Display Style:
Column Style
शैलश शाक्यबरेजुया न्हुगु म्युजिक भिडीयो पिहावयेगु तयारी
शोभा श्रेष्ठ | कछलागा सप्तमी ११४१, मंसिर २२ सोमवाः
शैलश शाक्य बरेजु च्वयादीगु न्हुगु म्ये म्युजिक भिडीयो पिहा वयेगु तयारीइ दु ।
किपूया चिलंचो बिहारय् शुटिङ्ग जुगुलि संघीय सांसद राजन केसी व बागमती प्रदेशया सांसदपिन्स उगु म्युजिक भिडियोया शुभमुर्हत यानादीगु खः।
बरेजु च्वयादीगु थुगु राष्ट्रिय भाव जाःगु म्ये भुपेन्द्र बज्राचार्य व लसता जोशी सः बियादीगु खःसा ताराराम प्रधान व रश्मी महर्जनपिन्स अभिनय यानादीगु खः। सगंीत भुपेन्द्र बज्राचार्य तयादीगु खः।
भिंतुना भिंतुना नेपाः मांयात भिंतुना
जन्मबिल छं थ्व भूमिस बुद्ध
बिश्व शान्तिया संवाहक
ज्ञान ज्योतिया भण्डारक
जय जुइमा जय जुइमा...जय जुइमा
भिंतुना भिंतुना नेपाः मांयात भिंतुना
जन्म बिल छं थ्व भुमिस शंखधर
ऋण मूक्तक दायेक
दिन दुःखीया रक्षक
जय जुइमा जय जुइमा...जय जुइमा
बलिदान बिल अधिकार कायेत
झीगु देशय झीपिं क्यनेत
भिंतुना भिंतुना नेपाल भुमियात भिंतुना
जन्म बिल छं बीर सपुत त
धर्मभक्त, दशरथ चन्द ,
शुक्रराज, गंगालाल......
जय जुइमा जय जुइमा...जय जुइमा
भिंतुना भिंतुना सकल नेपाःमियात भिंतुना
न्हुगु सः न्हूगु जः न्हूगु दँयात बन्दना
झीगु तजिलजि व झीगु भाय्
म्वाका तयेगु झीगु मंतुना
जय जुइमा जय जुइमा...जय जुइमा
“संसार अनलाइन सिंगिङ्ग स्टार २०२०”धेंधेंबल्ला ज्याझ्वः जुइगु
लहानान्युज | कछलागा षष्ठी ११४१, मंसिर २१ आइतवाः
फेसबुक लाइभं सांगितिक ज्याझ्वः न्ह्याकाः वयाच्वंगु स्वतन्त्र संसार महर्जनया संसार क्रियशनपाखे सांगितिक ज्याझ्वःयात झिंप्यवाः लिपा छगु ज्याझ्वः यासे क्वचायेकुगु दु ।
उगु फेसबुकपाखें लाइभ याःगु सांगितिक ज्याझ्वलय् सरस्वति मानन्धर, लसता जोशी, कल्पना श्रेष्ठ, राजेश महर्जन नेवाः, सरिता शाही, एन्जीला श्रेष्ठ, किशोर शाहीपि नाप श्रजल महर्जन
सांगितिक प्रस्तुति न्ह्यब्वःगु खः ।
यलया बेखाज पार्टी भेन्युइ जुगु ज्याझ्वलय् शहरी बिकास राज्यमन्त्री रामबीर मानन्धर मूपाहाँ कथं झायादीगु खः । ज्याझ्वलय् राज्यमन्त्री मानन्धरं थौंकन्ह्य कोरोना महामारीया इलय् सांगितिक ज्याझ्वः न्ह्यःब्वगु जक मखसे तजिगु ज्याझ्वः याना समापन याःगुयात च्वनाछानादीगु खः ।विशेष पाहाँ कथं यल महानगरपालिकाया मेयर चिरीबाबु महर्जन झायादीगु खः ।
साँगितिक ब्बति काःपिन्त मूपाहाँ राज्यमन्त्री मानन्धरं हनापौ लः ल्हानादिगु खःसा मेयर महर्जनं मतिनाया चिं लःल्हानादिगु खः ।
उगु ज्याझ्वलय् लोककवि राजभाई जकःमि, बरिष्ठ सिने पत्रकार विजयरत्न असंबरे, कलाकार धीरेन शाक्य, बरिष्ठ निर्दशक जोशीपिं पाहाँ कथं झायादीगु खः ।
