Display Style:
Column Style
संगीता शाक्यया सम्मानय् हना ज्याझ्वः
लहनान्युज | अनालाथ्व चौथी ११३८ (मे १८ २०१८)
स्वयम्भु वना पासा मुना मंकाः ग्वाहालि पुचःया ग्वसालय् छगू ज्याझ्वःया दथुइ म्ये हालामि संगीता शाक्ययात हंगु दु ।
संस्कृति पर्यटन व नागरिक उड्डयन मन्त्री मा. रविन्द्र अधिकारीया विशेष पाहाँसुइ जूगु ज्याझ्वलय् म्येहालामि शाक्ययात पुचःपाखें छगू लख व २५ द्वः तका दांलिसें हनापौ लःल्हाःगु खः ।
पुचःया छ्याञ्जेलिसें ज्याझ्वःया कजि पूर्णकाजी ज्यापुया सभापतित्वय् जूगु ज्याझ्वलय् पुचःया नायः पुष्पमान डंगोल, ज्ञानमाला भजन खलःया नायः तीर्थमान महर्जनलिसेंया उपस्थिति दुगु खःसा पुचःया दांभरिं हरिकृष्ण डंगोलं सकसितं लसकुस यानादीगु खः ।
येँ महानगरपालिकाया मेयर विद्या सुन्दर शाक्य, येँ क्षेत्र नं. ७ या सांसद रामवीर मानन्धर, वरिष्ठ गायक प्रेमध्वज प्रधान, समाजसेवी विश्वरत्न तुलाधरलिसेंया उपस्थिति दुगु खः ।
हना लिपा संगीता शाक्यया लोकंह्वाःगु थीथी म्ये नांजाःपिं म्ये हालामिपिं जुजुकाजी रंजित, पवित्र कसाः, निशा देसार, सरस्वती मानन्धर, केन्जुमा सुब्बा लिम्बु, सानुबाबु महर्जन, रत्नशोभा महर्जन, दीपा महर्जन, मानिक शाही, सोनी राजभण्डारी, सरिता प्रजापति, विरज महर्जन, पूर्णकाजी ज्यापु, रोजी श्रेष्ठपिसं यइपुगु म्येत न्यंकादीगु खः सा समय्बजि पुचःया ख्यालःलिसें नेपाः डान्स एकेडेमीपाखें यइपुगु हुलाप्याखंत न्ह्यब्वःगु खः ।
नुगःखँ तय्गु झ्वलय् विशेष पाहाँ संस्कृति मन्त्री रविन्द्र अधिकारीं थःपिसं कलाकारपिनि हितया निंतिं ज्या यानावयाच्वनागु खँ लुमंकादिसें कलाकारपिनि बौद्धिक सम्पत्तिया प्रतिलिपि अधिकार स्थापित याकेत व उकिया रोयल्टी बीकेगु निंतिं थःम्हं पहल यानागु खँ लुमंकादिल ।
वय्कलं म्हो मात्राय् हे जूसां रोयल्टी बीगु ज्या न्ह्याःगु व कलाकारपिनि दीर्घकालीन हितया निंतिं खुलाया दुने ग्यसुलाःगु नीति हय्गु खँ नं कनादिल ।
तः भुखायया लुमन्तिं माई लभ संकिपा क्यनेज्या जुल
लहनान्युज | बछलाथ्व द्धादशी ११३८ (अप्रिल २७ २०१८)
नेपालय् ब्वःगु २०७२ बैशाख १२ गते तः भुखाय व उगु भुखाचं मदुपिनिगु लुमन्तिं जापानया टोकियो शहरय् माई लभया संकिपा विशेष क्यनेज्या जुगु दु । उगु संकिपा क्यने न्ह्यः न्यागू मिनेत मौन धारण यासे ज्याझ्वः न्ह्याकुगु खः ।
