Display Style:
Column Style
‘जुल रे जुल’ म्यूजिक भिडियो सार्वजनिक
लहनान्युज | सिल्लागा पारु ११४१, फागुन १६ आइतवाः
कला व संगीतया माध्यमपाखे मातृभाषाया सेवा याइपिनिगु कलाकारपिनिगु भावनायात दर्शक व श्रोतापिन्स थुइकेमाःगुलि बःबियादीगु दु।
यलय् जुगु छगु ज्याझ्वलय् थःगु नँुगः तयेगु झ्वलय् कलाकार नाप निर्देशक रामकृष्ण खड्गीं वर्तमान इलय् यक्को नेवाः कलाकारपिनिगु छु न आर्थिक लाभया आशा मयासे मातृभाषाया सेवा यायेगु भावनां थुगु ख्यलय् वयाच्वंगु दु धका धयादीगु दु । ‘सू कलाकारपिन्स युट्युब लगायत थीथी माध्यमपाखे आर्थिक लाभ न काःगु दयेमाः, तर यक्कोसिया छु न आम्दानीया आशा मयासे ज्या याना वयाच्वंगु दु, धकादनिर्देशक खड्गीं धयादीगु दु।
‘दर्शक श्रोतां थज्यागु भावनाया सम्मान यायेमाः धका धयादीगु खः।’ उगु ज्याझ्वलय् बीरेन्द्र महर्जन व सुमित्रा महर्जनपिन्स हालादीगु म्ये ‘जुल रे जुल’ या म्यूजिक भिडियो न सार्वजनिक याःगु खः ।
चण्डेश्वर महर्जनं च्वयादीगु म्ये सुरेन्द्र श्रेष्ठं लय् तयादीगु खः। अथेहे रामकृष्णं निर्देशन याःगु उगु म्येया छायाङ्कन रक्की महर्जन, दृश्य सम्पादन बालकृष्ण वंशी याःगु खः।
संगीतया श्रष्टा मदुम्ह भीमबहादुरयात लुमकल
प्रियंका श्रेष्ठ | सिल्लागा पारु ११४१, फागुन १६ आइतवाः
संगीतकःमि नाप भजन संगीतया श्रष्टा मदुम्ह भीमबहादुर नकःमियात लुमन्ति छगु ज्याभ्वः जुगु दु।
उगु ज्याझ्वलय् वक्तापिन्स नेपाली नाप नेपालभाषाया भजन नाप लोक संगीत तक विकासय् संगीतकार भीम बहादुर नकःमि याःगु योगदानया चर्चा जुगु दु । उगु ज्यााझ्वलय् जन संगीत श्रष्टा अमरराज शर्मां स्थानीय समाजय् भजनयात न्हुगु धार बिइत व समाजया चाहना कथं भजन बिइत मदुम्ह नकःमि सफल जुगु दु धका धयादीगु खः ।
अथेहे वरिष्ठ गायक जुजुकाजी रंजित व वरिष्ठ संगीतज्ञ धनबहादुर गोपालीं संगीतकार नकःमि भजनया नाप ल्याय्म्हपिनिगु चाहना कथं मतिना म्ये च्वयेगु, संगीत बिइगु फुम्ह बहुप्रतिभाशाली व्यक्तित्व खः धका धयादीगु खः। जनकवि दुर्गालाल श्रेष्ठं अग्रज रचनाकारपिनिगु सम्मानया लागि न्हुपि रचनाकारं रचनाया लागि साधना यायेमाःगुलि बः बियादीगु खः। उगु ज्याभ्वलय् मदुम्ह नकर्मीपाखे च्वयादीगु नेपालभाषाया सफू ‘जिं लुमंथे जिगु खँ’ या न विमोचन जुगु खः ।
उगु सफूया बारे सफूया सम्पादक कृष्ण प्रजापति न्ववानादीगु खः । ज्याझ्वलय् संगीतकःमि भीमबहादुरया काय् रेडियो नेपालय् संगीत शाखाया प्रमुख मनराजा नकःमिं च्वयादीगु, संगीतबद्ध, आशा नकर्मी व मोहन शाक्य हालादीगु म्येया म्यूजिक भिडियो न सार्वजनिक जुगु खः।
जनकवि दुर्गालाल व जनकलाकार भृगुराम श्रेष्ठं मंकाः कथं लोकार्पण यानादीगु खः । सार्वजनिक याःगु म्यूजिक भिडियोया निर्देशक रामकृष्ण खड्गीं यानादीगु खः ।
