Display Style:
Column Style
राज्यमन्त्री रामवीर मानन्धरं एकल गायनय् विश्व रेकर्ड तल
शोभा श्रेष्ठ | थिंलाथ्व द्धादशी ११४० पुस ११ सनिवाः
शहरी विकास राज्यमन्त्री रामवीर मानन्धरं एकल गायन (सोलो कन्सर्ट) य् विश्व रेकर्ड तःगु दु ।
राज्यमन्त्री मानन्धरं नां वर्ल्ड बुक अफ रेकर्ड युके दुथ्यागु दसिपौ लःल्हागु दु । राज्यमन्त्री मानन्धरं लगातार प्यघौ न्यागु मिनेट नीगु सेकेण्डतक म्ये हाला विश्व कीर्तिमान तयादिगु खः। थ्वया न्हय् विश्वय् मन्त्री पदय् च्वना लगातार म्ये हाला थुगु कीर्तिमान तःगु खः। येँया अष्टनारायण चलचित्र हलय् जुगु विशेष ज्याझ्वःदथुइ मन्त्री मानन्धरं विश्व कीर्तिमानया निंतिं म्ये हालादिगु खः।
राज्यमन्त्री मानन्धरं वर्ल्ड बुक अफ रेकर्ड युकेय् बहालवाला मन्त्रीया एकल कन्सर्ट विधाय् विश्व रेकर्ड कायम जुगु दु। राज्यमन्त्री मानन्धरं नेपालभाषा व नेपाली भायया राष्ट्रिय, आधुनिक म्ये याना न्येय्गुपु म्ये हालादिगु खः।
ज्याझ्वलय् सञ्चार तथा सूचना प्रविधिमन्त्री लिसें सरकारया प्रवक्ता पार्वत गुरुङं वल्र्ड बुक रेकर्ड कायम यायेत ग्वसाग्वगु कन्सर्टया उलेज्या यानादिगु खः।
संकटा वनेगु लँय् रंगीचंगी कुसाया आकर्षण
शोभा श्रेष्ठ | थिंलाथ्व सप्तमी ११४१, पुस ६ सोमवाः
येँया न्यूरोड नाप संकटा वनेगु लँय् न्यकं रंगीचंगी कुसा तःगु दु।
उगु थासय् आकर्षन यायेगु कथं स्थानीयबासी, संकटा क्लव व वडाया सहकार्यय् उगु थासय् रंगीचंगी कुसा तयेगु ज्या जुगु खः।
उगु थासय् रंगीचंगी कुसा तयेवं थौं कन्ह्य अन फोटो कायेगु लागि ल्यासे ल्याम्हतय्गु भीड अप्वोया वःगु दु। न्युरोड गेटनिसे संकटा वनेगु लँय् अथे रंगीचंगी कुसा तःगु खः।
पत्रकार विदुर गिरी व श्याम स्मृतयात नातिकाजी सिरपा
लहानान्युज | थिंलाथ्व पंचमी ११४१, पुस ४ सनिवाः
नेपाली सङ्गीतया शिखर पुरूष नातिकाजी श्रेष्ठया ९६ क्वःगु बुदिंअया लसताय् नेपाली सङ्गीत ख्यलय् विशिष्ट योगदान बिउपि श्रष्टापिन्त २०७६ सालया नातिकाजी विशिष्ट सम्मान नाप सिरपा बिइगु घोषणा याःगु दु।
गायक योगेश बैद्यया संयोजकत्वय् गठन याःगु सम्मान नाप पुरस्कार छनोट समितिया सिफारिस कथं सम्मान नाप सिरपाया घोषणा याःगु दु। नातिकाजी स्मृति समाजया अध्यक्ष शम्भूजीत बाँस्कोटाया कथं, नेपाली सङ्गीतय् विकास यायेगु योगदान दुपि व्यक्तित्वपिन्त दँय् दँसं सम्मान नाप सिरपा बिया वयाच्वंगु खः। २०७६ सालया नातिकाजी राष्ट्रिय विशिष्ट श्रष्टा सम्मान बरिष्ठ सङ्गीतकार नोर्बु छिरिङ लामायात बिइगु जुगु दु ।
बालकृष्ण सजिव, सुरेन्द्र राना, राजु अग्रवाल, सुनिल मास्के, राजु सिंह, मदन सिंह नेपाली, मनोहर सुनाम, शान्तिराम राई, चुडामणि देवकोटा व महेश खड्कायात नातिकाजी राष्ट्रिय विशेष सङ्गीत सम्मान–२०७६ लल्हाये त्यःगु दु। अथे सिरपा प्राश्ना शाक्य, चेतन सापकोटा, सुगम पोखरेल व दयाराम पाण्डेयात नातिकाजी राष्ट्रिय सङ्गीत पुरस्कार–२०७६ लल्हाये त्यःगु खः।