ज्याझ्वलय् अवैतनिक महाबाणिज्य दुत कुनियो ईमानिशी झायादिगु खःसा अथे हे जापानया विशेष व्यक्तिपिं, नाप नेपाःया बिशिष्टं ब्यक्तिपिं न उपस्थिति दुगु खः ।
थुगु संकिपाया निर्देशक डा.तोशिआकी इतोह खः । थ्व हे अप्रिल २८ तारिखय् जापानया नितिं नेपाली राजदुत लिसें जापानय् च्वनाच्वंपिं नेपाःमित व नेपालीतय्गु मंकाः संस्था हातेमालोया दुजःपिन्सं ग्राण्ड शो यायेत्यंगुु दु ।
उगु संकिपालय् नेपाली कलाकात गणेश लामा, रिवोन मिजुथानी, थासाका, हायाता म्हितादिगु दुसा वयकःपिं थ्व इलय् जापान भ्रमणय दी ।
विरज महर्जनया निपु म्यूजिक भिडियाे सार्वजनिक जुल
लहनान्युज | चौलागा एकादशी ११३८ (अप्रिल ११ २०१८)
म्ये हालामि विरज महर्जनया नेपालभाषाया लाेकंह्वाःगु 'तुयुतुयु धाःगु' व खस भायया 'अामा' म्येया म्यूजिक भिडियाे पिदन । जुगल डंगाेलया संगीत व संगीत संयाेजनय् पूर्णकाजी ज्यापुया च्वसाय् 'तुयुतुयु धाःगु' म्येया नितिं म्येहालामि महर्जनं सर्वाेत्कष्ट नव कलाकार पेजथ्री पिपुल्स च्वाइस अवार्ड त्याकादीगु खः ।
थुगु म्यूजिक भिडियाे अनुज डंगाेलं निर्देशन यानादीगु खः । ज्याझ्वलय् सार्वजनिक जूगु मेगु म्ये बद्री देसारया संगीत व रचनाय् विरजं हालादीगु 'अामा' म्येया म्यूजिक भिडियाे विलक्षण कृयशनपाखें निर्माण जूगु खः ।
अतिकं चीधिबलय् हे हिसिदयेक म्ये हालादीम्ह विरजया अबुजु विनोद महर्जनं कायया थुगु गुण वाःचायेका संगीत शिक्षा कायकादिल । १० दँ दुबलय् हे रघुनाथ महर्जनपाखें संगीत सयेकादीम्ह विरजं १३ दुबलय् हे विरजया म्ये न्यने न्यंकेगु नितिं एकल साँझ ज्याझ्व जूगु खः ।
बज्रवाराही फूलबारी पार्टी प्यालेसय् जूगु थुगु ज्याझ्वः हिमालयन टेलिभिजनं प्रत्यक्ष प्रशारणतकं याःगु खः । १४ दँ दुबलय् हे ‘नयाँ किरण’ म्येचाः पिथनादीम्ह विरजया पिदंगु म्यूजिक भिडियो लोकह्वायमा धकाः ज्याझ्वलय् पाहाँपिं जुगल डंगाेल, पूर्णकाजी ज्यापु व बद्री देसारं भिंतुना देछानादीगु खः ।
ज्याझ्वः संगीतकःमि व संचारकःमि सुरजवीर बज्राचार्यं न्ह्याकादीगु खः ।
रोजिन शाक्ययात ‘इन्टरनेशनल प्रेस्तिज ब्राण्ड अवार्ड
लहनान्युज | चौलागा अष्टमी ११३८ (अप्रिल ८ २०१८)
नांजाःम्ह कोरियोग्राफर रोजिन शाक्ययात ‘इन्टरनेशनल प्रेस्तिज ब्राण्ड अवार्ड २०१८’ पाखें सम्मानित जुयादीगु दुु दु ।
छःगु ज्याझ्वः दथुइ शाक्ययात क्वालालम्पुर मलेसियाया प्यालेस अफ दि गोल्डेन हर्सपाखें अप्रिल ७ तारिख २०१८ लःल्हाःगु खः ।
