Display Style:
Column Style
यलया एम्बियन्स ३६५ रेष्टुरेन्ट स्वदँ क्यन
नृपेन्द्रलाल श्रेष्ठ | चिल्लाथ्व पंचमी ११३८ (फ्रेअवरी २० २०१८)
यलया नां जाःगु एम्बियन्स ३६५ रेष्टुरेन्ट स्वदँ क्यंगु लसताय थौं छगु तःजिक ज्याझ्वः जुगु दु ।
थौं जुगु उगु एम्बियन्स ३६५ ज्याझ्वलय् यल ज्यापु समाजया नायः प्रेम महर्जन व एम्बियन्स ३६५या प्रबन्ध निर्देशक सुर्बण महर्जन मंकाः कथं केक त्याःना ज्याझ्वःया उलेज्या यानादीगु खः ।
अथेहे प्रचार प्रसारयाना ग्वहालि यागुनि नेपालमण्डल टेलिभिजनया अनुप शाक्य, लहना वाःपौया ब्यपस्थापक सुरेन्द्रभक्त श्रेष्ठ व लहनान्युजया नृपेन्द्रलाल श्रेष्ठयात मतिनाया चिं छगु ज्याझ्वः दथुइ एम्बियन्स ३६५ प्रबन्ध निर्देशक सुर्बण महर्जन लःल्हाना दीगु खः ।
एम्बियन्स ३६५ रेष्टुरेन्ट स्वदँ क्यंगु लसताय् न्ह्यइपुकेत सास्कृतिक ज्याझ्वः कर्मा रुम्बा विथ आरम्भ ब्यान्ड व ओम माने पेमे ब्यान्डं न्ह्यब्बयादीगु खः ।
उगु ज्याझ्वलय् बरिष्ठ ड्रमर देव राणा, मुक्ति शाक्य लगायत मेपि न कलाकारपि सहभागि जुयादीगु खः ।
नेशनल पावर न्यूज म्यूजिक अवार्ड २०१८ जुइगु
नृपेन्द्रलाल श्रेष्ठ | चिल्लाथ्व दुतिया ११३८ (फ्रेअवरी १७ २०१८)
“नेपाली जुयागुया गर्व यायेनु ं, नेपाली भाषा व संस्कृतियात म्वाकातय् नु ” धइगु मू खँ ज्वना मिडिया एण्ड ईनटरटेनमेन्ट प्रा.लि.या ग्वसालय् न्हापांखुशी नेशनल पावर न्यूज म्यूजिक अवार्ड २०१८ सिरपा ज्याझ्वः जुइगु जूगु दु ।
खस नेपाली भाय्या थीथी १३ विधा दुथ्याका तःगु थूगु अवार्डय् नेपालय् दुने न्ववाइगु नेपालभाषा , तामाङ्ग , थारु भाय् लगायत मेमेगु भाय्या गीत संगीतयात नं सिरपा बीगु खँ ग्वसाः खलःपाखें जानकारी ब्यूगु दु ।
सन् २०१५ जनवरी १ निसें २०१७ डिसेम्वर ३१ तकया दुने रेकर्ड जूगु वा वजारय् वःगु नेवाःम्ये, देउडा, मैथली र भोजपुरी, शेर्पा, तामाङ, लिम्वु, राई, थारु, गुरुङ, मारवाडी भाषाया म्येयात थूगुसीया अवार्डय् दुथ्याकीगु खँ दुसाः खस नेपाली भाय्या मुलधारया हकय् गीत संगीतया हकय् नं सन्२०१७, जनवरी १ निसें २०१७ डिसेम्वर ३१ तकया दुने रेकर्ड जूगु वा वजारय् वःगु सकिपाया म्ये, आधुनिक व पप अले लोकदोहरी यात धेंध ेंबल्लाखय् दुथ्याकीगु खँ ग्वसाः खलकं जानकारी ब्यूगु दु ।
थ्व सिरपाय् ब्वति काय्या निंतिं ईसेवा मार्फत नंं थःगु नां दुतिनेगु व्यवस्था यानातःगु दुसाः छपु म्ये दुतिनेत झिंछसः (११०० रुपिंया) तका दां ल्हापं पुले माःगु खँ नं ग्वसाः खलकं जानकारी ब्यूगु दु । ईसेवा बाहेक थःहे कार्यालय उपस्थित जुया नं आवेदन बीफइगु खँ ग्वसाः खलःया व्यवस्थापक राजन थापां कनादीगु दु ।
छगु न्हूगु सवाः ज्वना न्ह्योने वयेत्यंगु थ्व सिरपा ज्याझ्वलय् आपालं सर्जक व स्रष्टापिन्सं नुगः क्वसाय्का ब्वति काइभइगु खँय् ग्वसाः खलःया संयोजक कमला जोशी थः आशावादी जुयागु खँ कनादिल ।
थूगुसीया सिरपाय् चलचित्र, आधुनिक÷पप र लोकदोहोरी पाखे उत्कृष्ट गीतकार, संगीतकार व गायक र गायिकाया सिरपा बीगु व मेमेगु भाषा भाषीकाया गीत संगीतया हकय् उत्कृष्ट गीत रुपय् छगु भाषाया छपु म्येयात सिरपा बीगु ग्वसाः दुगु खँ नं ग्वसाः खलकं जानकारी ब्यूगु दु ।
भाषा भाषी गीत संगीतया हकय् अवार्डमा मनोनयनय् लाःपिं गीतकार, संगीतकार, गायक÷गायिकापिन्त प्रशंसा पत्र बीगु खँ ग्वसाः खलःया अध्यक्ष माधव राज खरेलं धयालीगु दु ।
