नेपालभाषाया कलात्मक संकिपा आसकुतिया ११ः३० बजे व २ बजेया निगू शो हाउसफूल जुइवं सुथसिया ८ः३० बजे नं क्यनीगु जूग दु । सिटीसी मल सुन्धाराय् चैत्र २१ गते क्यनेज्या जुइगु थुगु संकिपाया टिकट थुलि याकनं चूगुलिं थःपिन्त तसकं उत्साहित याःगु कलाकार सुरज ब्यञ्जनकारं कनादीगु दु ।

आयाम फिल्मस्या न्ह्यब्वया सुरेन्द्र तुलाधरया निर्देशन व बूलाल महर्जनया निर्माण संकिपा “आसकुति” या बाखं सुरेश शाक्यं च्वयादीगु खःसा मू भूमिकाय् कलाकार सुरज ब्यञ्जनकार, कृष्णा श्रेष्ठ, रोजिना सुवाल, सुरज नापित, रामराजा भाम, रञ्जना सिथिखु, रोहन प्रजापति, बुलाल महर्जन, सबिनरत्न शाक्य, कृष्टिना शिल्पकार, सुजन बज्राचार्यपिन्सं अभिनय यानादीगु दु ।

छायाँकन व सम्पादन अमर चित्रकारं यानादीगु थुगु संकिपातय् संगीत नील शाक्य, संगीत संयोजक भुपेन्द्र बज्राचार्य, रेकर्डिष्ट सुरेन्द्र श्रेष्ठ खःसा सतिस महर्जन, निशा देसार, दिपा महर्जनं म्ये हालादीगु खः । कोरियोग्राफर निशिला शाक्य, सहायक निर्देशक सबिनरत्न शाक्य, निर्माण नियन्त्रक मञ्जिल शाक्य, मेकअप पूजा शाही, पोष्ट प्रोडक्शन सिनेजोन बागबजार, डबिंग सुजन बडालपिन्सं यानादीगु खः । कोभिड १९ या जोखिम मदय्क क्यनेज्या जुइगु निर्माण पुचलं जानकारी ब्यूगु दु ।

नेपालभाषाया कलात्मक संकिपाः “आसकुति” निर्माण जूगु संकिपा ट्रेलर व म्ये थौं सोमवाः छगू ज्याझ्वःया दथुइ पितब्वज्या जुगु दु ।

आसकुति नुगः ब्वल्हंम्ह छम्ह मिसाया जीवन व आसकुति जूगुया लिच्वः कथं थः परिवार, मां अबुलिसे बायाः च्वनेमालिगु छगू मार्मिक पारिवारिक बाखंया लिधंसाय् आयाम फिल्म्सया न्हापांगु न्ह्यब्वया नेपालभाषाया संकिपाः “आसकुति” थ्व हे वइगु चैत्र २१ गते भिआइपि शो कथं येँया सुन्धाराय् च्वंगु सिटीसी मलया हलय् विशेष शो जुइत्यंगु दु ।

थौं जुुगु ज्याझ्वलय् उगु संकिपाा निर्देशक सुरेन्द्र तुलाधरं नेपालभाषाया संकिपा ख्यःयात स्तरिय व ब्यवसायिक रुपं विकास यायेमाःगु थौंया आवश्यकता खः धासें विविध कारणं नेवाः प्याखं मुक्कं च्यारिटी शोलय् जक लिकुना च्वनेमाःगु दु धका धयादीगु खः। सुरेन्द्र तुलाधरं निर्देशन याःगु संकिपाः “आसकुति”या निर्माता बुलाल महर्जन, बाखं सुरेश शाक्यं च्वयादीगु खःसा मू भूमिकाय कलाकार सुरज ब्यञ्जनकार, कृष्णा श्रेष्ठ, रोजिना सुवाल, सुरज नापित, रामराजा भाम, रञ्जना सिथिखु, रोहन प्रजापति, बुलाल महर्जन, सबिनरत्न शाक्य, कृष्टिना शिल्पकार, सुजन बज्राचार्यपिन्स अभिनय यानादीगु दु ।

अथेतु क्यामेरा÷सम्पादन अमर चित्रकार, संगीत नील शाक्य, संगीत संयोजक भुपेन्द्र बज्राचार्य, रेकर्डिष्ट सुरेन्द्र श्रेष्ठ, म्ये सतिस महर्जन, निशा देसार, दिपा महर्जन हालादीगु खःसा कोरियोग्राफर निशिला शाक्य, सहायक निर्देशक सबिनरत्न शाक्य, निर्माण नियन्त्रक मञ्जिल शाक्य, मेकअप पूजा शाही, पोष्ट प्रोडक्शन सिनेजोन बागबजार, डबिंग सुजन बडालपिन्सं यानादीगु खः ।

नेपालभाषाया संकिपाः ख्यःयात विकास यायेगु खःसा सकल जायेमाःगु थ्व इलय् सञ्चार ख्यःया सकल पत्रकार पासापिन्सं माःचाःगु भूमिका म्हिता नेवाः प्याखंयात ब्याक्क प्रचार प्रसार यानादीइ धैगु आशा व भलसा कयाच्वना धकाः निर्माता बुलाल महर्जनं धयादिलसा ज्याझ्वलय् नांजाःम्ह संकिपा बन्जाःमि गोपाल काजी कायस्थं बांलागु नेवाः संकिपाया बजारय् थ्यंकेत थःम्हं फूचाःगु ग्वाहालि याये धकाः धयादिलसा पाहाँ सिने पत्रकार विजयरत्न असंबरें संकिपा बांलायेत बीग बजेट जुइम्वाः बाखं बांलायेमा अले संकिपाय् ज्या याइपिं सकसिनं बांलाक ज्या यायेमागु खँय् बः बिया दिल ।