मेलिना राई, वसन्त सापकोटा, सुरज थापा व हर्क साउदयात नातिकाजी राष्ट्रिय प्रतिभा पुरस्कार–२०७६ लल्हाये त्यःगु खः। जीवीत जल्मीयात नातिकाजी राष्ट्रिय सङ्गीत संयोजक तथा वाद्य पुरस्कार–२०७६ लल्हाये त्यःगु खः।
विकास नाथ योगीयात नातिकाजी राष्ट्रिय शास्त्रीय सङ्गीत पुरस्कार–२०७६, बद्री पंगेनीयात नातिकाजी राष्ट्रिय लोक सङ्गीत पुरस्कार–२०७६ व पत्रकार विदुर गिरी व श्याम स्मृतयात नातिकाजी राष्ट्रिय कला पत्रकारिता पुरस्कार–२०७६ लल्हाये त्यःगु दु धका समाजं धाःगु दु।
सुरज नापित निपू नेपालभाषाया म्युजिक भिडियो पितब्बज्या
लहानान्युज | कछलागा चःह्रे ११४१, मंसिर २८ आइतवाः
कलाकार सुरज नापित नेपालभाषाया म्युजिक भिडियो छंगु हिसि दुगु ख्वाः व ए जि यःम्ह तिमिला बोलया निपू नेपालभाषाया म्येया म्यूजिक भिडियो छगु ज्याझ्वः दथुइ प्रिमियर जूगु दु । नेपालभाषाया न्हापांम्ह म्युजिक भिडियो निर्देशक व वरिष्ठ संकिपा पत्रकार विजयरत्न असंबरे मू पाहाँ व कलाकार धिरेन शाक्य विशेष पाहाँ कथं झायादीगु खः ।
म्यूजिक भिडियो सार्वजनिक ज्याझ्वलय् मूपाहाँ असंबरें नेपालभाषा संगीतख्यः नं आः अर्थिक रुपं क्वातुके माःगु खँय् बः बिया दिलसा विशेष पाहाँ शाक्यं नेवाः म्युजिक भिडियो नं टेक्निकलि बाँलाका यंकेमा धका धयादिल । प्रिमियर ज्याझ्वलय् उगु निपु म्येया निंतिं ग्वाहालि यानादीपिं सकलसित ग्वसाः खलकं मतिना या चिं नं देछागु खः ।
छंगु हिसि दुगु ख्वाः म्येया निर्देशन सुरज नापित व कैलाश महर्जनया सलय्, लसय् व च्वसाय् संगीत संयोजन बरिष्ठ संगीतकःमि बुद्ध सायमिं यानातःगु दु ।
सार्वजनिक जुउगु मेगु म्यूजिक भिडियोए जि यःम्ह तिमिला म्ये नं कैलाश महर्जनया सलय्, लसय व च्वसाय् दुसा संगीत संयोजन नं बुद्ध सायमिया हे दु । थुगु म्येया म्यूजिक भिडियोय् टिका घिमिरे, ज्यापुनी इन्दु, तुलसीराम गैरे, रोहन घिमिरे व विके नेवाःया अभिनय दुथ्यानाच्वंगु दु ।
अमर चित्रकारया छायांकन याःगु थुगु म्ये पिदनेत्यंगु दुसा चित्रकारयात असिस्टेन्ट क्यामेरा पर्सनया रुपं प्रजोन पराजुली दु । अथेहे, मेकअप आर्टिष्ट रीना महर्जन खःसा निर्देशन सुरज नापितं यानातःगु दु।
सुरज नापितया निपू म्येया म्युजिक भिडीयो पिहावःगु
शोभा श्रेष्ठ | कछलागा एकादशी ११४१, मंसिर २६ शुक्रवाः
कलाकार सुरज नापितया निर्देशनय् छंगु हिसि दुगु ख्वा व ए जि यःम्ह तिमिला निपू नेपालभाषाया म्येया म्यूजिक भिडियो कन्ह्य छगु ज्याझ्वः याना पिदनेत्यंगु दु ।
कन्हय छगु ज्याझ्वःया दथुइ यलय एम्बियन्स ३६५ य् उगु म्यूजिक भिडियो सार्वजनिक याये त्यनागु दु धका कलाकार नापित लहनान्युजयात जानकारी बियादीगु दु।
सार्वजनिक जुइगु निपुं सः व लय् संगीतकःमि कैलाश महर्जन यानादीगु खः ।
छंगु हिसि दुगु ख्वाः म्येया संगीत संयोजन संगीतकःमि बुद्ध सायमिं यानादीगु खःसा म्येया निर्देशन सुरज नापित व सह निर्देशकया रुपं सुजित नापित याःगु खःसा सुरज नापित व रीना
महर्जनं अभिनय यानातःगुलि क्यामेरा पर्सन अमर चित्रकार खः ।