कोरियोग्राफर शाक्ययात उगु बेष्ट इन्टरप्रेनर इन मल्टी टास्क पर्सनालिटी अफ दी इयर अवार्ड २०१८ सम्मानित जुयादीगु खः ।
प्यसः दँया न्ह्ययाःगु म्ये पिथन
लहनान्युज | चौलागा अष्टमी ११३८ (अप्रिल ८ २०१८)
कवि नाप जुजु सिद्धिनर सिँह मल्लं सृजना याना तःगु स्वीनिपु म्ये पिथःथु दु । ललितपुर संस्कृति सम्वद्र्धन केन्द्रया प्यक्वःगु दँमुज्याय् संस्कृतिविद् वाङमय शताब्दिपुरुष सत्यमोहन जोशीं उगु सृजना संग्रहित सिडी ‘३६ सङ्स अफपोएट किङ सिद्धिनर सिँह मल्ल’ सार्वजनिक यानादीगु दु ।
उगु ऐतिहासिक सांस्कृतिक महत्वं जाःगु म्येया सिडी विमोचन यानादीसे वाङमय शताब्दिपुरुष जोशीं सांगीतिक सांस्कृतिक परम्परा अमूर्त सम्पदां जाःगु अन्तराष्ट्रिय भाषा तक दगु थुुगु संगीतया सांस्कृतिक परम्परा संरक्षणय् थुगु म्ये लिपिवद्ध हुनु जुगु व न्येनेत सिडीया रुपय् सार्वजनिज जुगु छगुु महत्वपूर्ण घटना जुगु खँ न्ह्यथनादील ।
थुगु ज्याझ्वलय् यल महानगरपालिकाका मेयर चिरिबाबु महर्जन विशेष पाहाँ कथं झायादीगु खः ।
नेपाल सम्वत ७२० दुगु इलय् थुगु म्ये यलय् थी थी दाफा भजन, नसंचा गुथि, ताम्रकार समाजं निरन्तर रुपय् न्हिया न्हि थं भजन छ्यला च्वंगु, बुगँ द्यया जात्राय्, ज्येष्ठ पूर्णिमाय् विशेष नखः इलय् थुगु म्ये हाला वयाच्वंगु खः ।
थी थी राग व लँय् दुथ्याःगु थुगु म्ये आर्टोम्यूज रेकर्डिङ स्टुडियोया संगीत निर्देशक जुगल डंगोलयो संयोजनय् तयार जुगु थुगु म्ये अन्तरराष्ट्रिय समुदायं तक थुइके फइगु कथं पाश्चात्य व पूर्वीय निगुलि सः व लिपि तक लिपिवद्ध यान तःगु खः । नीदँ तक खोज अनुसन्धान यासें सफू तयार यानागु संगीत निर्देशक जुगल डंगोलं जानकारी बियादीगु खः ।
लोपोन्मुख थःज्यागु अमूर्त संस्कृति संरक्षणया लागि म्ये सिडी व लिपिवद्ध यायेत ग्वाहालि यानादीपि संस्कृतिविद् छत्रबहादुर कायस्थ, संगीत निर्देशक जुगल डंगोल, गुरु रामकृष्ण ताम्रकार, गुरु केशवकृष्ण श्रेष्ठ, गायक नाप सगीतकार रुद्र ताम्रकार, श्यामगोविन्द ताम्रकार, काजीवावु महर्जन, बाबुकाजी महर्जन, सनलाल ताम्रकार, ज्ञानलाल अवाले, वावुकाजी महर्जन, तह्रिबाबु महर्जन, मलिक ताम्रकारयात सम्मान न याःगु खः ।
संग्रहित म्ये मध्यय् विभास राग व धरन्जती तालयु आधारित ‘शंकर पञ्चमाः’, ‘असिक रसिक’ व ‘रागआशावरी व च्वतालया आधारित ‘छु यात मन्मथ्व’ म्ये न न्ह्यब्बयादीगु खः ।