फारम ईसेवापाखें नं दुतिनेगु व्यवस्था
फारामया लिङ्कया निंतिंथुके क्लिक यानादीसं –
award.esewa.com.np
निक्वःगु मिस नेवाः आइकन ११३८ जुइगु
नृपेन्द्रलाल श्रेष्ठ | सिल्लागा पारु ११३८ (फ्रेअवरी १ २०१८)
रेक्स् फेशन होमं नेवाः म्हसीका नेवाः तयेगु भाय्, धर्म, तजिलजि ल्यंका तयेगु तातुना नेपाःया म्हसीकायात संरक्षण व समद्र्धन यायेगु तिबः बिइत रेक्स् फेशन होमया ग्वसालय् थ्वहे वइगु २०७४ चैत्र १० गते निक्वःगु मिस नेवाः आइकन ११३८ ग्वसाः ग्वगु दु ।
थौं छगु पत्रकार सम्मेलनय् यासें मिस नेवाः आइकन ११३८ या कजि नाप रेक्स् फेशन होमया प्रबन्ध निर्देशक खगेश रंजितकारं जानकारी बियादीगु खः ।
थुगु मिस नेवाः आइकन ११३८ निगूगु संस्करण येँया शहीदगेट भद्रकालीइ च्वंगु आर्मी अफिसर्स क्लबय् जुइगु थुगु ज्याझ्वः दु । नेवाः आइकन स्वनिगः दुने थ्व हे वइगु माघ २८ गते व स्वनिगः पिने या पिन्त फागुन ५ गते छनोट ज्याझ्वः दु ।
अथेहे फागुन ११ गते निसें तालिम न्ह्याइगु खःसा फोटो सुट फागुन १९ गते जुइगु व हाइकिङ फागुन २६ गते व चैत्र ३ गते ट्यालेन्ट शो जुइगु खःसा फाइनल ज्याझ्वः चैत्र १० गते जुइगु धकाः थौं या पत्रकार सम्मेलनय् जानकारी ब्यूगु खः ।
मिस नेवाः आइकनया न्हापयात सिरपाः कथं ३०,००० तका दां व न्ह्ययेगु तोलाया वहःया क्राउन, फष्ट रनर अपयात २०,००० तका दां व प्यंगू तोला वहःया क्राउनलिसें सेकण्ड रनरअपयात १०,००० तका दा व स्वंगू तोलाया वहःया क्राउन सिरपा लःल्हाइगु ज्याझ्वः दु ।
उगु ज्याझ्वलय् एअर होस्टेज, स्कलरशीप, मोडलिङ कन्ट्रयाक्ट, जीम व जुम्बाया तालिम न बिगु दु ।
थौं जुगु पत्रकार सम्मेलनय् रेक्स् फेशन होमया सल्लाहकार अनुपसिं सुवाल, न्हापागु मिस नेवाः आइकन ज्योति मानन्धरया नं सहभागी जुयादीगु खः ।
आरोध्यालक्ष्मीया बुदिं हन
लहनान्युज | सिल्लाथ्व पुन्हि ११३८ (जनवरी ३१ २०१८)
मोडल व नृृत्य र्निदेशक आरोध्यलक्ष्मी खड्गीं थौं थःगु बुदिंया लसताय् छगु ज्याझ्वः याःगु दु ।
संकिपालय् दकलय् न्हापां हिरोइन जुया म्हिते त्यंगु थौं कन्ह्य शुटिङ्ग न्ह्याना च्वंगु नेपालभाषाया संकिपा ‘लिबाय् धुंका’ पुचं नाप बुदिं हं गु खः ।
म्येहालामि सुरजबीर बज्राचार्यं थःगु थौं कन्ह्य लोकंह्वाना च्वंगु बुदिंया म्ये हाला न्ह्यागु उगु ज्याझ्वलय् सुरज ब्यञ्जनकार, रबिन्द्र शाही, डवल बहादुर शाक्य व देवकुमारी खड्गी न म्ये हालादीगु खः ।
उगु ज्याझ्वलय् नांजाम्ह ख्यालिम आशाकाजी थकु न लशकुश यानादीगु खः ।
चिग्वः धिमे कासाय् कंकेश्वरी दाफा खलः न्हाप
लहनान्युज | पोहेलागा त्रयोदशी ११३८ (जनवरी १४ २०१८)
किल्लागः त्वाःया ग्वसालय् जुगु येँ महानगरव्यापी मेयर्स ट्रफि चिग्वः धिमे धें धे बल्लाः कासाय् श्री कंकेश्वरी दाफा खलः समाज यतखा न्हाप लाःग दु सा, ॐबहाः त्वाः खलः ल्यू व धिमे गुथि खलः परिवार, बिज्यापू त्वाः लियांल्यू लाःगु दु ।
न्हाप लाःगु पुचःयात छगू लख, ल्यू लाःगु पुचःयात न्यय् द्वः व लियांल्यू लाःगु पुचःयात नीन्याद्वःलिसें ट्रफी, मेडल नाप दसिपौ लःल्हाय्गु ज्या जूगु दु ।
येँ या इतुंबहालय जुगु थुगु् ज्याझ्वलय् मू पाहाँ कथं येँया मेयर विद्या सुन्दरपाखें त्वाः देवाय् मतः च्याका उलेज्या यानादीगु खः । येँया उपमेयर हरिप्रभा खड्गी श्रेष्ठजुं पाहाँ कथं झायादिगु खः ।
किपाः नातिकाजी महर्जन