समापन ज्याझ्वलय् संसार क्रियशन्सपाखें याकन हे हलिंन्यंकंया प्रतिभां न्ह्यब्बयेगु कथंया “संसार अनलाइन सिंगिङ्ग स्टार २०२०” धेंधेंबल्ला ज्याझ्वः जुइगु खँया नं घोषणा यागु खः।
मिस नेपाल वल्र्ड २०२० या उपाधि नम्रता श्रेष्ठयात
लहानान्युज | कछलागा पञ्चमी ११४१, मंसिर २० शनिवाः
मिस नेपाल वल्र्ड २०२० या उपाधि नम्रता श्रेष्ठं त्याकूगु दु । होटल पार्क भिलेजय् जुगु मिस नेपालया लिपागु प्रतिस्पर्धाय् सहभागी २० म्ह प्रतिस्पर्धीयात लिउने लाका नम्रता श्रेष्ठं मिस वल्र्डया ताज त्याकूगु खः। नम्रता लजगा कथं किनरगार्डेन टिचर खः।
लिपागु राउन्डय् खुम्ह प्रतिस्पर्धायात ‘कल्पना यानदिसँ छि छःगु चिधःगु ढुंगा खः, गुकिइ पूखूया पर्दा बालागु तरंग फैलै जुइ, छि नेपाली मिसाया जीवनय् ह्यूपाः हया तरंग फैलै याये चाहे जुल ला ? धका न्यःगु न्ह्यसलय् । नम्रतां थः मांयात लुमकूसे नेपाली मिसन सशक्त जुइगु उल्लेख यासे नेपाली मिसा सकारात्मक सोचं न्ह्यने वनिइगु धका धका धासे नम्रतां उकिया आधारय् संसारयात त्याके फइ धका धाःगु खः।
उगु न्ह्यसःया लिसः बिया मिस नेपाल सुपरनेसनलया उपाधि सिमल कनौजिया न त्याकूगु खः।
भारती व हर्ष जमानतया लागि बिःगु निवदेन रद्द यायेगु एनसीबीया माग
लहानान्युज | कछलागा तृतीया ११४१, मंसिर १८ बिहीवाः
बलिउडय् लागु वासःया मुद्दाय् अनुसन्धान याना च्वंगु नारकोटिक कन्ट्रोल ब्यूरो (एनसीबी) विशेष एनडीपीएस अदालतय् हास्य कलाकार भारती सिंह व जहान हर्ष लिम्बाचिययात बिःगु जमानत रद्द यायेत इनाप याःगु दु।
क्वयाःगु अदालतया आदेशयात वेवास्ता यासे भारती दम्पत्तीयात हिरासतय् तया सोधपुछ याकेत एनसीबीं निवेदन पेश याःगु खः।
एनसीबी न बिःगु निवेदन लिपा अदालतं भारती व हर्षयात मंगलवाः नोटिस जारी याःगु खः। सम्भवतः केगु वाः थुगु मुद्दाया सुनुवाइ अदालतय् जुइ धका समाचारय् उल्लेख याःगु दु ।
एनसीबीं २१ नोभेम्बरय् भारती दम्पत्तीयात छेँय् व ज्याकूथिइ छापा मारे यासे ८६.५ ग्राम गाँजा जफत याःगु खः।
वया लिपा सोधपुछय् उमिसं गाँजा सेवन यानागु स्विकार यागुलि यायिक हिरासतय् छ्वःगु खः। तर छन्हु लिपा २३ नोभेम्बरय् उमित जमानत बिःगु खः ।
श्वेता खड्काया इहिपा २२ गते जुइगु
शोभा श्रेष्ठ | कछलागा तृतीया ११४१, मंसिर १८ बिहीवाः
अभिनेत्री श्वेता खड्का इहिपा वइगु सोमवाः मंसिर २२ गते धनगढीइ च्वम्ह विजयेन्द्रसिंह रावत नाप जुइ त्यःगु दु ।
श्वेतां इहिपाया ब्बनापौं सार्वजनिक जुइवं इहिपा जुइगु पक्का पुष्टि जुुगु दु । मिजंया पाखे ब्बनापौ सार्वजनिक जुगु खः ।
उगु इहिपा गोकर्ण फरेस्ट रिसोर्ट जुइ त्यःगु खः।
संकिपा ‘कहाँ भेटिएला’ पाखे श्रीकृष्ण श्रेष्ठनाप जोडीया रुपं नेपाली संकिपा ख्यलय् दुहावःगु खः। श्वेतां २०७१ साल असार २३ गते श्रीकृष्ण नाप इहिपा याःगु खः। श्रीकृष्णया उपचारया झ्वलय् इहिपं लिपा साउन २५ गते मदुगु खः।
