल्र्ड जिम एण्ड फिटनेस सेन्टर व नेपालगञ्जया स्वस्तिक कटेज एण्ड गार्डेन रिसोर्टय् अडिसन जुइ ।
अथेहे माघ २८ गते सुनसरी झुम्काया सोउल म्युजिक प्रोडक्सन, सिराहा लहानया अर्किड क्याफे, पर्सा वीरगञ्जया होटल ओम रेसिडेन्सी रेष्टुरेन्ट एण्ड बार, कैलालीधनगढीया थारु छात्रवासय् अडिसन जुइगु ग्वसाःखलं जानकारी बिउगु दु ।
अथेहे फागुन १ गते येँया अनामनगरय् च्वंगु युनियन हाउस, रुपन्देही बुटवलया होटल द बुटवल भ्यू व दाङ घोराहीया कविला रिसोर्टय् अडिसन जुइगु प्रवन्ध निर्देशक चौधरीले धयादिल ।
धेँधेँबल्लाया फाइनल चितवनया सौराहाय् चैत ७ गते जुई । धेँधेँबल्ला विजेतां ५०द्वः, फस्ट रनरअपं ३०द्वः सेकेण्ड रनरअपं २०द्वः ध्येबा व थीथी सिरपा त्याकेगु इभेन्ट म्यानेजर सुदिप चौधरीं जानकारी बियादिल ।
थ्वः धेँधेँबल्लाया न्हापांगु संस्करणया मिस्टर थारु चन्दन चौधरी व मिस थारु जेनिसा चौधरी जुयादिइगु खः।
निगूगु संस्करणया मिस्टर थारु रविन चौधरी व मिस थारु आकृति चौधरी जुयादिइगु खः ।
कंगना, इन्दिरा गान्धीया भूमिकाय्
पोहेलागा तृतीया ११४१, माघ १८ आइतवाः
भारतीय अभिनेत्री कंगना रावतं राजनीतिक फिल्मय् इन्दिरा गान्धीया भूमिकाया संकिपा म्हितिगु जूगु दु ।
भारतया पुलाँम्ह प्रधानमन्त्री तक्कं जुयादिइम्ह इन्दिरा गान्धीया जीवनी दयेकूगु संकिपाय् कंगना लिसें मेपिं लोकंह्वाःपिं कलाकारपिनिगु अभिनय दइगु कंगना धयादिल ।
कंगनां ट्विटरय्, गान्धीया जीवनीया लिधंसाय् मखुसे छगू ऐतिहासिक घटनाया लिधँसाय् संकिपा जूगु धयादिल ।
‘थुकिं भारतया आःया सन्ततिं भारतया राजनैतिक, सामाजिक इतिहासबारे सिइके फइ’, वय्कलं धयादिल, ‘थुकिया स्क्रिप्टया ज्या म्होजक दनिगु व याकनं हे रिलिज जुई’ ।
वय्कलं गान्धीया भूमिकाय् म्हितिगु छगू किपा तकं सार्वजनिक यानादीगु दु । भारतीय राजनीतिया इतिहासय् दक्कल अप्वः प्रतिष्ठित मनुतय्गु भूमिका म्हितेत अतिकं पियाच्वनागु न कंगना धयादिल ।
कंगनां निर्माण दूगु थ्वः संकिपाया कथा लेखन व निर्देशन साइ कबिरं यानादि । एजेन्सी
ufo
रणवीर सिंहं ‘सर्कस’या लागि ५० करोड पारिश्रमिक
शोभा श्रेष्ठ | पोहेलागा पारु११४१, माघ १६ शुक्रवाः
बलिउड अभिनेता रणवीर सिंहया मार्केट भ्यालु व डिमान्ड न्हिया न्हिथं अप्वोया वना च्वंगु दु । थुगु हे कारणं अभिनेता सिंहं थःगु पारिश्रमिक अप्वोकूगु दु। सिहं चलचित्र ‘सर्कस’या लागि ५० करोड पारिश्रमिक क्वछिगु दु । “हरेक सफल चलचित्र नाप रणवीर सिंहया मार्केट भ्यालु अप्वोया च्वंगु दु। सर्कसया लागि वं ५० करोड पारिश्रमिक तोके याःगु दु ।
छगु लिपा मेगु सफल चलचित्र नाप थःगु पारिश्रमिक मेगु हाकनं अप्वोय्फु,” ट्रेड स्रोतं धाःगु दु। रणवीरं उगु चलचित्रया लागि ७५ दिं छायांकन् बिते याःगु खः । थुगु कथं वंयागु छन्हुया लागि पारिश्रमिक ६६ लाख जुइ । थुगु ल्याखं आःतक दकलय् अप्वो पारिश्रमिक काम्ह अभिनेताया धलखय् शीर्ष थासय् थ्यःगु दु। थ्व सच्छिगु करोड क्लब दयेकेत्यम्ह निर्देशक रोहित सेट्टीया निर्देशनय् दयेके त्यःगु खः । सुपरहिट चलचित्र ‘सिम्बा’ लिपा रणवीर व रोहितया थ्व निगुगु सहकार्य जुइ त्यःगु खः।
हान छकः करोड क्लब कमेयाइम्ह निर्देशन रोहित सेट्टीनाप सहकार्य यायेत्यःगु खः । थ्व ६० दशकया आधारित इलय् चलचित्र ‘सर्कस’ या प्रायः दृष्य स्टुडियो हे छायांकन जुइ त्यःगु खः । चलचित्रया दक्को छायांकन मार्च तक सिधय्का २०२१ या चिकूलाया इलय् रिलिज यायेगु योजना निर्माण टिमया दु ।
बरुण धवनया इहिपा जूल
राम डंगोल | पोेहलाथ्व द्वादशी ११४१, माघ १२ सोमबाः
बलिउडया छम्ह सफल नायक बरुण धवन इहिपाः जूगु दु । वय्कलं थः प्रेमिका नताशा दलाललिसे आइतबार ईहिपाः याःगु खः ।
अलिबाग रिसोर्टय् जूगु छगू ज्याझ्वःस बरुण व नताशा निम्त्यपुलिं जीवन सुथांलाक्क न्ह्याकेगु वचं याःगु खः ।
बरुण र नताशाया ईहिपा ज्याझ्वलय् थःथिति, परिवार लिसें म्हो बलिउडकर्मीपिनिगु जक ब्वति दूगु खः ।
उमिगु इहिपा पंजाबी तजिलजिकथं जूगु भारतीय मिडियां न्ह्यथंगुदु ।
संकिपा ‘स्टूडेन्ट अफ दि इयर’ पाखें बलिउडय् दुथ्याम्ह निर्देशक डेविड धवनया काय् बरुणया मतिनाया खँ बलिउडया थीथी नायिकालिसे जूसां नं वय्क नताशालिसे धाःसा यक्व ईतक ह मतिनाय् दुथ्यात ।
इहिपाधुंका फोटोग्राफरया न्ह्यःने किपाः कायेगु झ्वलय् बरुण व नताशा यक्वः हे लय्ताःगु खनेदु । बरुण व नताशायात बलिउडकर्मीपिन्सं सामाजिक संजालपाखे भिन्तुना देछानाच्वंगु दु ।