म्ये हालामि अन्जु पन्तं यानादील निक्वःखुसी इहिपा
सिल्लाथ्व त्रयोदशी ११४१, फागुन १३ बिहीवाः
तसकं ल्वकंह्वाम्ह म्ये हालामि अन्जु पन्त निक्वःखुसी इहिपा यानादीगु दु ।
पन्तं बुधबाः इलामया थीर कोइरालालिसे ईहिपा यानादीगु खः । अन्जु व थीर निम्हेसियां निक्वःखुसी इहिपा खः ।
वय्कपिन्सं चर्चय् क्रिश्चियन तजिलजिकथं इहिपा यानादीगु खः । उपिं त्यपूलिं क्रिश्चियन धर्मय् आस्था तयादीपिं जुगुलिं चर्च इहिपा यानादीगु खः ।
अन्जु व थीर ताःईनिसें मतिना जुयाच्वंगु खः । वय्कपिनिया इहिपाखय् छुं छुं थःथितिपिनिगु जक ब्वति दूगु खः ।
पन्तं थ्वःसियां न्ह्यः म्ये हालामि मनोज राजलिसे इहिपा यानादीगु खः । उपिनि पाखें छम्ह म्ह्याःय् न दु
अभिताम बच्चनया ‘चेहरे’ ३० अप्रिलय् वइगु
सिल्लाथ्व द्धादशी ११४१, फागुन १२ बुधवाः
अभिताम बच्चनया संकिपा ‘चेहरे’ या रिजिल तिथि क्वज्यूगु दु । रहस्यमय थ्रिलर संकिपा ३० अप्रिलय् हलय् रिलिज जुइगु जूगु दु ।
प्याखँनय् अमिताभलिसे इमरान हश्मीया मू भूमिका दु । इमरान हश्मीं न्हापांखुसी थ्व सकिंपापाखें अमिताभलिसे स्क्रिन सेयर यानादिगु दु ।
अमिताभं ‘चेहरे’ या पोस्टर सेयर याना प्याखँ रिलिज तिथि घोषणा यानादीगु खः । गुकी वय्कलं च्वयादीगु दु, “ख्वाःपा सिबें तःधंगु मेगु पर्दा मदु । वास्तविक ख्वाःपाया पर्दा चालिइ । तसकं पियाच्वनादीगु रहस्मय थ्रिलर प्याखँ ३० अप्रिलय् हलय् वई ।”
सकिंपाय् रुवी जापरीया निर्देशन यानदीगु खः । संकिपाखय् अन्नु कपूर, टिभी अमेत्रिी क्रिस्टल डिसूजा, रघुवीर यादव व धृतिमान चटर्जीया भूमिका दु ।
‘बिग बोस’ १४गू संस्करण उपाधि रुबीनायात
सिल्लाथ्व दशमी ११४१, फागुन १० सोमवाः
टिभी शो ‘छोटी बहू’ पाखें बलिउडया रंगमंचय् दुहाँवम्ह रुबीना दिलैकं थुगुसीया रियालिटी शो ‘बिग बोस’ या १४गू संस्करण थःगु नामय् यायेत ताःलात ।
बिग बोसया उपाधि त्याकुसें वय्कलं ३६गू लखः या ध्येबा सिरपा नं त्याकूगु दु ।
अथेहे राहुल वैद्य फस्ट रनर अप जुयादिल । वय्क इण्डियन आइडलया न्हापांगु सिजनय् नं फस्ट रनर अप जुयादिम्ह खः ।
शोया होस्ट सलमान खानं त्याकूमीया नां सार्वजनिक याय्न्ह्यः फाइनल तक्क थ्यंपिं दक्व प्रतियोगीपिन्त छगू ह्वःता ब्यूगु खः कि उमिसं १४गू लखः ध्येबा ज्वना शो त्वना वनेफई ।
दक्व प्रतियोगीपिन्त सोचेयाय्त ३०गू सेकेण्डया ई ब्यूगु खः । दकले न्हापां राखी सावन्तं न्ह्यने वयाः १४गू लखः ध्येबा ज्वना शो त्वःतावंगु खः ।
थ्वःलिपा रुबीनायात सलमान खानं त्याकूमीया नां घोषणा याःगु खः । खानं वइगु च्यालाःया दुने हाकनं मेगु सिजन हयेगु बचं ब्यूसें थुगुसीया सिजन क्वचाःगु खः ।
थुगुसीया सिजनय् इहिपाः जुपिनिगु जोडीया नं दुथ्याकूगु खः । अभिनव व रुबीना नं इहिपा जोडीया कथं दुथ्याःगु खः ।
उपि त्यपू टिभी शो छोटी बहू सिरियलं नां जाःपिं खः ।
